Einstaklingur

Sigfús Blöndal Halldórsson (1891-1968) ritstjóri Heimskringlu, skólastjóri Akureyri 1930

27.12.1891 - 10.8.1968

Sigfús Blöndal Halldórsson 27.12.1891 - 10.8.1968. Var í Höfnum, Hofssókn, Hún. 1901. Var í Reykjavík 1910. Skólastjóri og skrifstofumaður. Ritstjóri Heimskringlu í Winnipeg. Skólastjóri á Akureyri 1930. Nefndur Sigfús Halldórs frá Höfnum. Hann andaðist 10. ágúst 1968 að Vífílsstöðum. Hann var fæddur 27. desember 1891 að Þingeyrum. Einkabarn

Stúdent og las um hríð við Hafnarháskóla.

Sigfús Halldórs ólst upp um árabil hjá frændfólki sínu í Höfnum. Hann var stúdent og las um hríð við Hafnarháskóla. Hann var manna víðförlastur, dvaldi um árabil í Austurlöndum og um fjölda ára í Kanada. Hann lagði gjörva hönd á margt um dagana, enda maður vel gefinn, sem hann átti kyn til. Umsjónarmaður á togleðursekrum á Malakkaskaga, ritstjóri vestan hafs og austan, skólastjóri á Akureyri og skrifstofumaður í Reykjavík. Hann var félagslyndur og söngmaður góður. Um skeið form. Húnvetningafélagsins í Reykjavík.

Foreldrar hans; Halldór Árnason Anderson 28. júní 1865 - 5. jan. 1959 Winnipeg. Var í Höfnum, Hofssókn, Hún. 1870. Sonur bónda á Höfnum, Hofssókn, Hún. 1880. Stúdent og sýsluskrifari í Hún. Fór til Vesturheims 1901 frá Blönduósi, Torfalækjarhreppi, Hún. og fyrri kona hans; Þuríður Ragnheiður Sigfúsdóttir 25. sept. 1851 - 21. okt. 1906. Var á Tjörn, Tjarnarsókn, Hún. 1860. Húsfreyja í A-Hún. Skagaströnd 1901, virðist ekki hafa farið út með manni sínum og því líklegt að þau hafi skilið, Pálína er með sam skipinu vestur um haf.
Seinni kona 1907; Pálína Rósa Sigurðardóttir Anderson 22. ágúst 1867 - 26.6.1935. Var á Mársstöðum, Undirfellssókn, Hún. 1870. Tökubarn á Öxl, Þingeyrasókn, Hún. 1880. Fór til Vesturheims 1901 frá Blönduósi, Torfalækjarhreppi, Hún.

Kona hans 1930; Þorbjörg Helgadóttir Bjarnarsonar f. 1890, vestur-íslensk. Foreldrar hennar Björn Björnsson (1848-1927) og Guðný Vilhelmína Einarsdóttir (1855-1917). Systkini hennar; Einar Gísli Jóhannes (1879-1966), Geir (1880-1958), Guðmundur Halldópr (1882-1910), Jónína 1886, Hermann 1892, og María 1894. 3 elstu börnin eru fædd á Íslandi frá Grashól Þingeyjarsýslu.
Börn þeirra;
1) Þuríður Blöndal Halldórsson
2) Halldór Blöndal Halldórsson

Bálför hans fór fram i Reykjavík 20. ágúst 1968. Kaus hann leg sínum jarðnesku líkamsleifum í Hofskirkjugarði í Skagahreppi, en í Hofskirkju var hann fermdur. Því þótt lengst af ævinni hefði hann dvalið fjarri sínum bernskustöðvum, stefndi hugur hans mjög norður í Húnaþing. Var duftkeri hans fengið leg í reit þeirra Hafnarmanna að kórbaki við Hofskirkju. Fór sú athöfn fram 14. september 1968, fagran og kyrran haustdag um miðaftanleytið. Voru þar viðstaddir ástvinir hans og frændfólk úr Reykjavík, ásamt þeim vildarklerkum sr. Benjamín Kristjánssyni og sr. Jóni Guðnasyni, er flutti hugljúfa ræðu í garðinum. Þá voru þar og sóknarprestur og búendur í Hofssókn. Drukku menn síðan erfi að gamalli siðvenju út í Höfnum. Sigfús Halldórs bar mjög einkenni ættar sinnar, sem ósvikinn niðji þeirra Hafnarmanna. Sigfús Halldórs kvæntist 1930 Þorbjörgu Helgadóttur, ágætri vestur-íslenzkri konu, er lifir mann sinn ásamt börnum þeirra.

Þorbjörg Bjarnadóttir (1873-1960) Saskatchewan og Grand Fork N Dakota (10.2.1873 - 6.3.1960)

Pálína Rósa Sigurðardóttir (1867) fór vestur um haf 1901 frá Blönduósi (22.8.1867 -)

Þingeyrar ((1000))

Hafnir á Skaga ((1950))

Halldór Árnason (1865-1959) Vesturheimi, frá Höfnum á Skaga (28.6.1865 - 5.1.1959)

Þuríður Sigfúsdóttir (1851-1906) Hjallalandi (25.9.1851 - 21.10.1906)

HAH06778

Héraðsskjalasafn Austur-Húnavatnssýslu (1966)

IS HAH

Loka

Fullt

GPJ skráning 1.11.2020

• íslenska

®GPJ ættfræði
Íslendingabók
sjá Föðurtún bls. 18, 260, 279.
Mannalát árið 1968. – Húnavaka, 1. tölublað (01.05.1969), Bls. 151-164. http://timarit.is/view_page_init.jsp?gegnirId=000556346
Lögberg, 4. tölublað (22.01.1959), Blaðsíða 5. http://timarit.is/view_page_init.jsp?pageId=2209352