Person

Sturla Þórðarson (1946-2018) frá Sauðanesi, tannlæknir Blönduósi

14.11.1946 - 31.5.2018

Sturla Þórðarson fæddist í Sauðanesi á Ásum í Torfalækjarhreppi 14. nóvember 1946.
Hann lést 31. maí 2018. Útför Sturlu Þórðarsonar fór fram Fossvogskirkju 8. júní 2018.

Eftir barna- og unglinganám á Blönduósi lauk Sturla landsprófi og stúdentsprófi frá Menntaskólanum á Akureyri vorið 1965. Sturla nam tannlækningar við háskólann í Heidelberg í Þýskalandi 1967-1972.

Sturla var aðstoðartannlæknir í Mannheim til 1974, flutti þá heim og gerðist tannlæknir á Blönduósi. Árið 2000 hóf Sturla störf á Tannlæknastofu Jóns Björns Sigtryggssonar í Keflavík og fór á eftirlaun haustið 2017.

Sturla sat í hreppsnefnd Blönduóss 1978-86 og í bæjarstjórn Blönduóss 1994-2000. Sturla var í stjórnum ýmissa félaga s.s. Leikfélagi Blönduóss, Tannlæknafélags Norðurlands, Golfklúbbs Sandgerðis og var formaður Stangveiðifélags A-Hún.
Sturla lagði rækt við menntun og íslenskukunnáttu barna sinna og stjúpbarna enda snillingur í orðaleikjum og annarri orðsins list. Hann tók virkan þátt í áhugamálum og námi þeirra, s.s. tölvumálum, myndlist, ræktun og tækjadellu. Sturla tók fjölskylduna með í lax- og silungsveiði, bátsferðir og stóð fyrir fjölskyldusamkomum. Sturla hafði yndi af kveðskap og ljóðum, átti samfélag með hagyrðingum og var einnig góður ljósmyndari.

Foreldrar hans; Þórður Pálsson 25. des. 1918 - 9. júní 2004. Var í Sauðanesi, Þingeyrasókn, A-Hún. 1930. Var í Halldórshúsi, Blönduóshr., A-Hún. 1957. Kennari og bóndi í Sauðanesi. Síðast bús. á Blönduósi. Kona hans 27.5.1944; Sveinbjörg Jóhannesdóttir 26. des. 1919 - 6. júní 2006. Var á Gauksstöðum, Gerðahr., Gull. 1920. Var í Halldórshúsi, Blönduóshr., A-Hún. 1957. Síðast bús. á Blönduósi.

Systkini hans;
1) Jóhannes Þórðarson f. 2. maí 1945, kvæntur Herdísi Einarsdóttur og eiga þau þrjú börn, þau Nökkva, Ara Knörr og Sveinbjörgu Snekkju. Jóhannes og Herdís eiga sex barnabörn.
2) Sesselja Þórðardóttir, f. 26. nóv. 1947, gift Ívari Þorsteinssyni. Þau eignuðust þrjá syni, Þórð, Þorstein (lést 1988) og Eyþór. Sesselja og Ívar eiga tvö barnabörn.
3) Páll Þórðarson f. 9. apríl, 1949, kvæntur Ingibjörgu Guðmundsdóttur og eiga þau fjögur börn, þau Sólborgu, Þórð, Egil og Bergþór. Páll og Ingibjörg eiga tvö barnabörn.
4) Helga, f. 7. apríl 1950, sambýlismaður hennar er Margeir Björnsson. Helga á fimm börn, þar af með fyrri manni sínum, Heiðmari Jónssyni, þau Starra og Rakel, en með Margeiri á hún Svein, Björn og Ólaf. Margeir á tvö börn með fyrri konu sinni, þau Hrafn og Þorbjörgu. Saman eiga Helga og Margeir ellefu barnabörn.

Fyrri kona hans; Hildur Björk Sigurgeirsdóttir 29. jan. 1947 frá Akureyri, börn þeirra eru
1) Snorri Sturluson tölvunarfræðingur sem er kvæntur Guðrúnu Birnu Finnsdóttur og þau eiga Sif Snorradóttur, Baldur Snorrason og Braga Snorrason
2) Auður Sturludóttir skrifstofumaður, sambýlismaður Benjamin Bohn, og börn þeirra eru Sunna Benjamínsdóttir Bohn, Óskar Benjamínsson Bohn og dóttir Bens og stjúpdóttir Auðar er Elísa Petra Benjamínsdóttir Bohn.

Seinni kona Sturlu er Unnur G. Kristjánsdóttir 14.1.1955, grunnskólakennari. Eldri dóttir Unnar og er María Birna Arnardóttir 11.11.1973 sem á dæturnar Ísafold F. Davíðsdóttur og Laufeyju Davíðsdóttur. María býr með Arnari Heimi Jónssyni. Sú yngri, Guðmunda Sirrý Arnardóttir 25.2.1977, á soninn Christian Örn Funder Nielsen og sambýlismaður hennar er Kim Back.

IS HAH

Final

Full

GPJ 3.4.2020

• Icelandic

®GPJ ættfræði https://www.mbl.is/greinasafn/grein/1687172/?item_num=1&searchid=81a74f9949bee454f24e9ee842cad9f5820f20ee