Einstaklingur

Svavar Pálsson (1923-2011) Árbraut 19 Blönduósi

17.1.1923 - 16.2.2011

Svavar Pálsson var fæddur í Sólheimum í Svínavatnshreppi 17. janúar 1923. Hann lést á Heilbrigðisstofnuninni á Blönduósi 16. febrúar 2011. Svavar ólst upp í foreldrahúsum og á unglingsárum hans bjuggu þau í Hamrakoti á Ásum og síðar Smyrlabergi í sömu sveit. Fjölskyldan fluttist til Blönduóss í Baldursheim, árið 1943. Sveitalífið, gjöful náttúran s.s. Svínavatnið, Fremri Laxá, Laxárvatnið og góðar veiðilendur mótuðu hann og sjálfsagt og eðlilegt var að færa björg í bú frá unga aldri. Þau hjónin bjuggu nánast allan sinn búskap að Árbraut 19, Blönduósi.
Útför Svavars fór fram í kyrrþey hinn 26.2. 2011, að hans ósk.

Sólheimar, Hamrakot og Smyrlaberg í Svínavatnshreppi: Baldursheimur Blönduósi 1943 og Árbraut 19 (Sólbakki):

Svavar vann við ýmis störf en byrjaði fljótt að vinna við bifreiðaakstur. Hann eignaðist eigin vörubíla og var vörubifreiðastjóri á Blönduósi um langt árabil, en einnig stundaði hann búskap í hjáverkum. Árið 1965 byrjaði Svavar sem starfsmaður hjá Bifreiðaeftirliti ríkisins og starfaði við það út sinn starfsaldur. Svavar spilaði bridge, stundaði veiðiskap jöfnum höndum, á stöng og í net, hafði unun af tónlist, söng í kórum og spilaði á harmonikku til síðasta dags.

Foreldrar hans voru Ingibjörg Þoleifsdóttir, f. 14.10. 1891, d. 30.9. 1980, og Páll Hjaltalín Jónsson, f. 24.10. 1892, d. 4.5. 1944. Síðustu íbúarnir í Baldursheimi.
Svavar var einkabarn þeirra hjóna.
Svavar kvæntist hinn 29.6. 1947, Hallgerði Rögnu Helgadóttur (Gerðu), f. 25.2. 1926, d. 19.1. 1997, frá Hvarfi í Víðidal. Foreldrar hennar voru Hansína Guðný Guðmundsdóttir, f. 30.9. 1894, d. 18.12. 1972, og Þorsteinn Helgi Björnsson, f. 30.7. 1890, d. 7.11. 1930.
Börn Svavars og Gerðu:
1) Særún Brynja, f. 4.10. 1947, börn hennar a) Svavar, f. 28.8. 1969, sambýliskona Berglind Þrastardóttir, eiga þau þrjú börn. b) Tryggvi, f. 28.7. 1979, sambýliskona Una Rúnarsdóttir, eiga þau eitt barn. c) Rakel, f. 11.4. 1981, gift Friðriki Auðuni Jónssyni, eiga þau þrjú börn.
2) Páll, f. 7.6. 1950, kvæntur Valgerði Guðmundsdóttur, f. 7.1. 1949, börn þeirra: a) Svavar, f. 6.8. 1974, kvæntur Lilju Berglindi Rögnvaldsdóttur, eiga þau þrjú börn b) Guðmundur, f. 14.9. 1975, kvæntur Guðrúnu Ástu Lárusdóttur, eiga þau þrjú börn og eitt barnabarn. c) Björg, f. 30.3. 1985, gift Ghomsi Guy Rodrigue.
3) Guðmundur Helgi, f. 14.1. 1962.

Brynja Svavarsdóttir (1947) Blönduósi (4.10.1947 -)

Páll Hjaltalín Svavarsson (1950) mjólkursamlagsstjóri Blönduósi (7.6.1950 -)

Ingibjörg Þorleifsdóttir (1891-1980) Baldursheimi (14.9.1891 - 30.9.1980)

Páll Hjaltalín Jónsson (1892-1944) Baldursheimi (24.10.1892 - 4.5.1944)

Hallgerður Ragna Helgadóttir (1926-1997) Árbraut 19 Blönduósi (25.2.1926 - 19.1.1997)

Árbraut 19 / Sólbakki utan ár (Nóvember 1946 -)

HAH02061

IS HAH

Loka

Fullt

GPJ 31.7.2017

• íslenska

®GPJ ættfræði https://www.mbl.is/greinasafn/grein/1370372/?item_num=0&searchid=d0c5aa89853b91410e210c3c239b4026a1c1bce2