Fyrirtæki/stofnun

Tindar í Svínavatnshreppi

[1200]

Tindar er gamalt býli og bændaeign. Bærinn stendur við brekkulögg á skjólsælum stað mót vestri. Fyrir austan rís Hálsinn og ber þar hæst Tindatindur. Landið er víðlent graslendi og nær vestur að Fremri-Laxá og Svínavatni, en þar eru fornar skógarleifar „Tindaskógur“. Ræktunarland er mikið að mestu mýrlendi. Í fornri lýsingu er sagt; „Þar er útbeit góð og veðursæld“. Íbúðarhús byggt 1950, 580 m3. Fjós fyrir 18 gripi. Fjárhús yfir 500 fjár. Hesthús yfir 13 hross. Hlöður 1250 m3. Votheysgeymslur 90 m3. Tún 45,7 ha. Veiðiréttur í Fremri-Laxá og Svínavatni.

Svínavatnshreppur; Svínadalur; Svínavatn; Fremri-Laxá; Tindaskógur; Hafratjörn; Landamerkjakelda; Kerlingarholt; Torfhólar; Tindatindur; Tindsþúfa; Hlóðarsteinn; Dagmálaborg; Einbúi; Holtastaðir; Kagaðarhóll; Stóra Búrfell; Húnstaðir; Brandskot;

Hjer hefur hálfkirkja verið og stendur húsið enn, þó man enginn þar hafi tiðir veittar verið. Jarðardýrleiki xxx €. Eigendur eru Páll Magnússon að xx € en að x € Málfríður Magnúsdóttir systir hans, bæði hjer heima. Ábúendur eru eigendur, systkin bæði.
Landskuld er nú engin, var á meðan leigðist ij € . Betalaðist í landaurum heim til landsdrottins innan hjeraðs. Leigukúgildi nú engin, voru meðan leigðist vi eður iiii og þar í milli so sem landsdrottinn kom kaupi sínu. Leigur guldust í smjöri heim til landsdrottins. Kvaðir öngvar og hafa aldrei verið. Kvikfjenaður v kýr, i kvíga tvævetur, i veturgömul, i kálfur, lxxiiii ær, vii sauðir tvævetrir og eldri, xxii veturgamlir, xbiii lömb, iiii hestar, iiii hross, ii folar þrevetrir, iii folar tvævetrir, i foli veturgamall, ii fyl. Fóðrast kann vi kýr, i úngneyti, xxx lömb, lx ær, x hestar. Skóg á jörðin, það er nú rifhrís orðið og þó enn brúkað bæði til kolgjörðar og eldiviðar. Rifhrís nægilegt Laxveiði og silúngsveiði bæði góð og gagnvæn, alt þar til lögmaður Lauritz Gottrup ljet þvergirða fyrir Laxá alla hjá Húnstöðum. Síðan hefur það lítt að gagni komið, og þó meiri í sumar ef að föng hefði verið. Túninu grandar mýri, sem liggur fyrir ofan. Engjunum spillir Laxá með grjótburði. Kirkjuvegur er lángur síðan hálfkirkjan aflagðist

Hjáleiga var í manna minni hjer uppreist við túngarðinn og kölluð Brandskot. Bygðin varaði sex eður tíu ár eður skemur, lá so í auðn um stundir og bygðist síðan aftur um þriggja ára tíma. Landskuld var xl álnir og galst í landaurum til heimabónda. Kúgildi ekkert. Grasnautn engin nema sem heimabóndinn ljeði. Skaði er heimajörðunni að byggja hjer aftur, því alt það sem hjáleigan skyldi að notum hafa skyldi þá af heimajörðunni þurða.

Önnur hjáleiga var hjer í manna minni bygð um fá ár og eyðilögð síðan. þar fylgdi engin grasnautn, nema sú sem bóndinn ljeði, og ekki var því nafn gefið, því það var í kvíabólsstað uppreist fyrir vesæla hússkonu, og, þá hún gat ekki viðhaldist, eyðilagt aftur. Ómögulegt er að byggja hjer, nema heimajörðin skuli hafa þar af baga, og ekki vita menn hvað fyrir þetta býli hafi goldist.

Í fornri lýsingu er sagt; „Þar er útbeit góð og veðursæld“.

Ábúendur;

1909-1943- Sigurjón Þorlákur Þorláksson 15. mars 1877 - 24. apríl 1943. Bóndi á Tindum í Svínavatnshr., A-Hún. Kona hans; Guðrún Erlendsdóttir 28. maí 1886 - 1. júlí 1966. Húsfreyja á Tindum í Svínavatnshr., A-Hún., síðast bús. í Reykjavík.

Frá 1944- Lárus Georg Sigurðsson 21. apríl 1906 - 14. okt. 1983. Var á Grund, Auðkúlusókn, A-Hún. 1930. Bóndi á Hamri, var á Tindum, Svínavatnshr., A-Hún. 1957. Bóndi þar. Síðast bús. í Svínavatnshreppi. Kona hans; Kristín Sumarrós Sigurjónsdóttir 22. apríl 1915 - 19. feb. 1992. Var á Tindum, Auðkúlusókn, A-Hún. 1930. Var á Tindum, Svínavatnshr., A-Hún. 1957. Húsfreyja á Hamri, síðar á Tindum.

