Corporate body

Kringla Torfalækjarhreppi

(1300)

Bærinn stendur skammt ofan við þjóðveginn undir víðáttumikilli bungu. Túnið er að mestu ræktað á mel og lyngmóum, en hið efra er landið mýrlendara og grasi vafið. Land Kringlu og Skinnastaða mætist á melunum miðja vegu á milli bæjanna, en suðurmörk eru við Þúfnalæk, sem er vinsæll tjaldstaður. Íbúðarhús byggt 1954, 403 m3. Fjós fyrir 8 gripi. Fjárhús yfir 460 fjár. Hlöður 925 m3. Tún 26,4 ha.

Torfalækjarhreppur; Skinnastaðir; Þúfnalækur; Þúfulækur; Helluvarða; Reiðgötur; Lestavegurinn; Háugötur; Rauðalækjakelda; Hælshóll; Hælsvarða; Eyjar í Þingi; Þingeyrarklaustur; Stóragiljá; Beinakelda; Langhylur; Vatnsdalsárósar; Húnavatn; Sauðadalur; Þúfnalækjargil; Þúfnalækur;

Jarðardýrleiki xx € og so tíundast presti og fátækum. Eigandinn er kóngl. Majestat og liggur þessi jörð undir Þíngeyraklaustur. Ábúandinn Jón Jónsson.
Landskuld i € . Betalast í öllum gildum landaurum, sem ábúandi megnar, heim til klausturhaldarans að Þíngeyrum. Leigukúgildi v. Leigur gjaldast í smjöri. Kvaðir eru: Tveir hríshestar heim til klaustursins, og mannslán til veiða einn dag í Lánghyl. Kvikfjenaður ii kýr, i kvíga veturgömul, xxxiii ær, i sauður tvævetur, iii veturgambr, xx lömb, i hestur, i únghryssa.
Fóðrast kann ii kýr, xii lömb, xxx ær, iii hestar. Torfrista og stúnga næg. Hrísrif til eldiviðar bjarglegt Engjatak á jörðin í takmörkuðu landi, fram á eyjunum, sem liggja fyrir sunnan Vatnsdalsárósa, þar sem hún fellur í Húnavatn. Þetta engi kvartar ábúandi að líði stóran átroðníng af beit, einkanlega af peníngi klaustursbúsins Hnausa, og hafi það í sumar að meini orðið. það eru munnmæli, að þessi jörð eigi selstöðu á Sauðadal í Giljaárland, en Giljaá aftur mánaðarbeit um vetur og sex vikna beit um sumar. Beitina brúka Giljaármenn, en Krínglumenn ekki selstöðuna í lánga tíma; er og óvíst hvar selstaðan sje á Sauðadal. Engjar öngvar nema ítak sem áður er talið. Stekkjarstæði það, er menn segja ábúendur á Krínglu
hafi brúkað um lánga tíma í Þúfnalækjargili, er nú Anno 1705 með lögfestu Sigurðar Einarssonar eignað Stóru Giljaá, og brúka það Krínglumenn ekki síðan.

Ábúendur;

<1890 og 1901> Teitur Björnsson 26. febrúar 1858 - 26. júní 1903 Bóndi á Kringlu í Torfalækjarhr., Hún. Kona hans; Elínborg Guðmundsdóttir 19. apríl 1852 - 16. maí 1938 Var á Gafli, Víðidalstungusókn, Hún. 1855. Húsfreyja á Kringlu í Torfalækjarhr., A-Hún. Hún áfram húsmóðir þar 1910.

<1910> Guðmundur Sigurðsson 6. apríl 1878 - 19. desember 1921 Bóndi í Kringlu á Ásum í A-Hún. Sambk; Elínborg Guðmundsdóttir 19. apríl 1852 - 16. maí 1938 Var á Gafli, Víðidalstungusókn, Hún. 1855. Húsfreyja á Kringlu í Torfalækjarhr., A-Hún.

<1920> Árni Björn Kristófersson 29. nóvember 1892 - 11. október 1982 Bóndi á Kringlu í Torfalækjarhr., A-Hún., bóndi þar 1930, síðar í Hólanesi á Skagaströnd. Bóndi í Árnesi á Skagaströnd. Kona hans; Guðrún Sigurlína Teitsdóttir 26. október 1889 - 17. júní 1978 Húsfreyja í Kringlu, Blönduósssókn, A-Hún. 1930. Húsfreyja og ljósmóðir, síðast bús. í Höfðahreppi. Var í Árnesi, Höfðahr., A-Hún. 1957.

