Person

Bríet Héðinsdóttir (1935-1996) leikkona

• Bríet Héðinsdóttir leikkona

4.10.1935 - 26.10.1996

Bríet Héðinsdóttir 14. okt. 1935 - 26. okt. 1996. Leikari og leikstjóri, fæddist í Reykjavík 14. október 1935. Hún lést á krabbameinsdeild Landspítalans 26. október 1996.
Fór útför hennar fram frá Dómkirkjunni í Reykjavík 5. nóvember.

Reykjavík:

Bríet lauk stúdentsprófi frá Menntaskólanum í Reykjavík 1954 og stundaði jafnframt nám í Tónlistarskólanum í Reykjavík. Hún lagði stund á þýskar og enskar bókmenntir í Vínarborg 1955 til 1960 og hóf þar einnig nám í leiklist. Hún lauk síðan prófi frá Leiklistarskóla Þjóðleikhússins árið 1962.

Leikkona, leikstjóri:

Bríet lék á ferli sínum meira en 80 hlutverk, langflest hjá Þjóðleikhúsinu en einnig hjá Leikfélagi Reykjavíkur og frjálsum leikhópum. Þá lék hún mikið í útvarpi og einnig nokkuð í sjónvarpi og kvikmyndum. Bríet var afkastamikill leikstjóri og vann hjá öllum atvinnuleikhúsum landsins. Þá stjórnaði hún fjölmörgum útvarpsleikritum og sýningum hjá Íslensku óperunni. Hún samdi leikgerðir eftir mörgum íslenskum skáldsögum og má nefna Jómfrú Ragnheiði, Svartfugl og Hið ljósa man eftir sögum Kambans, Gunnars Gunnarssonar og Halldórs Laxness. Hún þýddi mörg leikrit, einkum fyrir útvarp, og einnig smásögur og skáldsögur. Þá samdi hún bók um Bríeti Bjarnhéðinsdóttur ömmu sína, byggða á bréfum hennar til barna sinna.

Foreldrar hennar; Héðinn Valdimarsson 26. maí 1892 - 12. sept. 1948. Forstjóri, alþingismaður og verkalýðsformaður. Var í Reykjavík 1910. Framkvæmdastjóri í Bergstaðastræti 14, Reykjavík 1930 og 3ja kona hans 15.9.1934; Guðrún Pálína Pálsdóttir 15. nóv. 1909 - 11. ágúst 2000. Söngkennari. Kjördóttir: Laufey Sigurðardóttir f. 10.5.1955 Síðast búsett í Reykjavík.

Fyrsta kona Héðins 30.7.1921; Marie Madelaine Leonie Callens fædd 29. júní 1898, frá Brussel. Þau skildu. Maki 2, 21. ágúst 1926; Gyða Eggertsdóttir Briem 12.5.1908 - 28.4.1993 húsmóðir. Þau skildu. Foreldrar: Eggert Eiríksson Briem, sonur Eiríks Briems alþingismanns, og kona hans Katrín Pétursdóttir Thorsteinsson.

Systir Bríetar, dóttir Héðins og Gyðu:
1) Katrín Héðinsdóttir 1. apríl 1927 - 1. apríl 2004. Var í Bergstaðastræti 14, Reykjavík 1930. Húsfreyja í Reykjavík.

Bríet var tvígift. Hún eignaðist þrjár dætur og sex barnabörn.
Fyrri maður hennar var Sigurður Örn Steingrímsson, 14.11.1932 - 26.8.2012 prófessor við Háskóla Íslands. Þau áttu tvær dætur:
1) Sigríður Laufey Sigurðardóttir 10.5.1955, fiðluleikari. Kjörmóðir: Guðrún Pálsdóttir f.15.11.1909
2) Guðrún Theodóra Sigurðardóttir 24. des. 1959 sellóleikara. Maki 1:Brendan Casey. Maki 3: Lan Shui, f. 7.10.1957.

Seinni eiginmaður Bríetar; Þorsteinn Þorsteinsson kennari og þýðandi og þeirra dóttir er;
3) Steinunn Ólína 2.7.1969, leikkona. Maður hennar; Stefán Karl Stefánsson 10. júlí 1975 í Hafnarfirði, látinn 21. ágúst 2018 í Reykjavík. Leikari. Hann var þekktastur fyrir hlutverk sín sem Glanni glæpur í Latabæ og sem Trölli (The Grinch) í söngleiknum Þegar Trölli stal jólunum víða í Bandaríkjunum og Kanada.

Gyða Briem (1908-1983) Reykjavík (12.5.1908 - 28.4.1983)

Laufey Valdimarsdóttir (1890-1945) Reykjavík (1.3.1890 - 9.12.1945)

Svavar Pálsson (1898-1921) Hrísey (6.4.1898 - 6.6.1921)

Bríet Bjarnhéðinsdóttir (1856-1940) alþingismaður (27.9.1856 - 16.3.1940)

HAH05068

IS HAH

Final

Full

GPJ 6.9.2019

• Icelandic

®GPJ ættfræði.