Corporate body

Finnstunga í Bólstaðarhlíðarhreppi.

[1300]

Finnstunga er neðan Tunguhnjúks og stendur hátt í norðurausturhlíð Blöndudals. Útsýn er þar mikil og víð um Langadal og Ása. Bak Tunguhnjúks liggur Finnadalur fram til Skeggjastaðaskarðs. Land jarðarinnar liggur allt austur til Svartár. og eru víðlendar eyrar fram á móts við Bólstaðarhlíð. Ræktun er að mikluleyti valllendismóar og er mikill hluti túnsins í brattlendi. Íbúðarhús byggt 1942, 500 m3. Fjós fyri 14 gripi. Fjárhús yfir 300 fjár. Hlöður 920 m3. Tún 30 ha. Veiðiréttur í Blöndu og Svartá.
Í Tungu (Finnstungu) í Blöndudal var hálfkirkja „vel standandi" 1486.

Blöndudalur; Tunguhnjúkur; Langidalur; Ásar; Finnadalur; Skeggjastaðaskarð; Blanda; Svartá; Bólstaðarhlíð; Finnstungufjall; Skeggstaðir; Svartagil; Svartagilsbotn; Grænlág; Þröskuldur; Finnsdalur; Grænborg; Grjótvarða á Skarðshlíðarbrún; Kílaskarð; Tunguskál; Gildrumelshvammur; Bakkadrag; Finnslækur; Syðratungukot [Ártún]; Sölvatunga;

Solvatunga, almennilega um lángan aldur kölluð Finnstunga. þessari jörðu er sundur skiflt í þrjá sundurlausa bæi, og standa tveir í úthögum og hefur hvort býli fyri sig vissan
dýrleika eftir tíundarhæðinni, en eitt fyrisvar er á öllum þessum bæjum og óskift er öllu landinu, nema túni og engjum, milli býlanna. Jarðardýrleiki á heimajörðunni xxxii € , og so tíundast fjórum tíundum. Eigandinn Halldóra Ellindsdóttir að Bólstaðahlíð í Lángadal, eður hennar börn. Ábúandinn Sveinn Gunnlaugsson.
Landskuld i € lx álnir, áður fyri þrettán árum ii € xl álnir, síðan smámínkað því ekki bygðist ella. Betalast lx álnir í fiskatali í kaupstað, hitt í landaurum.
Leigukúgildi v, áður vj. Leigur betalast í smjöri, slætti eður peníngum uppá landsvísu; hvorutveggja landskuld og leigur heim til landsdrottins. Kvaðir öngvar.
Kvikfje vi kýr, i naut tvævett, i kálfur, lxxxiii ær, xxv sauðir tvævetrir og eldri, fimtíu veturgamlir, fimtíu lömb, v hestar, iiii hross, ii folar þrevetrir, i tvævetur, ii únghryssur, i fyl.
Fóðrast kann iiii kýr, i úngneyti, l ær, xx lömb, iii hestar; öðrum hestum er til hagagöngu burt komið og öðru kvikfje vogað einúngis á útigáng. Afrjett engin ut supra. Torfrista og stúnga lök og mjög erfið til að sækja. Elt er taði undan kvikfje. Laxveiðivon hefur verið góð í Svartá, hefur ei brúkast í margt ár, og meinast nú litil þó brúkuð væri. Beit segja menn að jörðin eigi fyri tólf hross Krossanna á milli í Ytra Langamýrarland, en ekki hefur þetta ítak brúkast í manna minni; þar í mót hafi Lángamýri átt fjárbeit á vetur í Túnguland, en er óvíst hvað mikla. Móskurð eru munnmæli að jörðin hafi átt í Ytri Lángamýrar land, en ekki hefur hann brúkast í hundrað ár eður lengur. Enginu grandar Svartá með landbroti og grjóts og sands áburði, til stórskaða og eyðileggíngar, og í sama máta fyri sunnan bæinn smálækir, sem bera í slægjubletti leir og sand. Uthagann blæs upp mikilega í holt og grasleysumosa, sem á eykst árlega og sumpart hlaupa í bröttum fjallbrekkum skriður og jarðföll. Hætt er kvikfje fyrir afætudýjum og yerður oft mein að. Vatnsból er erfitt mjög og þrýtur þó oftlega um vetur, og er þá ei annað vatn að fá heldur en hvað finnast kann í mýrardýjum, sem þó er so örðugt til að sækja, að það hefur stundum verið tilflutt á hestum og stundum þíddur snjór fyrir kvikfje. Hreppamannaflutníngur erfiður mjög á vetur og annars vegar yfir á að sækja.

