Person

Snorri Arnfinnsson (1900-1970) hótelstjóri Blönduósi

• Snorri Arnfinnsson hótelstjóri Blönduósi

19.7.1900 - 28.6.1970

Hann ólst upp í foreldrahúsum og stundaði margs konar sveitastörf þar vestra. Snorri keypti gömul hús á Blönduósi, lét breyta þeim og gerði þannig mjög vistleg húsakynni. Fljótlega hófst hann handa með nýbyggingu, og byggði við Hótelið samkomusal — Hljómskálann — og nokkur svefnherbergi. Síðar réðist hann í stórendurbyggingu og byggði Hótel Blönduós upp í það form, sem er í dag. Því miður bilaði heilsa Snorra heitins fljótlega eftir að þessi síðasti byggingaráfangi var fullgerður, svo hann naut skemur en skyldi bættra aðstæðna við veitingareksturinn, en samtíð hans naut framtaksseminnar og framsýni í þessu sem og mörgum öðrum störfum Snorra heitins. Árið 1962 seldi Snorri Hótel Blönduós, og hefur það örugglega verið hans ósk við það tækifæri, að það mætti vaxa og dafna hjá hinum nýja eiganda.

Brekka Nauteyrarhreppi:

Fór í bændaskólann á Hvanneyri og tók þaðan búfræðingspróf.

Vann því næst við ýmis störf, m. a. Stundaði hann jarðvinnslu á sumrum þar vestra. Gerðist síðar bústjóri á búi Siglufjarðarbæjar, Hóli við Siglufjörð. Hótelrekstur byrjar Snorri í Borgarnesi, en árið 1943 flytur hann til Blönduóss ásamt fjölskyldu sinni og hóf þar rekstur veitingahússins Hótel Blönduós.
Ungmennafélögin og ungmennafélagsskapurinn áttu veglegt sæti í hug Snorra, enda helgaði hann þeirri hugsjón miklu starfi. Hann var einn af hvatamönnum að endurstofnun U.M.F. Hvöt á Blönduósi árið 1947 og formaður þess um árabil. Form. U.S.A.H. var Snorri kosinn 1954 oggegndi því starfi til ársins 1959, eða um fimm ára bil. Á þessu tímabili, frá árinu 1943, er Snorri flytur til Blönduóss, ogram um 1960, eru mikil umskipti í starfi Ungmennasambandsins og átti Snorri drjúgan þátt í þeim umsvifum. Árið 1948 var hugmyndinni um skemmtiviku Húnvetninga hrundið í framkvæmd og Ungmennasambandið hélt sína fyrstu Húnavöku. Snorri heitinn bar þessar skemmtanir alltaf mjög fyrir brjósti og lagði mikið á sig svo þær gætu orðið sem veglegastar og Sambandinu til sóma. Sem formaður Ungmennasambandsins vinnur Snorri að stofnun Félagsheimilisins á Blönduósi, og 1957 er eigendafélag stofnað. Þar gerist Ungmennasambandið eignaraðili með 15% eignaraðild. Stórhugur og framsýni ríkti ætíð í gerðum Snorra. Mörg fleiri félagsmál mætti nefna, er Snorri Arnfinnsson starfaði að, bæði fyrir Ungmennasambandið og aðra aðila, þótt ekki séu tilgreind hér. Þó langar mig að minnast enn á eitt. Síðla vetrar 1968 tekur Snorri heitinn sér ferð á hendur suður á land, þá farinn að líkamlegri heilsu, situr ársþing íþróttasambands íslands, sem fulltrúi Ungmennasambands Austur-Húnavatnssýslu, og gerist í sömu ferð sölumaður Sambandsins og selur Húnvetningum syðra skuldabréf

Foreldrar hans voru Arnfinnur Jens Guðnason 24.8.1872 – 9.10.1925, bóndi í Brekku í Langadal í Nauteyrarhreppi og kona hans Jónína 28.7.1865 – 29.1.1931 Jónsdóttir Sigmundssonar bónda í Sælingsdal.
Systkin Snorra voru Halldór (1891-1917), Jensína (1894-1986). Húsfreyja á Brekku, Nauteyrarsókn, N-Ís. 1930. Síðast bús. í Reykjavík. Jóna Kristín (1896-1921). Þórdís (1898-1977) Var í Brekku, Nauteyrarsókn, N-Ís. 1901. Síðast bús. í Vatnsleysustrandarhreppi. Fósturdóttir: Bergljót Firðþjófsdóttir. Guðni Magnús (1905-1980). Bílaviðgerðarmaður á Norðurstíg 5, Reykjavík 1930. Verkstjóri í Reykjavík.

8.5.1932 giftist Snorri Þóru Sigurgeirsdóttur 12.9.1913 – 9.5.1999, Hótelstýra á Blönduósi. Vinnukona á Ísafirði 1930. Húsfreyja á Hóli í Siglufirði. Var í Snorrahúsi, Blönduóshr., A-Hún. 1957. Síðast bús. á Blönduósi, foreldrar hennar voru Sigurgeir (1886-1963) skipsstjóri á Ísafirði og Ingibjargar Þórunnar (1891-1950) Jóhannsdóttur skósmiðs á Ísafirði.

Börn þeirra voru:
1) Geir f. 31.8.1932 Járnsmiður Reykjavík. Maki I María Halldóra Steingrímsdóttir (1934-1999) skildu. Maki II Guðrún Ólafsdóttir (1946) hjúkrunarfræðingur skildu. Maki III Aðalheiður Ólafsdóttir (1962) skildu. Maki IV Vigdís Violeta Rosento (Violeta Chaves Rosento) (1949)
2) Þór f. 19.9.1933, garðyrkjumaður Reykjavík, Maki Sigurbjörg Lilja Guðmundsdóttir (1937)
3) Kári f. 14.9.1935, útgerðarmaður Blönduósi. Maki Kolbrún Ingjaldsdóttir (1938-2016). Var í Hreppshúsinu, Blönduóshr., A-Hún. 1957. Rak efnalaug og hörpudiskvinnslu ásamt eiginmanni sínum á Blönduósi og stofnaði ásamt öðrum tvö útgerðarfélög.
4) Valur f. 15.11.1936 – 7.3.1994, rafvirki á Blönduósi. Maki Kristín Ágústsdóttir (1940).
5) Örn f. 9.4.1940 -25.3.2010. Vélstjóri Reykjavík. Maki Guðrún Jóhanna Jóhannsdóttir (1939) skildu.
6) Sævar f. 13.12.1943, rafvirki Hafnarfirði. Maki I Helga Sigurðardóttir (1944-1990). Maki II Aldís Sjöfn Haraldsdóttir (1946)
7) Inga Jóna f. 17.3.1946 – 18.3.2017, Ísafirði og Bálkastöðum. Maki I Magnús Örn Benediktsson (1944) skildu. Maki II Hafsteinn Jóhannsson (1946) bóndi Bálkastöðum.
8) Sigríður Kristín f. 16.12.1948. Maki Lárus Helgason (1949). Var í Meðalheimi í Torfalækjahr., A-Hún. 1957. Kjörsonur: Snorri Þór Lárusson, f. 3.9.1970.

IS HAH

Final

Full

GPJ 26.7.2017

• Icelandic

®GPJ ættfræði
Húnavaka
Ættir A-Hún.