Person

Finnur Kristjánsson (1916-1994) Halldórsstöðum, Kinn

• Finnur Frímann Kristjánsson (1916-1994) Halldórsstöðum, Kinn

20.6.1916 - 16.6.1994

Finnur Frímann Kristjánsson var fæddur á Halldórsstöðum í Kinn í Suður-Þingeyjarsýslu 20. júní 1916. Var á Halldórsstöðum, Ljósavatnssókn, S-Þing. 1930. Kaupfélagsstjóri á Svalbarðseyri á Svalbarðsströnd og Húsavík, síðar forstöðumaður Safnahúss Þingeyinga á Húsavík. Síðast bús. á Húsavík.
Hann lést á Húsavík 16. júní 1994 tæplega 78 ára að aldri. Útför hans fór fram frá Húsavíkurkirkju 23.6.1994.

Finnur stundaði nám í Héraðsskólanum á Laugum í tvo vetur, 1933-35, og brautskráðist frá Samvinnuskólanum 1938.

Hann var kaupfélagsstjóri Kaupfélags Svalbarðseyrar frá 1. janúar 1939 til 1. júní 1953 og kaupfélagsstjóri Kaupfélags Þingeyinga á Húsavík 1953 til ársloka 1979. Hann var bæjarfulltrúi á Húsavík 1962-74 og sat í stjórn Fiskiðjusamlags Húsavíkur 1953-62. Hann var í stjórn vélaverkstæðisins Foss á Húsavík 1953-78. Finnur var forstöðumaður Safnahúss Húsavíkur frá 1. mars 1980 til 1. ágúst 1992, en var þó eftir það viðloðandi við safnið. Hann sat í stjórn Garðræktarfélags Reykhverfinga.

Meðritstjóri Árbókar Þingeyinga frá árinu 1980. Þá sá hann um ritstjórn Boðbera, rits Kaupfélags Þingeyinga. Hann var formaður UMF Gaman og alvara í Ljósavatnshreppi á sínum yngri árum, organisti og söngstjóri við Svalbarðskirkju og starfaði síðan í sóknarnefnd Húsavíkurkirkju. Fjölmörg önnur félagsstörf hafði Finnur með höndum.

Foreldrar hans: Foreldrar hans voru Kristján Sigurðsson bóndi á Halldórsstöðum, Sigurðssonar bónda þar Þorsteinssonar bónda á Þóroddsstað, Grímssonar í Fremstafelli, og kona hans Guðrún Sigurðardóttir frá Draflastöðum í Fnjóskadal.

Hinn 9. september 1939 giftist Finnur Hjördísi Björgu Tryggvadóttur Kvaran, f. 27.8. 1920, d. 6. mars 1991, prests á Mælifelli í Skagafirði og konu hans Önnu Grímsdóttur Kvaran.

Finnur og Hjördís eignuðust þrjú börn. Þau eru:
1) Tryggvi Finnsson f. 1.1. 1942, giftur Áslaugu Þorgeirsdóttur og eiga þau þrjú börn;
2) Guðrún Finnsdóttir f. 12.2. 1945, gift Pálma Karlssyni og eiga þau þrjú börn;
3) Anna Finnsdóttir f. 16.9. 1949, gift Ólafi Gunnarssyni og eiga þau tvö börn.

IS HAH

Final

Full

GPJ skráning 26.8.2021

• Icelandic

®GPJ ættfræði 26.8.2021
Íslendingabók
Mbl 23.6.1994. https://www.mbl.is/greinasafn/grein/143343/?item_num=9&searchid=5b80e46f4317467403980ee73663025b7c4b1d22