Person

Steingrímur Jóhannesson (1902-1993) Svínavatni

• Steingrímur Jóhannesson (1902-1993) Svínavatni

24.7.1902 - 15.10.1993

Steingrímur Jóhannesson frá Svínavatni lést í Héraðssjúkrahúsinu á Blönduósi 15. þ.m. Hann hafði dvalist þar á elli- og sjúkradeild tæp tvö ár, verið hress af níræðum manni að vera, léttur á sér og kvikur í hreyfingum og las blöð og bækur gleraugnalaust, en minnið var orðið lítið.

Að loknu barnaskólanámi heima fór Steingrímur í gagnfræðaskóla á Akureyri. Þá fór hann til Reykjavíkur og lærði að spila á orgel og var um árabil organisti við Svínavatnskirkju og lék oft á orgelið sér og öðrum til ánægju. Steingrímur var með þeim fyrstu hér um slóðir sem tók bílpróf og þegar vegasamband við hreppinn komst á keypti hann vörubíl og flutti á honum vörur fyrir Svínavatnsheimilið og aðra.

Jafnhliða öðrum störfum vann Steingrímur búi foreldra sinna, en þegar faðir hans lést fór hann að búa með móður sinni og systkinum sem heima voru og eftir lát móður sinnar bjó Steingrímur félagsbúi með þeim Guðmundi, Jóhönnu og Elínu og bjuggu þau saman á Svínavatni meðan kraftar og heilsa entust.
Margir áttu erindi að Svínavatni frá gamalli tíð, þar voru staðsettar bækur lestrarfélagsins Fjölnis, símstöð var á Svínavatni meðan handvirkur sími var í notkun og sóknarkirkja Svínavatnssóknar. Sjálfsagt þótti að bjóða öllum sem að Svínavatni komu veitingar og eftir messu var veislukaffi eins og sjálfsagður hluti af kirkjuferðinni.
Svínavatnssystkini stunduðu búskapinn af mikilli hagsýni og myndarskap, byggðu upp allar byggingar í samræmi við nútíma kröfur, ræktuðu tún og keyptu vélar og tæki.
Ákveðin verkaskipting var með þeim systkinum. Steingrímur var bústjórinn, Jóhanna sá um fatnað og hannyrðir, enda var hún annáluð hannyrðakona, átti m.a. handunnið sjal á heimssýningu í París, Elín sá um matseld og heimilishald og Guðmundur um símstöðina, bókhald og garðrækt. Voru þau langt yfir meðalmennsku hvert á sínu sviði. Öll náðu þau systkini háum aldri

Á Svínavatni nam land upphaflega Þorgils gjallandi og hefur þar ætíð verið kirkjustaður og kirkjan þar helguð Páli postula.

Steingrímur var næstyngstur Svínavatnssystkina sem upp komust, en þau eru nú öll látin. Þau voru, auk Steingríms, Jóhanna Jóhannesdóttir 4. nóvember 1895 - 1. maí 1989 Var á Svínavatni, Auðkúlusókn, A-Hún. 1930. Var á Svínavatni, Svínavatnshr., A-Hún. 1957. Húsmóðir og hannyrðakennari þar, Elín Jóhannesdóttir 24. janúar 1897 - 6. september 1982 Var á Svínavatni, Auðkúlusókn, A-Hún. 1930. Var á Svínavatni, Svínavatnshr., A-Hún. 1957. Húsfreyja á Svínavatni. Ógift, Helga Jóhannesdóttir f. 15. desember 1898 - 18. maí 1992. Var á Svínavatni, Auðkúlusókn, A-Hún. 1930. Saumakona í Reykjavík. Ógift, Guðmundur Jóhannesson f. 22. október 1900 - 25. janúar 1991 Var á Svínavatni, Auðkúlusókn, A-Hún. 1930. Var á Svínavatni, Svínavatnshr., A-Hún. 1957. Bóndi og fræðimaður á Svínavatni. Ókvæntur. Steinvör Guðrún Jóhannesdóttir f. 28. ágúst 1903 - 15. janúar 1969 Húsfreyja á Kárastöðum, Auðkúlusókn, A-Hún. 1930. Húsfreyja í Blíðheimum 1939 og Péturshúsi (Pétursborg) 1936, Blönduósi, maður hennar Pétur Sigurður Ágústsson. Síðast bús. í Reykjavík og Ólafía Friðrika Jóhannesdóttir f. 8. febrúar 1909 - 21. september 1985. Námsmær á Fjölnisvegi 20, Reykjavík 1930. Kennari í Reykjavík. Síðast bús. í Reykjavík.
Foreldrar þeirra voru Ingibjörg Steinvör Ólafsdóttir f. 2. desember 1869 - 12. febrúar 1954, frá Ási í Vatnsdal og Jóhannes 21. desember 1865 - 21. júní 1946, Helgason, Benediktssonar frá Eiðsstöðum. Þau bjuggu á Svínavatni allan sinn búskap, með gott og gagnsamt bú enda jörðin með betri jörðum sýslunnar. Mikið átak hefur þó verið að ala upp svo stóran barnahóp og koma þeim til manns, en Svínavatnssystkini nutu mun meiri menntunar en almennt gerðist á þeim tíma.

Elín Jóhannesdóttir (1897-1982) Svínavatni (24.1.1897 - 6.9.1982)

Jóhanna Jóhannesdóttir (1895-1989) Svínavatni (4.11.1895 - 1.5.1989)

Guðmundur Jóhannesson (1900-1991) Svínavatni (22.10.1900 - 25.1.1991)

Ingibjörg Gunnarsdóttir (1921-2011) frá Svínavatni (23.5.1921 - 30.8.2011)

Svínavatn bær og vatn ([900])

HAH02038

IS HAH

Final

Full

GPJ 29.7.2017

• Icelandic

®GPJ ættfræði https://www.mbl.is/greinasafn/grein/114297/?item_num=4&searchid=e83b7cc2161680f979a110daa81563207762b57b