Person

Einar Bragi (1921-2005) rithöfundur

• Einar Bragi Sigurðsson (1921-2005) rithöfundur

7.4.1921 - 26.3.2005

Einar Bragi fæddist á Eskifirði 7. apríl 1921.
Hann lést á Landspítalanum við Hringbraut 26. mars 2005. Útför Einars Braga var gerð frá Dómkirkjunni 4.4.2005 og hófst athöfnin klukkan 15.

Einar Bragi lauk stúdentsprófi frá Menntaskólanum á Akureyri 1944. Hann stundaði nám í bókmenntum, listasögu og leikhússögu við háskólana í Lundi og Stokkhólmi. Jafnframt ritstörfum vann Einar Bragi sem kennari á unglingastigi um árabil.

Hann stofnaði tímaritið Birting 1953 og var ábyrgðarmaður bókmennta- og listatímaritsins Birtings (yngra) 1955-1968 og ritstjóri ásamt Jóni Óskari, Herði Ágústssyni og Thor Vilhjálmssyni.

Ljóðabækur hans eru: Eitt kvöld í júní 1950; Svanur á Báru 1952; Gestaboð um nótt 1953; Regn í maí 1957; Hreintjarnir 1960; Í ljósmálinu 1970; Ljóð 1983 (úrval) og Ljós í augum dagsins 2000. Þýðingar á ljóðum hans hafa birst á mörgum tungumálum. Hann skrifaði nokkrar bækur um sagnfræðileg efni og ber þar hæst Eskju, sögurit Eskfirðinga sem út kom í fimm bindum á árunum 1971-1986.
Einar Bragi var mikilvirkur þýðandi. Má þar nefna Dittu mannsbarn eftir Martin Andersen Nexø 1948-1949; Leikrit III eftir August Strindberg 1992, Leikrit III eftir Henrik Ibsen 1995 og sex ljóðabækur eftir samísk skáld á árunum 2001-2003. Leikritin og samísku ljóðin gaf hann út á eigin vegum.
Einar Bragi gegndi fjölmörgum félags- og trúnaðarstörfum og var meðal annars í stjórn Rithöfundasambands Íslands og formaður þess 1968-1970.

Foreldrar; Sigurður Jóhannsson 23. des. 1891 - 5. nóv. 1946. Sjómaður á Eskifirði 1930. Skipstjóri á Eskifirði. Drukknaði og kona hans; Jóhanna Borghildur Einarsdóttir 28. apríl 1898 - 26. jan. 1981. Húsfreyja á Eskifirði 1930. Húsfreyja á Eskifirði. Síðast bús. í Reykjavík.

Systkini;
1) Alfons, f. 1916
2) Sigrún, f. 1919
3) Anna, f. 1927.

Kona hans; Kristín Guðmunda Jónsdóttir 19. jan. 1920 - 1. nóv. 2004. Var í Ærlækjarseli, Skinnastaðarsókn, N-Þing. 1930. Húsfreyja, leikskólastarfsmaður og vefari í Reykjavík. Síðast bús. í Reykjavík.

Börn;
1) Borghildur Einarsdóttir 24. feb. 1946. Geðlæknir við Landspítalann, f. í Lundi í Svíþjóð. Fyrri maður hennar Viðar Strand svæfingalæknir í Svíþjóð. Seinni maður Borghildar er Rudolf Rafn Adolfsson geðhjúkrunarfræðingur við Landspítalann, f. 29.7. 1951;
2) Jón Arnarr, húsgagna- og innanhússhönnuður, Selfossi, f. í Vestmannaeyjum 12.2. 1949; fyrri kona hans er Sigrún Guðmundsdóttir lektor í listgreinum við Kennaraháskóla Íslands; skildu; synir þeirra eru: a) Orri ljósmyndari og tónlistarmaður í Reykjavík, f. 5.11. 1970; eiginkona Þórdís Valdimarsdóttir kennari; börn þeirra: Eyja, f. 11.12. 1995, og Kári, f. 13.12. 1997. b) Arnarr Þorri, f. 12.3. 1975, d. 2.6. 2001; dóttir hans og Svanhvítar Tryggvadóttur: Salka, f. 21.7. 1998. Dóttir Jóns Arnarr og Ingunnar Ásdísardóttur er Ásdís Gríma, f. 7.12. 1979, við nám í Danmörku. Seinni kona Jóns Arnarr er Elma Hrafnsdóttir húsmóðir, f. 4.2. 1956; dóttir þeirra: Kristín Birta, f. 6.6. 1982, stúdent; dóttir hennar og Sigurðar Samik Davidsen er Sesselja Sól, f. 19.1. 1999.

Eskifjörður ((1950))

Borghildur Einarsdóttir (1946) frá Ærlækjarseli ó Öxarfirði (24.2.1946 -)

Kristín Jónsdóttir (1920-2004) Ærlækjarseli (19.1.1920 - 1.11.2004)

HAH06295

IS-HAH

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

Final

Full

GPJ skráning 7.10.2023

• Icelandic

®GPJ ættfræði 7.10.2023
Íslendingabók
mbl 4.4.2005. https://www.mbl.is/greinasafn/grein/1010180/?item_num=6&searchid=5e000d8efa81b67f9d96fcb0902bd04590adfecb