Þetta sýnist mér vera Auster III og þá líklega vél sem flugmálastjórn eignaðist árið 1944 Og var þá skráð TF-ISR og svo TF-FSR hefur þá verið al-rauð til að aðgreina hana frá óvinaflugvélum. Hér er hún svo í litum sem hún var máluð í eftir stríðið en ég veit ekki hverjir þeir voru. Var skráð TF-FOX árið 1947. Hún fór í sjóinn við Álftanes árið 1949. Minnir að áður hafi verið póstað mynd af líklega sömu vél hérna en þó ekki þessi mynd. sú var tekin á gamla Sýslumannstúninu uppá brekku þar sem Brekkubyggð og Garðabyggð eru í dag. Sýnist að þessi mynd gæti sem best líka hafa verið tekin þar. Það er kannski hægt að leita í skránum eftir einkennisstöfunum ef eitthvað hefur verið skráð um það þá? Hreyfillinn í vélinni var 130 hestafla fjögura sýlendra de Havilland Gipsy Major og sjást púströrin fjögur standa niður úr henni.