1935-1962- Hallgrímur Sveinn Kristjánsson 25. september 1901 - 18. maí 1990 Bóndi á Kringlu. Síðast bús. í Torfalækjarhreppi. Kona hans; Hermína Sigvaldadóttir 19. júní 1909 - 28. júní 1994 Húsfreyja á Kringlu. Var á Hrafnabjörgum, Auðkúlusókn, Hún. 1910 og 1930. Var á Kagaðarhóli í Torfalækjahr., A-Hún. 1957

1962- Jón Reynir Hallgrímsson 29. nóvember 1938 bóndi Kringlu. Kona hans; Sigurbjörg Ólafsdóttir 18. maí 1944 Var í Tungu, Blönduóshr., A-Hún. 1957.

Landamerkjaskrá fyrir þjóðjörðinni Kringlu í Torfalækjarhreppi.

Að sunnan frá Helluvörðu beina línu í fossinn í Þúfulæk, og svo sem hann ræður niður að Reiðgötum eða lestaveginum, þá eptir því sem lestavegurinn liggur norður að grjótvörðu á brekkuhorninu hjá Háugötum, frá þessari vörðu í austur beint sem vörður sýna í vörðu þá, er stendur við Rauðalækjakeldu, og frá henni í suður að Hælshól og Hælsvörðu, og þaðan rjettsýnis að fyrrnefndri Helluvörðu.
Kringla á teig til slægna á svo nefndum Eyjum í Þingi, og er hann afmarkaður frá öðru engi þar með glöggum vörðum.

Hvammi, 25. apr. 1884.
B.G. Blöndal. umboðsmaður Þingeyrarklaustursjarða.

Ofanritaðri merkjaskrá fyrir Kringluland erum við undirrituð samþykk.
Jónas Pjetursson, Sigurbjörn Jónsson, Guðrún Jónsdóttir, eigendur að pörtum úr Stórugilá
Erlendur Eysteinsson, eigandi að Beinakeldu og Stórugilá

Lesið upp á manntalsþingi að Torfalæk, hinn 21. júlí 1887, og innfært í landamerkjabók Húnavatnssýslu No. 73, fol. 38b.

Teitur Björnsson (1858-1903) Kringlu (26.2.1858 - 26.6.1903)

Ingibjörg Jósefsdóttir (1882-1955) Grund og Einarsnesi (31.12.1882 - 10.10.1955)

Beinakelda Torfalækjarhreppi ((1300))

Jón Andrésson (1853-1934) vm Kringlu 1890 (9.6.1853 - 6.11.1934)

Þóra Jónsdóttir (1904-1932) frá Skuld Blönduósi (16.3.1904 - 15.12.1932)

Signý Solveig Guðmundsdóttir (1898-1970) nuddlæknir Reykjavík (20.5.1898 - 29.1.1970)

Elísabet Helgadóttir (1875-1923) Brandsstöðum (16.11.1875 - 9.12.1923)

Gerður Hallgrímsdóttir (1935-2021) frá Kringlu (4.4.1935 - 26.1.2021)

Teitný Guðmundsdóttir (1904-2000) Litla-Bergi á Skagaströnd (23.9.1904 - 28.2.2000)

Torfalækjarhreppur ((1000-2019))

Hæli / Hæll í Torfalækjarhreppi ([1300])

Þingeyrakirkja (1864 -)

Skinnastaðir í Torfalækjarhreppi ((1000))

Þúfnalækur í landi Kringlu í Torfalækjarhreppi ((1000))

Anna Sigurðardóttir (1872-1905) Kringlu (13.2.1872 - 20.11.1905)

Vilborg Jónsdóttir (1824-1914) Kringlu og Selkirk (15.5.1824 - 30.11.1914)

Guðrún Teitsdóttir (1889-1978) Kringlu (26.10.1889 - 17.6.1978)

Hallgrímur Kristjánsson (1901-1990) Kringlu (25.9.1901 - 18.5.1990)

Árni Björn Kristófersson (1892-1982) Kringlu og Hólanesi (29.11.1892 - 11.10.1982)

Guðmundur Sigurðsson (1878-1921) Kringlu (6.4.1878 - 19.12.1921)

Elínborg Guðmundsdóttir (1852-1938) Kringlu (19.4.1852 - 16.5.1938)

Hermína Sigvaldadóttir (1909-1994) Kringlu (19.6.1909 - 28.6.1994)

HAH00557

IS HAH-Bæ

Final

Full

GPJ 27.3.2019

• Icelandic

Guðmundur Paul
Jarðabók Árna Magnússonar 1706. Bls 308
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu No. 73, fol. 38b.
Húnaþing II bls 270