Sydra Tungukot, annar bærinn. Jarðardýrleiki xii hundruð og so tíundast fjórum tíundum. Eigandinn sami og að heimajörðinni. Abúandinn Guðmundur Illugason.
Landskuld lxxx. Betalast xx álnir í fiskatali í kaupstað, hitt í landaurum heim til landsdrottins. Leigukúgildi iiii, áður fyri fimm árum iii. Leigur betalast í smjöri heim til landsdrottins.
Kvaðir öngvar.
Kvikfje ii kýr, i kálfur, xl ær, ix sauðir veturgamlir, xvi lömb, ii hestar, i hross, i foli veturgamall. Fóðrast kann ii kýr, x lömb, hinu er vogað einúngis á útigáng. Kostir og ókostir sem segir um heimajörðina, nema hvað nokkuð kann að vera hægra vatnsból þegar so vill til.

Ytra Tungukot, þriðji bærinn. Jarðardýrleiki vi € og so tíundast fjórum tíundum. Eigandinn sami ut supra. Ábúandinn Eirekur Þorsteinsson.
Landskuld lxx álnir. Betalast í landaurum heim til landsdrottins og í fiskatali í kaupstað, eftir samkomulagi.
Leigukúgildi iii. Leigur betalast í smjöri heim til landsdrottins. Kvaðir öngvar. Kvikfje iii kýr, xl ær, iiii sauðir tvævetrir og eldri, v
veturgamlir, xvi lömb, ii hestar, i hross. Fóðrast kann i kýr, i úngneyti, x lömb; það kvikfje sem meira er framfærist á tilfengnum heyjum, og sauðfje og hestum vogað á útigáng mestan part. Kostir og ókostir sem segir um heimajörðina, nema vatnsból þrýtur hjer sjaldan, en þykir þó erfitt nokkuð.

Ábúendur;

1887-1915; Jónas Jónsson 24. mars 1848 - 19. nóv. 1936. Var í Torfalæk, Hjaltabakkasókn, Hún. 1870. Húsbóndi í Finnstungu, Blöndudalshólasókn, Hún. 1880. Var í Finnstungu, Bergstaðasókn, A-Hún. 1930. Bóndi í Finnstungu. Kona hans; Aðalheiður Rósa Sigurðardóttir 6. okt. 1835 - 1912. Var á Reykjum, Þingeyrarsókn, Hún. 1845. Vinnukona á Tindum, Svínavatnssókn, Hún. 1860. Vinnukona á Akureyri 22a, Hrafnagilssókn, Eyj. 1870. Húsfreyja á Finnstungu, Blöndudalshólasókn, Hún. 1880 og 1890. Leigjandi í Finnstungu, Holtastaðasókn, Hún. 1901.

