Person

Ágúst B. Jónsson (1892-1987) Hofi í Vatnsdal

• Ágúst Böðvar Jónsson (1892-1987) á Hofi

9.6.1892 -28.9.1987

Ágúst var fæddur á Gilsstöðum í Vatnsdal 9.6.1892, en dó þann 28.9.1987 að Héraðshælinu á Blönduósi.
Ágúst Böðvar var einkabarn foreldra sinna, sem hófu búskap á hluta Gilsstaða vorið 1891, en fluttu þaðan vorið 1896 að Hofi í Vatnsdal. Þau Jón og Valgerður bjuggu á hluta Hofs fyrstu árin, en vorið 1901 fengu þau alla jörðina til ábúðar, en eignuðust hana alla síðar og bjuggu þar æ síðan meðan kraftar entust. Bæði voru þau Jón og Valgerður sterkir persónuleikar, mótuð af harðri lífsbaráttu fólks á síðustu áratugum 19. aldarinnar. Fóru þau vel með efni og búnaðist eftir því. Varð Hofsheimilið fljótt eitt af máttarstólpum vatnsdælsks samfélags á þessum árum. Skipaði Jón á Hofi sér fljótlega í forustusveit Vatnsdælinga, sat í hreppsnefnd, þar sem hann þótti nokkuð íhaldssamur, en mest lét hann til sín taka fjallskilamál upprekstrarfélagsins, þar sem hann hélt mjög um stjórnvölinn um meira en hálfrar aldar skeið. Hannhafði mjög ákveðnar skoðanir í pólitík, var mikill spilamaður og veitti gestum sínum brennivín á góðri stund. Hafði hann mjög í heiðri siði góðbænda um veitingar, en hafði þó hóf á, svo að til gleðiauka var. Varð Hofsheimilið á árum þeirra Jóns og Valgerðar mjög samkomustaður Vatnsdælinga þar sem fólk, bæði eldra og yngra, naut lífsins og gerði sér dagamun.
Í þessu umhverfi ólst Ágúst upp. Sem ungur maður var hann mjög hlutgengur og mótandi í félags- og skemmtanalífi sveitar sinnar og sýslu.

Gilsstaðir og Hof í Vatnsdal:

Foreldrar Ágústs voru þau Valgerður Einarsdóttir f. 4.9.1861 - 20.8.1940, skálds Andréssonar í Bólu í Blönduhlíð og Jón Jónsson f. 1.3.1861 - 17.6.1944 Jóelssonar í Saurbæ í Vatnsdal. Standa ættir Ágústs djúpum rótum um Húnavatnsþing og Skagafjörð. Kona Ágústar 9.6.1922 var Ingunn Hallgrímsdóttir f. 24.4.1887 - 4.3.1951.
Börn þeirra;
1) Sigurlaug Valgerður f. 27.4.1923, maður hennar 9.6.1944 Sigurður Örn Þorbjarnarson f. 27.10.1916 - 15.3.2002 Geitaskarði.
2) Ragna f. 26.2.1925 matráðskona Hafnarfirði, maður hennar Björn Bjarnason f. 6.10.1906 - 3.8.1961 málarameistari.
3) Inga Vigdís f. 19.11.1928, maður hennar Gísli Guðmundur Pálsson f. 18.3.1920 - 30.1.2013 bóndi Hofi.
4) Ásdís f. 12.4.1930 - 4.9.1930.

IS HAH

Final

Full

GPJ 13.5.2017

• Icelandic

®GPJ ættfræði
Íslendingabók
Húnavaka 1988
Föðurtún. bls. 77, 238, 241