Gerður Aðalbjörnsdóttir (Dedda) fæddist á Eyjardalsá í Bárðardal 6. október 1932. Hún lést á Heilbrigðisstofnuninni á Blönduósi aðfaranótt 12. júní 2007. Gerður giftist og flutti í Gunnsteinsstaði í Langadal, bjó þar til ársins 1957 og flutti með fjölskyldu sinni í Hólabæ, sem þau höfðu byggt upp. Árið 1989 flutti hún til Mosfellsbæjar og bjó þar til ársins 1996 er hún fluttist á Heilbrigðisstofnunina á Blönduósi.
Árið 1979 greindist hún með Parkinsonssjúkdóminn sem hún barðist við af þrautseigju og viljastyrk til æviloka.
Útför Gerðar verður gerð frá Blönduóskirkju í dag 22. júní 2007 og hefst athöfnin klukkan 14. Jarðsett verður í Holtastaðakirkjugarði.