Einstaklingur

Ragna Ingimundardóttir (1910-1988) Bergsstöðum

• Ragna Sigþrúður Ingimundardóttir (1910-1988) Bergsstöðum

12.6.1910 - 29.6.1988

Ragna Ingimundardóttir - Minning Fædd 12. júní 1910 Dáin 29. júní 1988 Ragna andaðist í Landspítalanum aðfaranótt 29. júní 1988 eftir langa og erfiða sjúkralegu, 78 ára að aldri. Fullu nafni hét hún Ragna Sigþrúður Ingimundardóttir. Ólst þau upp á Bergsstöðum, sem þá voru að vísu kallaðir Stóru-Bergsstaðir í afsalsbréfi til, Guðmundar Ingimundarsonar. Talsvert landrými fylgdi jörðinni, enda var þar um langt árabil og nokkuð fram á þessa öld stundaður umtalsverður búskapur af hans og bræðra hans, einkum þeim Ingimundi og Gesti. Er frá leið var smám saman skotið auknum stoðum undir búskap þeirra feðga. Var það gert með gerð erfðafestu samninga við Reykjavíkurkaupstað, kaupum eða leigu á landi til heyskapar, hagbeitar eða mótekju, bæði innan marka kaupstaðarins, en einnig utan hans svo sem á Elliðavatni.
Árið 1909 kvæntist Ingimundur Guðrúnu Ragnheiði Jónsdóttur. Var hún fædd 1876 í Grímstungu í Vatnsdal í Austur-Húnavatnssýslu. Hófu þau hjón búskap í Eskihlíð við Hafnarfjarðarveg, en þeirri jörð tilheyrði einnig erfðafestulandið Norðurmýrarblettur nr. 5, allmikið land.
Rétt er að geta þess hér, að samhliða búskapnum stundaði Ingimundur, ásamt bræðrum sínum, þeim Gesti og Magnúsi, vöruflutninga með hestum. Þannig tóku þeir t.d. að sér allan flutning á byggingarefni til Vífilsstaðahælisins er það var reist. Voru til þess notaðar sérstakar vagnkerrur, sem þá ruddu sér mjög til rúms eftir því sem vegalagningu miðaði áfram í landinu. Var hér um umtalsverðar framfarir að ræða frá því sem áður var. Má því segja, að þeir bræður hafi verið í hópi þeirra fyrstu, sem stóðu að þessum mikilvægu umbótum á samgöngumálum þjóðar okkar. Bíllinn var þá enn ekki kominn til sögunnar, en "þarfasti þjónninn" enn í góðu gildi. Er mér enn í barnsminni hve hestar þeirra bræðra voru fallegir og vel haldnir.
Hjónaband þeirra Ingimundar og Guðrúnar stóð ekki lengi. Hann an daðist í júnímánuði 1912 og var Ragna þá tveggja ára. Talið var að andlát Ingimundar mætti rekja til byltu er hann hlaut er hestur datt með hann, alllöngu áður.
Eftir lát manns síns bjó Guðrún enn um skeið í Eskihlíð. Þó kom að því að hún giftist Gesti mági sínum og fluttist að Bergsstöðum, en þar hófu þau búskap. Áður hafði hún selt jörðina Kristni Guðmundssyni, bakara, en hann var einnig mágur hennar.
Er hér var komið sögu var Gestur, föðurbróðir Rögnu, orðinn stjúpi hennar. Ólst hún síðan upp á heimili móður sinnar og stjúpa í hópi sex barna þeirra og naut jafnan í hvívetna sömu umhyggju og ástúðar og þau.
Í æsku þekkti ég allvel til heimilis hátta og starfa móðurbróður míns.

Bergsstaðir: Eskihlíð Reykjavík:

Foreldrar hennar, giftust árið 1909, voru Ingimundur Guðmundsson 4. október 1875 - 6. júní 1912 Húsbóndi í Reykjavík 1910 og Guðrún Ragnheiður Jónsdóttir. Var hún fædd 1876 í Grímstungu í Vatnsdal í Austur-Húnavatnssýslu.
Árið 1931 giftist Ragna Helga Kristjánssyni og eignuðust þau fjóra syni. Helgi var fæddur 1. janúar 1903 að Högnastöðum í Þverárhlíð. Hann var bifreiðastjóri að atvinnuog starfaði um 40 ára skeið hjá Eimskipafélagi Íslands. Hann var velmetinn meðal stéttarbræðra sinna, sem kusu hann heiðursfélaga í fé lagi sínu, Þrótti. Helgi stundaði íþróttir í æsku, var þekktur glímu maður í Ármanni. Hann andaðist 21. mars 1985.
Synir þeirra hjóna eru:
1) Leifur, hann lést 1981, lét eftirsig sambýliskonu, Þórunni óskarsdóttur og tvö börn;
2) Ingimundur, kvæntur Svövu Björgúlfs og eiga þau þrjú börn;
3) Davíð, kvæntur Auði Ragnarsdóttur, eiga þau tvær dætur. Eina dóttur átti Davíð fyrir hjónaband.
4) Þórður, ókvæntur.

Reykjahlíð við Reykjavík

Guðrún Jónsdóttir (1887-1968) frá Kötlustöðum (27.7.1887 - 7.7.1968)

Gunnar Gestsson (1917-2006) Kotströnd, frá Reykjahlíð í Reykjavík (30.5.1917 - 5.4.2006)

Björgvin Ottó Gestsson (1918-2009) Reykjahlíð, Reykjavík (26.10.1918 - 7.12.2009)

HAH01849

IS HAH

Loka

Fullt

GPJ 12.7.2017

• íslenska

®GPJ ættfræði
mbl 7.7.1988. https://www.mbl.is/greinasafn/grein/16976/?item_num=1&searchid=5550f51675ba40498d81e8ea6d39b4377da41c74