1913-1949- Tryggvi Jónasson 14. mars 1892 - 20. des. 1952. Með móður á nokkrum bæjum á Svalbarðsströnd 1876 og 1885-86. Einnig með henni á Gili í Fjörðum, S-Þing. 1881. Tökubarn í Sigluvík á Svalbarðsströnd 1877-78. Var í Botni, Þönglabakkasókn, S-Þing. 1880. Var á Akureyri, Eyj. 1901. Fiskmatsmaður á Akureyri. Fiskmatsmaður þar 1930. „Söngmaður góður ... Vinsæll maður og vel metinn“ segir Indriði. Kona hans; Guðrún Jóhanna Jónsdóttir 14. mars 1880 - 4. ágúst 1967. Húsfreyja í Finnstungu í Blöndudal, A-Hún. Húsfreyja í Finnstungu, Bólstaðarhlíðarsókn, A-Hún. 1930.

1948- Guðmundur Tryggvason 29. apríl 1918 - 9. nóvember 2009 Bóndi í Finnstungu, Bólstaðarhlíðarsókn, A-Hún. Var í Finnstungu, Bergstaðasókn, A-Hún. 1930. Var í Finnstungu, Bólstaðarhlíðarhr., A-Hún. 1957 og kona hans 31.12.1946; Guðrún Sigríður Sigurðardóttir 18. apríl 1923 - 15. desember 1975 Húsfreyja í Finnstungu í Blöndudal, A-Hún. Var á Leifsstöðum, Bergstaðasókn, A-Hún. 1930. Var í Finnstungu, Bólstaðarhlíðarhr., A-Hún. 1957. Var í Reykjavík 1945. Síðast bús. í Reykjavík.

Halldór Bjarni Maríasson, f. 9.10. 1952 og kona hans, Áslaug Finndal Guðmundsdóttir 5. janúar 1951 Var í Finnstungu, Bólstaðarhlíðarhr., A-Hún. 1957.

Skrá um landamerki Finnstungu í Bólstaðarhlíðarhreppi.

Að austanverðu í Finnstungufjalli ræður merkjum milli Finnstungu og Skeggstaða Svartagil upp að fjallsbrún, þaðan, eða frá Svartagilsbotni bein stefna suður fjallið fyrir austan Grænlágar og suður í Þröskuld sunnanvert við Finnsdal. Frá Þröskuldi ræður merkjum bein stefna í vestur yfir Grænborg og vestur í fjallið í Grjótvörðu á Skarðshlíðarbrúninni beint norður af Þröskuldi á Kílaskarð, úr grjótvörðu þessari vestur fjallið og vestur af brúninni í grjótvörðu á melhól sunnanvert við Tunguskálar, frá melhól þessum beina stefnu í vestur til Blöndu sunnanvert við Gildrumelshvamm, og er þar stór steinn jarðfastur (flaður að ofan) vísar til merkja, ræður svo áin Blanda merkjum norður eptir á móts við svonefnt Bakkadrag. Frá Bakkadragi ræður bein stefna í austur, eins og grjótvörður vísa austur í grjótgarð við Svartá norðan við Finnslæk, svo Svartá merkjum suður að fyrnefndu Svartagili

Finnstungu 17. maí 1886
Jónas Jónsson (eigandi Finnstungu)
St.M. Jónsson, umráðamaður Syðratungukots
Guðm. Klemensson, eigandi Bólstaðarhlíðar.
S. Sigurðsson, eigandi Skeggstaða.

Með tilliti til hrossabeitar af hendi Finnstungu-bónda á Finnadal skal skírskotað til samnings okkar hlutaðeiganda jarðeiganda í landamerkjaskrá fyrir jörðinni Skeggstöðum dagsettri í dag.
S, Sigurðsson, eiganda Skeggstaða.
Jónas Jónsson, eigandi Finnstungu.

Lesið fyrir manntalsþingsrjetti Húnavatnssýslu að Bólstaðarhlíð, 20. maí 1886, og innfærð í landamerkjabók sýslunnar No. 44 bl. 24

IS HAH-Bæ

Final

Full

GPJ 11.3.2019

• Icelandic

Guðmundur Paul
Jarðabók Páls Vidalín 1708. Bls 359
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók sýslunnar No. 44 bl. 24, 20.5.1886
Húnaþing II bls 213