1959-2001- Sigurjón Bjarklind Lárusson 6. sept. 1937 - 30. nóv. 2001. Flutti með foreldrum að Tindum í Svínadal 1944, bóndi þar frá 1959. Var á Tindum, Svínavatnshr., A-Hún. 1957. Síðast bús. í Svínavatnshreppi. Sveitarstjórnarmaður í Svínavatnshreppi 1962-94, þar af oddviti 1978-94.

Sigurður Helgi Ingþórsson 3. september 1947 kona hans; Margrét Gunnhildur Lárusdóttir 22. janúar 1951 Var á Tindum, Svínavatnshr., A-Hún. 1957.

Landamerki fyrir jörðinni Tindum í Svínavatnshreppi.

Að norðan ræður merkjum garður frá Laxá upp í Hafratjörn, þaðan í Landamerkjakeldu, sunnan undir Kerlingarholtum, og er hornmerki í keldunni þar sem vatni byrjar að halla austur og vestur, og svo þaðan rjettlínis suður Torfhóla og í hæstu þúfuna á Tindatindi, svo úr Tindsþúfunni í Hlóðarstein, fyrir sunnan Dagmálaborg, síðan sjónhending til vesturs ofan hálsinn og í klett þaðnn er stendur skammt frá Svínavatni, og kallaður er Einbúi, frá Einbúa ræður bein stefna vestur í Svínavatn, að vestan ræður Svínavatn til norðurs, þar til Laxá fellur úr því , síðan Laxá allt að garði þeim, er fyrst var nefndur.

Tindum, 13. maí 1890.
Jónas Erlindsson, eigandi Tinda
J. Jónatansson, eigandi að 2/3 úr Holtastöðum
Stefán Jónsson, eigandi að 1/3 úr Holtastöðum og ½ Kagaðarhól.
Sigríður Eiríksdóttir, vegna Tinda.
Þorleifur Erlendsson, vegna Stóra Búrfells.

Lesið upp á manntalsþingi að Svínavatni, hinn 17. maí 1890, og innfært í landamerkjabók Húnavatnssýslu, No. 125. fol. 65b.

Margrét Árnadóttir (1929-2015) Blönduósi (15.9.1929 - 22.12.2014)

Pétur Björnsson (1907-1997) Bóndi í Mjóadal (15.3.1907 - 19.1.1997)

Sigurbjörg Jónsdóttir (1899-1970) Haga (1.4.1899 - 28.11.1970)

Ragnhildur Jónsdóttir (1898-1943) Haga (25.2.1898 - 4.2.1943)

Árni Hinriksson (1896-1965) frá Sæunnarstöðum (22.5.1896 - 29.9.1965)

Svínavatn bær og vatn ([900])

Þorbjörg Árnadóttir (1823-1895) Reykjum við Reykjabraut (30.11.1823 - 12.5.1895)

Svínadalur ((1000-2019))

Bjarni Einarsson (1825-1906) Blöndubakka og í Efri-Lækjardal (16.6.1825 - 28.11.1906)

Elísabet Davíðsdóttir (1864-1950) Dæli Staðarhreppi Skagafirði (6.7.1864 - 2.9.1950)

Gísli Hjálmarsson (1844-1898) Æsustöðum og Þverárdal (21.2.1844 - 7.5.1898)

Guðrún Funch Rasmussen (1890-1957) ljósmyndari (15.4.1890 - 9.7.1957)

Halla Jónasdóttir (1844-1929) Tindum (2.3.1844 - 17.2.1929)

Svínavatnshreppur ((1000-2019))

Árni Sveinsson (1893-1960) Mælifellsá (18.1.1893 - 15.3.1960)

Stóra-Búrfell Svínavatnshreppi ([1000])

Kagaðarhóll á Ásum ((1350))

Holtastaðir í Langadal ([900])

Holtastaðareitur ((1900))

Jón Hannesson (1816-1894) Hnjúkum (1816 - 15.5.1894)

Rannveig Sigurðardóttir (1832-1916) Hofi í Vatnsdal (28.2.1832 - 14.5.1916)

Hinrik Magnússon (1851-1928) Orrastöðum og Tindum (13.4.1851 -10.12.1928)

Jónas Erlendsson (1818-1895) Tindum (9.3.1818 - 17.2.1895)

Sigurjón Þorláksson (1877-1943) Tindum (15.3.1877 - 24.4.1943)

Hvammur í Svartárdal ([1300])

Kúfustaðir í Svartárdal ([1500])

Eldjárnsstaðir í Blöndudal ([1200])

Sigurjón Lárusson (1937-2001) Tindum (6.9.1937 - 30.11.2001)

Kristín Sumarrós Sigurjónsdóttir (1915-1992) (22.4.1915 - 19.2.1992)

Guðrún Erlendsdóttir (1886-1966) Tindum (28.5.1886 - 1.7.1966)

HAH00540

IS HAH-Bæ

Loka

Fullt

GPJ 16.4.2019

• íslenska

Guðmundur Paul
Jarðabók Páls Vidalín 1706. Bls 340
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 125. fol. 65b.
Húnaþing II bls 223