Corporate body

Austurhlíð -Eyvindarstaðagerði

• Eyvindarstaðagerði

(1950)

Bærinn er byggður ofan Blöndudalsvegar gegnt Guðlaugsstöðum. Stendur hann skammt frá brekkurótum og er þar allbratt upp á hálsinn [Eyvindarstaðaháls?]. Ræktun er bæði á framræstum mýrum neðan vegarins og einnig ofan vegarins að hluta í talsverðu brattlendi. Frekar er landþröngt en allvel gróið. Jörðin hét áður Eyvindarstaðagerði. Íbúðarhús steinsteypt 1950 350 m3. Fjós yfir 20 gripi. Fjárhús yfir 360 fjár. Hesthús yfir 6 hross. Hlöður 1220 m3. Tún 20 ha., veiðiréttur í Blöndu.

Blöndudalur; Eyvindarstaðagerði; Blöndudalsvegur; Guðlaugsstaðir; Eyvindarstaðaháls; Blanda; Guðlaugsstaðabæjarlækjarós; Sjónarþúfa; Nautastallur; Dæld; Torfustaðaland;

Ábúendur;

1961- Friðrik Brynjólfsson 24. des. 1923 - 18. ágúst 2008. Var í Laufási, Þingeyri 1930. Kona hans; Guðríður Bjargey Helgadóttir 16. mars 1921. Var á Núpsöxl, Holtastaðasókn, A-Hún. 1930.

Landamerkjabrjef

fyrir landamerkjum milli jarðanna Eyvindarstaða og Austurhlíðar (áður Eyvindastaðagerðir) í Bólstaðahlíðarhreppi.

Á bakkanum niður við Blöndu í við sunnar en á móti Guðlaugsstaðabæjarlækjarósnum, um merkin í garðstúf hlaðinn úr grjóti og torfi, frá garði þessum liggja merkin upp hálsinn um vörðu úr grjóti, á melbrún rjett fyrir sunnan Sjónarþúfu, og um aðra vörðu hlaðna úr torfi, á brúninni fyrir utan og ofan Nautastall, þaðan liggja merkin upp á melana fyrir sunnan og ofan svokallaða Dæld, á staksteinóttan melhrygg, sunnan til á melhrygg þessum stendur garður hlaðinn úr grjóti, og er hann aðalmerkið uppá hálsinum, því þaðan er örskammt austur að Torfustaðalandi eptir flötum gróðurlitlum mel, og ræður þar merkjum svipuð stefna sem ofannefnd merki mynda neðan frá Blöndu. Að öðruleiti eru merki áðurgreindra jarða, sem og þeim er lýst í landamerkjabrjefi dags. 2. júlí 1887, og þinglesin að Bólstaðarhlíð 19. maí 1890.

Eyvindarstöðum 6. júní 1921.
Jón Jónsson (eigandi Eyvindarstaða)
Sigurjón Jóhannsson (eigandi Austurhlíðar)

Lesið fyrir manntalsþingi að Bólstaðarhlíð 7. júní 1921 og innfært í landamerkjabók Húnavatnssýslu Nr. 302. fol. 164

IS HAH-Bæ

Final

Full

GPJ 13.3.2019

• Icelandic

Landamerkjabók Húnavatnssýslu Nr. 302. fol. 164. 7.6.1921
Húnaþing II