Fyrirtæki/stofnun

Reykir við Reykjabraut

[1300]

Bærinn stendur skammt austan Reykjabrautar við norðurenda Svínadalsfjalls og gnæfir Reykjanibban þar á fjallsöxlinni. Landiði nær norðan frá Torfavatni suður að Svínavatni, þar er kallað Reykjabót. Gamla túniðvar talið grasgefið og löngum var jarðsælt hér og gott til útbeitar. Jarðhiti er steinsnar frá bænum og var þar þar lengi sundlaug. Nú hefur Húnavallaskóli verið byggður þar og borað eftir heitu vatni skammt frá bænum. Eigendur Húnavallaskóla hefur keypt alla jörðina en jarðhitann eiga Blönduós 90% og Torfalækjarhreppur 10%. Íbúðarhús byggt 1936 viðbygging 1964, 441 m3. Fjárhús yfir 400 fjár með vélgengnum áburðakjallara. Hesthús yfir 12 hross. Tún 20,2 ha. Veiðiréttur í Svínavatni

Torfulækjarhreppur; Reykjabraut; Svínadalsfjall; Reykjanibba; Torfavatn; Svínavatn; Reykjabót; Húnavallaskóli; Blönduós; Orrastaðir; Jörundarþúfa; Hrísholt; Álptatangi; Torfalækjarós; Torfalækur; Meðalheimur; Grenshóll; Egilsholt; Grásteinn; Vatnsgötur á veginum, rjett fyrir vestan Langhól; Skertlufjall; Jórunnarskál; Merkjakelda; Beinakelda; Mosfell; Stóragiljá; Þingeyraklaustur; Hóll í Norðurárdal; Svínavatn;

Reikiakot, kallað af sumum Reiker.
Jarðardýrleiki xvi €. Eigandinn Halldór Jónsson á Hóli í Norðurárdal eður mágkona hans Katrín Erlíngsdóttir, og hafa þau eignast fyrir einu eður tveimur árum, eftir andlát Brynjólfs heitins Erlíngssonar. Ábúandinn Jón Eiríksson.
Landskuld ellefutíu álnir. Betalast í öllum gildum dauðum landaurum, og afhendist þar sem landsdrottinn tilsegir innan hjeraðs. Leigukúgildi iiii. Leigur gjaldast í smjöri þángað sem
landsdrottinn tilsegir innan hjeraðs. Kvaðir öngvar.
Kvikfjenaður ii kýr, i kvíga tvævetur, xl ær, v sauðir tvævetrir og eldri, x veturgamlir, xxx lömb, iii hestar, ii hross, i foli veturgamall óvís. Fóðrast kann ii kýr, xx lömb, xl ær, i hestur til bjargar; hinu öllu er á útigáng vogað. Torfrista og stúnga hjálpleg. Rifhrís til kolgjörðar og eldiviðar hjálplegt. Silúngsveiði í Svínavatni gagnvæn ef iðkuð væri. Berjalestur hefur að gagni verið en fer nú til þurðar. Kirkjuvegur lángur. Þurfamannaflutníngur illur og lángur bæði um sumar og vetur.

Ábúendur;

<1901- 1929- Kristján Sigurðsson 3. nóv. 1861 - 7. feb. 1945. Bóndi á Reykjum, Blönduóssókn. Kona hans; Ingibjörg Pálsdóttir 20. apríl 1861 - 30. júlí 1912. Húsfreyja á Reykjum, Torfalækjarhr

1929-1973- Páll Kristjánsson 17. apríl 1901 - 14. janúar 1974 Bóndi á Reykjum, Blönduósssókn, A-Hún. 1930. Var á Reykjum í Torfalækjahr., A-Hún. 1957. Bóndi þar. Síðast bús. í Torfalækjarhreppi. Kona hans; Solveig Erlendsdóttir 22. október 1900 - 16. febrúar 1979 Húsfreyja á Reykjum, Blönduósssókn, A-Hún. 1930. Var á Reykjum í Torfalækjahr., A-Hún. 1957. Síðast bús. í Torfalækjarhreppi.

1976- Steingrímur Ingvarsson 21. feb. 1951. Var á Eyjólfsstöðum, Áshr., A-Hún. 1957. Kona hans; Halldóra Ásdís Heyden Gestsdóttir 2. nóv. 1951, frá Skaftholti í Gnúpverjahreppi

Merkjaskrá fyrir jörðinni Reykjum í Torfalækjarhreppi.

