Person

Steingrímur Sigursteinsson (1914-1999) Akureyri

• Steingrímur Pálmi Sigursteinsson (1914-1999) Akureyri

27.11.1914 - 23.2.1999

Steingrímur Pálmi Sigursteinsson fæddist að Hraunshöfða í Öxnadal 27. nóvember 1914. Steingrímur bjó alla tíð á Akureyri.
Steingrímur hóf bifreiðarakstur 1938. Hann vann meðal annars á Litlu Bílastöðinni, BSO, BSA og Stefni og var einn af þeim fyrstu sem keyrðu Strætisvagna Akureyrar.
Hann lést á Fjórðungssjúkrahúsinu á Akureyri 23. febrúar 1999. Útför Steingríms og systur hans Sigríðar fór fram frá Akureyrarkirkju 12. mars 1999.

Hann var hálfan annan vetur í Laugaskóla, en varð að hætta námi vegna veikinda.

Hann vann fyrst almenna verkamannavinnu, en árið 1938 hóf hann bifreiðaakstur, sem varð ævistarf hans. Hann átti bæði vörubíla og fólksbíla, átti um skeið bíla í samvinnu við föður sinn, en lengst af keyrði hann þó fólksbíla eða þangað til heilsan leyfði ekki lengur, fyrir tæpum tuttugu árum.

Foreldrar hans voru hjónin Septína Kristín Friðfinnsdóttir, f. 29. september 1876, d. 15. febrúar 1956, og Sigursteinn Steinþórsson, f. 21. janúar 1887, d. 9. febrúar 1950. Þau bjuggu víða í Öxnadal og Hörgárdal, lengst á Neðri-Vindheimum á Þelamörk.

Systkini hans voru;
1) Sigríður Sigursteinsdóttir fæddist 10. dsember 1912 að Auðnum í Öxnadal. Hún lést á Fjórðungssjúkrahúsinu á Akureyri 28. febrúar 1999 (Steingrímur og hún voru jarðsett saman).
2) Þórbjörg Sigursteinsdóttir f. 12. október 1919, d. 9. júní 1986. Hún var gift Haraldi Norðfjörð Ólafssyni, sjómanni og netagerðarmanni, f. 22. október 1916, d. 1. júlí 1971.
Hann kvæntist árið 1950, Láru Ágústsdóttur, miðil, f. 15 apríl 1899, d. 6. febrúar 1971. Lára var frá Eystri-Hellu í Gaulverjabæjarhreppi, dóttir Júliönnu Árnadóttur og Ágústar Jónssonar.
Lára eignaðist 6 börn og eru 5 þeirra á lífi. Steigrímur og Lára ólu upp frá sex ára aldri, dótturson Láru,
1) Daggeir Heimi Pálsson, f. 2. janúar 1944, hélt hann alla tíð heimili með Steingrími og leit á hann sem fósturföður sinn.

Septína og Sigursteinn brugðu búi vorið 1934 og fluttu með fjölskyldu sinni inn í Glerárþorp og síðar inn á Akureyri, þar sem þau bjuggu síðan.

IS HAH

Final

Full

GPJ skráning 30.12.2021

• Icelandic

®GPJ ættfræði 30.12.2021
Íslendingabók
Mbl 12.3.1999; https://www.mbl.is/greinasafn/grein/455109/?item_num=0&searchid=d2a1117512d38761827e9b6688d0daf43005d477
Dagur 13.3.1999; https://timarit.is/files/19377638#search=%22Steingr%C3%ADmur%20P%C3%A1lmi%22