Person

Margrét Guðmundsson (1929-2004) Vesturhópshólum

• Margrét Hinriksdóttir Böbs Guðmundsson (1929-2004) Vesturhópshólum

9.8.1929 - 17.2.2004

Margrét Böbs Guðmundsson fæddist í Lübeck í Þýskalandi 9. ágúst 1929. Hún lést á Landspítala við Hringbraut 17. febrúar síðastliðinn. Margrét og Hjalti hófu saman búskap á Vesturhópshólum árið 1950. Þau bjuggu þar allt þar til Hjalti lést í janúar árið 1992. Þá flutti Margrét til Reykjavíkur ásamt syni sínum Úlfari. Margrét og Úlfar áttu saman heimili á Álagranda 23, þar til hún lést. Margrét sem fædd var í Norður-Þýskalandi árið 1929, var aðeins 10 ára unglingur þegar seinni heimsstyrjöldin braust út með þeim hörmungum sem henni fylgdu. Hún hefur sennilega ekki farið varhluta af þeim frekar en aðrir sem upplifa slíka atburði. Hún var þó að sumu leyti heppin, þar sem hún var elst í fjögurra systkina hópi og það mætti að minnsta kosti ímynda sér að ef bræður hennar hefðu verið eldri en hún þá hefði hún þurft að horfa á eftir þeim í herinn.
En það má segja að Böbs-fólkið hafi verið heppið að mörgu leyti hvað þetta varðaði. Faðir mömmu starfaði sem járnbrautarvörður á þessum árum og slapp þar af leiðandi við herþjónustu.
Síðan má segja að eftir stríð hafi heppnin verið með þeim þegar landið skiptist í austur og vestur. Þá lendir fjölskylda móður minnar, ef svo má segja, "réttum" megin árinnar nema tvær móðursystur hennar sem ráku bakarí austan megin en þær flúðu með handtöskurnar einar saman og urðu að skilja allt sitt eftir í austurhlutanum. Þegar hún stóð á tvítugasta aldursári, sá hún auglýsingu í dagblaði, þar sem óskað var eftir vinnuafli í íslenskar sveitir. Hún sló til með ævintýraþrána í farteskinu.
Vorið 1949 var sennilega eitt kaldasta á öldinni en það var einmitt vorið sem móðir mín ákvað að koma og freista gæfunnar á Íslandi. Hún var mjög heppin að lenda hjá fólkinu í Grænumýrartungu, þeim Sigríði og Ragnari, sem reyndust henni mjög vel. En þrátt fyrir að hún hafi lent hjá hjartahlýju fólki má segja að náttúran norður við Hrútafjörð hafi ekki sýnt henni eins mikla hlýju. Reyndar var hlýjan svo lítil þetta vorið að tún grænkuðu ekki fyrr en komið var fram á mitt sumar og grasspretta var með minnsta móti. Hún talaði oft um þessa reynslu sína og hversu erfitt það var að koma frá vorinu í Þýskalandi í grámann norður í Hrútafirði.
Útför Margrétar verður gerð frá Vesturhópshólakirkju í dag og hefst athöfnin klukkan 14. Kveðjuathöfn var í Fossvogskirkju 24. febrúar.

Lübeck: Grænumýrartunga V-Hún. 1949: Vesturhópshólar 1951: Reykjavík um 1993:

Húsfreyja.

Móðir hennar var Margaret Ruhel, f. 1909 d. 1976. Uppeldisfaðir hennar var Henrik Böbs, f. 1907, d. 1970. Lübeck.
Hálfbræður Margrétar eru
1) Erwin Böbs f. 6.12. 1931, d. 1983,
2) Pétur Böbs f. 9.5. 1933,
3) Walter Böbs f. 25.12. 1938.
Allir eru þeir kvæntir og eiga börn og barnabörn.

Eiginmaður Margrétar 1950 var Hjalti Sigurjón Guðmundsson frá Vesturhópshólum, f. 24.5. 1924, d. 28.1. 1992.
Börn þeirra eru:
1) Lára Brynja, f. 16.8. 1951, maki Kevin Cooke, f. 16.7. 1954, búsett í Bandaríkjunum. Börn þeirra eru Alana Bryndis, f. 10.3. 1986, Connor Christjan, f. 6.11. 1987, og Brianna Bára, f. 26.7. 1989.
2) Guðmundur Hinrik, f. 24.7. 1953, maki Elísabet Kristbergsdóttir, f. 14.10. 1953, búsett í Reykjavík. Börn þeirra eru: a) Hjalti Geir, f. 12.1. 1977, sambýliskona Ellen Dóra Erlendsdóttir, f. 3.9. 1976, dóttir þeirra Elín Alda, f. 22.8. 2003. b) Kristbjörg María, f. 19.4. 1982, sambýlismaður Birgir Hákon Hafstein, f. 28.11. 1982. c) Ragna Margrét, f. 7.9. 1989.
3) Margrét Bára, f. 11.4. 1958, maki Sigurgeir Tómasson, f. 22.5. 1957, búsett í Reykjavík. Börn þeirra eru: a) Berglind, f. 8.9. 1980, sambýlismaður Gísli Rúnar Guðmundsson, f. 5.1. 1978. b) Erna Björk, f. 13.3. 1985. c) Harpa Rut, f. 30.05. 1997.
4) Ásta Emilía, f. 5.5. 1961, maki Halldór Teitsson, f. 17.7. 1952, búsett í Reykjavík. Börn þeirra eru Guðný, f. 25.10. 1991, og Helga Lára, f. 7.4. 1993.
5) Úlfar Bjarki, f. 12.7. 1969, búsettur í Reykjavík.

IS HAH

Final

Full

GPJ 5.7.2017

• Icelandic

®GPJ ættfræði
mbl 28.2.2004. https://www.mbl.is/greinasafn/grein/783875/?item_num=1&searchid=1402474341dca3cd32b321dddde53d11eaf86abc