Að austan, móts við Orrastaðaland, eru merki frá Jörundarþúfu til norðurs á vörðu, er stendur norðast á holtum milli Orrastaða og Reykja, síðan enn til norðurs á vörðu þá, er stendur skammt fyrir vestan svo kallað Hrísholt, þá liggja merkin til útvesturs í vörðu þá er stendur í miðjum Álptatanga, síðan liggja merkin þaðan í Torfalækjarós, þar sem hann fellur úr Torfavatni, svo eiga Reykir land ofan með Torfalæk að sunnan, móts við Meðalheims land, allt þar til kemur ofan að þverlæk, sem fellur í Torfalæk, og nú stendur varða hjá, svo er stefna rjett til vesturs í svo nefndan Grenshól, síðan til útvesturs í vörðu á Egilsholti, svo úr Egilsholti til útsuðurs í Grástein móts við Beinakelduland, svo ennþá í sömu stefnu og í steina tvo, sem standa í svo nefndum Vatnsgötum á veginum, rjett fyrir vestan Langhól, svo eru merkin til suðurs úr nefndum steinum, og sjónhending í há Skertlufjall, svo liggja merki til austurs og í miðja Jórunnarskál, svo ofan hóla þá, sem eru fyrir neðan skálina allt að melhorni því sem lengst gengur niður úr hólunum, svo eru merki að sunnanverðu, gagnvart Mosfellslandi, svo kölluð Merkjakelda og til vísa vörður með keldunni merkin allt að Svínavatni, síðan liggur land með Svínavatni allt að hinni fyrst nefndu Jörundarþúfu.

Reykjum 25. maí 1891,
Egill Halldórsson eigandi Reykja og Mosfells.
Erlendur Eysteinsson eigandi Beinakeldu og Stórugiljár
Jórunn Erlendsdóttir eigandi Orrastaða.
Lárus Blöndal vegna kristfjárjarðarinnar Meðalheims.
B.G. Blöndal umboðsmaður Þingeyrakl.jarða.

Lesið upp á manntalsþingi að Blönduósi, hinn 26. maí 1891, og innfært í landamerkjabók Húnavatnssýslu, No. 231, fol. 120.

Björg Stefánsdóttir (1852-1913) (19.12.1852 - 17.12.1913)

Hjálmar Egilsson (1869-1932) trésmiður Blönduósi (6.2.1869 - 2.4.1932)

Beinakelda Torfalækjarhreppi ((1300))

Kristín Kristjánsdóttir (1903-1996) Hamarsgerði (25.3.1903 - 15.8.1996)

Sigurður Kristjánsson (1895-1940) frá Reykjum (15.8.1895 - 21.5.1941)

Reykjanibba, Sauðadalur í Vatnsdalsfjall (874 -)

Ingibjörg Guðrún Sigurðardóttir (1848-1922) Mjóadal (11.7.1848 - 6.3.1922)

Guðmundur Sigurðsson (1845-1919) Vatnshlíð (10.3.1845 - 26.5.1919)

Sigurður Jónsson (1877-1944) bóndi á Vöglum og Hamri (22.11.1877 - 15.10.1944)

Ástríður Sigurðardóttir (1832-1902) Víðimýri í Skagafirði, frá Reykjum (20.1.1832 - 23.4.1902)

Orrastaðir Torfalækjarhreppi ([1200])

Stóra-Giljá Torfalækjarhreppi ((950))

Meðalheimur Torfalækjarhreppi ([1300])

Þingeyrakirkja (1864 -)

Húnavallaskóli (1969-)

Halldór Egilsson (1850-1937) Kagaðarhóli (28.10.1850 - 13.3.1937)

Torfalækjarhreppur ((1000-2019))

Mosfell Svínavatnshreppi ([1300])

Kristján Sigurðsson (1861-1945) Reykjum Reykjabraut (3.11.1861 - 7.2.1945)

Egill Halldórsson (1819-1894) Reykjum (25.6.1819 - 10.6.1894)

Þorbjörg Árnadóttir (1823-1895) Reykjum við Reykjabraut (30.11.1823 - 12.5.1895)

HAH00561

IS HAH-Bæ

Loka

Fullt

GPJ 3.4.2019

• íslenska

Guðmundur Paul
Jarðabók Árna Magnússonar 1706. Bls 322
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 231, fol. 120.
Húnaþing II bls 266