Person

Agnar Leví Jónsson (1917-2006)

9.5.1917 - 15.10.2006

Agnar Jónsson fæddist á Heggsstöðum í Ytri-Torfustaðahreppi, V-Húnavatnssýslu 9. maí 1917.
Hann lést á dvalar- og hjúkrunarheimilinu Grund í Reykjavík 15. október 2006.
Útför Agnars fer fram frá Fossvogskapellu í dag og hefst athöfnin klukkan 13.

Heggstaðir: Reykjavík:

Agnar lauk búfræðiprófi frá Bændaskólanum á Hvanneyri, og í kjölfar þess hélt hann á árinu 1938 til Noregs til að kynna sér loðdýrarækt, aðallega við Landbúnaðarskólann á Sem. Hann komst í mars 1940 frá Noregi með Lagarfossi til Íslands, með viðkomu í Kaupmannahöfn, í frosthörkum fyrsta vetrar heimsstyrjaldarinnar síðari.
Agnar stundaði nám við Samvinnuskólann og lauk prófi þaðan vorið 1947.

Á yngri árum vann Agnar á búi foreldra sinna og síðar um skeið verslunar- og skrifstofustörf áður en hann á árinu 1949 fékk stöðu á skrifstofu Skipaútgerðar ríkisins. Aðalféhirðir Skipaútgerðar ríkisins varð hann 1965 og allt til ársins 1987, er hann lét af störfum vegna aldurs. Agnar var löngum mikill áhugamaður um æðarrækt og efldi mjög æðarvarp á Heggsstöðum, en þangað norður sótti hann jafnan hvenær sem færi gafst og heilsa leyfði. Hann var virkur félagi í Æðarræktarfélagi Íslands og sat um árabil í varastjórn þess félags. Agnar og Ragnhildur uppeldissystir hans byggðu hús á Hallveigarstíg 10 A í Reykjavík og þar héldu þau saman heimili í 45 ár. Síðustu 3 árin bjó Agnar á dvalar- og hjúkrunarheimilinu Grund.

Foreldrar Agnars voru hjónin Jón Pálsson Leví, bóndi og söðlasmiður á Heggsstöðum, f. 21. apríl 1888 á Heggsstöðum, d. 3. júlí 1971 og Sigurjóa Guðmannsdóttir, kennari og húsfreyja, f. 29. október 1883 í Krossanesi, Þverárhreppi, V-Húnavatnssýslu, d. 27. febrúar 1979.

Bræður Agnars eru
1) Páll Jónsson Leví f. 9. maí 1917 - 8. október 1980 Var á Heggstöðum, Melstaðarsókn, V-Hún. 1930. Síðar bóndi á sama stað. Síðast bús. í Ytri-Torfustaðahreppi.
2) Ármann Leví Jónsson f. 27. júní 1920 - 31. desember 1981 Var á Heggstöðum, Melstaðarsókn, V-Hún. 1930. Lögmaður, lengst af starfandi hjá skattstjóranum í Reykjavík. Síðast bús. í Reykjavík.
Uppeldissystir þeirra bræðra er
0) Ragnhildur Anna Kristjánsdóttir f. 4. desember 1911 - 1. nóvember 2004 Verslunar- og framreiðslukona, síðast bús. í Reykjavík. Vinnukona á Heggstöðum, Melstaðarsókn, V-Hún. 1930. Ragnhildur var dóttir hjónanna Kristjáns Guðmundssonar (1861-1931) og Ragnhildar Guðmannsdóttur (1872-1914) á Ytra Hóli, og var Sigurjóa móðursystir Ragnhildar Önnu (samfeðra).

Jón Leví Pálsson (1888-1971) Heggstöðum (21.4.1888 - 3.7.1971)

Gestur Guðmannsson (1885-1970) Krossanesi (30.11.1885 - 30.11.1970)

HAH02254

IS HAH

Full

GPJ 30.7.2017

• Icelandic

http://www.mbl.is/greinasafn/minningargreinar/