Corporate body

Rútsstaðir Svínavatnshreppi

[1300]

Jörðin liggur vestan í Svínadalshálsi næst sunnan Holts. Hún hefur jafnan verið talin góð útbeitar jör, en túnið og megin hluti landsins liggur ofan við 200 mys. Landið er tiltölulega halla lííð og fénaðarferð því auðveld. Íbúðarhús byggt 1952, 423 m3. Fjós fyrir 7 gripi. Fjárhús byggt 1951 yfir 400 fjár og annað yfir 50 fjár. Hesthús yfir 25 hross. Hlaða 690 m3. Véla og verkfærageymsla 180 m3 og önnur 290 m3. Tún 33,6 ha. Veiðiréttur í Svínadalsá.

Svínavatnshreppur; Svínadalsháls; Holt; Svínadalsá; Fremstilækur eða Merkjalækur; Rútsstaðaklauf; Skollhól; Skollhólslág; Holtsgil; Skeiðmelur; Auðkúla; Klaufarhæð; Merkjavarða; Hrafnabjörg; Merkishólar; Ljótshólar; Snæringsstaðir; Hólastóll;

Rutstader, sumir skrifa þetta Raudstade, og meinast það rángt.
Jarðardýrleiki x € . Eigandi er biskupsstóllinn að Hólum. Ábúandinn ekkjan Elen Sveinsdóttir.
Landskuld lx álnir. Betalast með dauðum gildum landaurum ut supra. Leigukúgildi iiii. Leigur betalast í smjöri ut supra. Kvaðir öngvar.
Kvikfjenaður i kýr, xi ær, ii lömb, i hestur. Fóðrast kann i kýr, xii ær, x lömb, ij hestur. Torfrista og stúnga bjargleg. Hrísrif nægilegt til kolgjörðar og til styrktar við eldivið, má og brúka til að bjarga peníng í heyskorti.
Lambaupprekstur á Kúluheiði fyrir toll ut supra.
Túninu grandar bæjarlækurinn með leir og sandi, item
vatnsuppgángur, svo mikill partur af túninu er fallinn í mýri
og fer það æ í vöxt árlega.
Engjunum hefur að mestu eytt grjótskriða úr á og jarðföll af lækjum úr brattlendi.

Ábúendur;

<1890-1900- Sigurður Árnason 18. ágúst 1857. Var í Litladal, Auðkúlusókn, Hún. 1860. Bóndi á Rútsstöðum í Svínadal í Húnaþingi. Kona hans; Jóhanna Guðmundsdóttir 4. júlí 1852 - 18. nóv. 1900. Húsfreyja á Rútsstöðum, Auðkúlusókn, A-Hún. 1890. Sigurður leigjandi þar 1901

<1901> Erlendur Erlendsson 20. júní 1874 - 18. desember 1943 Ættaður frá Miklaholti í Biskupstungum. Bóndi í Blöndudalshólum, á Auðólfsstöðum í Langadal og Hnausum í Þingi, A-Hún. Kona hans; Sigurbjörg Þorsteinsdóttir 29. maí 1879 - 4. nóvember 1948 Húsfreyja í Blöndudalshólum og Hnausum. Þau hjón eignuðust 14 börn

<1910-1920- Jóhann Pétur Þorsteinsson 30. júní 1852 - 19. ágúst 1915. Niðursetningur á Sauðdalsá, Kirkjuhvammssókn, Hún. 1860. Vinnumaður á Sauðadalsá, Kirkjuhvammssókn, Hún. 1870. Húsbóndi, bóndi á Ytrikárastöðum, Kirkjuhvammssókn, Hún. 1880. Vinnumaður í Kárdalstungu, Undirfellssókn, Hún. 1890. . Bóndi á Litlu-Ásgeirsá, Víðidalstungusókn, Hún. 1901. Bóndi á Rútsstöðum. Kona hans; Sigurbjörg Ólafsdóttir 20. nóv. 1862 - 13. júlí 1932. Húsfreyja á Litlu-Ásgeirsá, Víðidalstungusókn, Hún. 1901. Húsfreyja á Rútsstöðum, Auðkúlusókn, A-Hún. 1910. Var á Rútsstöðum 1930

1920- Sigurjón Oddsson 7. júní 1891 - 10. september 1989 Bóndi á Rútsstöðum, Svínavatnshr., A-Hún. Bóndi á Rútsstöðum, Auðkúlusókn, A-Hún. 1930. Bóndi þar 1957. Kona hans; Guðrún Jóhannsdóttir 23. júlí 1898 - 12. maí 1966. Var á Litlu-Ásgeirsá, Víðidalstungusókn, Hún. 1901. Var á Rútsstöðum, Auðkúlusókn, A-Hún. 1910. Húsfreyja á Rútsstöðum 1930. Var þar 1957.

1957- Guðmundur Ólafs Sigurjónsson 24. febrúar 1933 Var á Rútsstöðum, Svínavatnshr., A-Hún. 1957. Kona hans; Emilía Valdimarsdóttir 1. nóv. 1936.

<1975- Sigvaldi Sigurjónsson 19. júní 1930 býr í Kópavogi og er ókvæntur.

Landamerki fyrir Rútsstöðum í Svínavatnshreppi.

Milli Holts og Rútsstaða ræður lækur sá, sem nefndur er Fremstilækur eða Merkjalækur, og hefur hann upptök í Rútsstaðaklauf, og rennur með glöggum farveg í útvestur ofan fyrir sunnan Skollhól og ofan Skollhólslágar og gegnum Holtsgil og í Svínadalsá fyrir norðan Skeiðmel. Milli Auðkúlu og Rútsstaða ræður bein lína frá upptökum lækjarins í Rútsstaðaklauf suður um há Klaufarhæð upp undan Merkjavörðu sem stendur á vesturbrún á hálsinum. Milli Rútsstaða og Hrafnabjarga ræður bein lína frá áðurnefndri Merkjavörðu ofan í vörðu á milli Merkishóla, og þaðan með sömu stefnu ofan um tvær vörður, sem standa með sömu stefnu þar ofan undan, og vísa þar til að glöggur lækur byrjar, sem rennur í Svínadalsá, Enn að vestan ræður Svínadalsá og aðskilur Rútsstaða- og Ljótshóla- og Rútsstaða- og Snæringsstaða- lönd.

Rútsstöðum, 16. maí 1890.
Sigurður Árnason, eigandi jarðarinnar.

Samþykkur: Benedikt Helgason, eigandi og ábúandi á Hrafnabjörgum.
Guðmundur Þorsteinsson, eigandi að Holti.
Jón Jónsson, eigandi að Ljótshólum.
Hallgrímur Hallgrímsson, eigandi Snæringsstaða.
St. M. Jónsson (beneficiarius Auðkúlu)

Lesið upp á manntalsþingi að Svínavatni, hinn 17. maí 1890, og innfært í landamerkjabók Húnavatnssýslu, No. 116, fol. 61.

IS HAH-Bæ

Final

Full

GPJ 2.4.2019

• Icelandic

Guðmundur Paul
Jarðabók Páls Vidalín 1706. Bls 330
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 116, fol. 61.
Húnaþing II bls 243