Corporate body

Ísafjörður

(1950)

Ísafjörður er þéttbýlisstaður á Eyri við Skutulsfjörð í Ísafjarðardjúpi. Hann er þjónustumiðstöð sveitarfélagsins Ísafjarðarbæjar og er stærsti byggðakjarninn innan þess. Íbúar voru 2.525 árið 2015.
Ísafjörður var einn þeirra 6 verslunarstaða á Íslandi sem fengu kaupstaðarréttindi árið 1786 (hinir voru Reykjavík, Akureyri, Eskifjörður, Grundarfjörður og Vestmannaeyjar) en missti þau árið 1816 til Grundarfjarðar (sem hafði verið sviptur þeim árið 1807). Bærinn endurheimti kaupstaðarréttindin árið 1866. Þá náði land kaupstaðarins yfir Eyrina og stóran hluta Eyrarhlíðar. Áður hafði það heyrt undir Eyrarhrepp. Kaupstaðurinn og hreppurinn sameinuðust aftur 3. október 1971, þá undir nafni Ísafjarðarkaupstaðar.
Árið 1994 bættist Snæfjallahreppur við sveitarfélagið og Sléttuhreppur árið eftir en hann hafði þá verið í eyði í meira en fjóra áratugi.
Hinn 1. júní 1996 sameinaðist Ísafjarðarkaupstaður 5 öðrum sveitarfélögum á Vestfjörðum: Flateyrarhreppi, Mosvallahreppi, Mýrahreppi, Suðureyrarhreppi og Þingeyrarhreppi, undir nafninu Ísafjarðarbær.

Nafnið Ísafjörður átti forðum við um allt Ísafjarðardjúpið en festist síðan við eyrina í Skutulsfirði sem var helsti verslunarstaðurinn á þessu svæði. Innst í Ísafjarðardjúpi er hins vegar fjörður sem ber nafnið Ísafjörður og veldur þetta gjarnan nokkrum heilabrotum hjá erlendu ferðafólki.
Eyri í Skutulsfirði - Ísafjörður - er forn verslunarstaður, höfuðstaður Vestfjarða og tilheyrir nú hinu sameinaða sveitarfélagi Ísafjarðarbæ. Þar hefur verið stunduð verslun öldum saman en strax á 16. öld komu kaupmenn frá Hamborg sér upp aðstöðu á eyrinni. Með tilkomu dönsku einokunarverslunarinnar var eyrin svo fest enn frekar í sessi sem miðstöð fiskveiða og verslunar.
Eftir að einokuninni var aflétt störfuðu mörg gróskumikil útgerðar- og verslunarfélög á Ísafirði. Þeirra þekktast er án efa Ásgeirsverslunsem var lang öflugasta einkafyrirtæki landsins á sínum tíma. Fyrirtækið var með umsvifamikla útgerð, keypti fyrstu gufuskip sem Íslendingar eignuðust, hélt uppi farþega- og vörusiglingum um Ísafjarðardjúp og sigldi með afurðir sínar beint frá Ísafirði til markaðslandanna við Miðjarðarhaf. Ásgeirsverslun stóð fyrir ýmsum öðrum nýjungum svo sem fyrsta talsíma á milli húsa á Íslandi.
Saltfiskur varð verðmætasta útflutningsafurð Íslendinga á 19. öld og vinnsla hans varð undistaða atvinnulífs á Ísafirði. Um aldamótin 1900 var Ísafjörður næst stærsti bær landsins og í fararbroddi í mörgu er sneri að útgerð og sjávarútvegi. Til Ísafjarðar má m.a. rekja upphaf vélvæðingar fiskiskipaflotans sem og upphaf rækjuveiða við Ísland.
Samhliða atvinnulífinu blómstraði einnig menningin í bænum. Tónlistin á sér þar ríka hefð og var Tónlistarskóli Ísafjarðar fyrsti tónlistarskóli landsins. Bókasafn var stofnað þegar árið 1889 og um tíma áttu Ísfirðingar eitt allra glæsilegasta leikhús landsins, Templarahúsið, sem brann árið 1930.
Ísafjörður hefur ótal margt að bjóða ferðafólki. Sjóminjasafnið í Neðstakaupstað, í húsum einokunarverslunarinnar frá 18. öld, þykir eitt af skemmtilegustu söfnum landsins en þar er einnig til húsa Harmonikusafn Ásgeirs Sigurðssonar. Í Gamla sjúkrahúsinu á Eyrartúni er bókasafn, skjalasafn, ljósmyndasafn og metnaðarfullt listasafn. Ganga um gamla bæinn er líka á við bestu heimsókn á safn ekki síst ef hið ágæta húsakort er með í för.
Náttúran í kringum Ísafjörð er einstök og býður upp á fjölmargar frábærar gönguleiðir við allra hæfi og ekki er verra að líða um kyrran hafflötinn á kajak. Í Tungudal er golfvöllur og fyrir þá sem leggja leið sína til Ísafjarðar að vetri er rétt að benda á skíðasvæðin í Tungudal og á Seljalandsdal. Sundhöllin á Ísafirði er gömul en vinaleg innilaug með heitum potti og gufubaði. Frá Ísafirði eru reglulegar áætlunarferðir báta yfir í Hornstrandafriðlandið, til eyjarinnar Vigur og víðar. Snæfjallaströnd tilheyrir einnig Ísafjarðarbæ en þar er rekin eina ferðaþjónustan við norðanvert Djúp, í Dalbæ og þar er Snjáfjallasetur með sögusýningar.
Á hverju ári fara fram metnaðarfullar menningarhátíðir á Ísafirði. Þar ber hæst klassísku tónlistarhátíðina Við Djúpið, leiklistarhátíðina Act Alone og sjálfa rokkhátíð alþýðunnar, Aldrei fór ég suður. Unnendur íþrótta og útivistar fá líka sitt á Skíðavikunni, Fossavatnsgöngunni og Mýrarboltanum ásamt Hlaupahátíð á Vestfjörðum sem fram fer á Ísafirði, Bolungarvík og í Dýrafirði.

Eyri við Skutulsfjörð; Ísafjarðardjúp; Eyrarhlíð; Ísafjarðarbær; Eyrarhreppur; Snæfjallahreppur; Sléttuhreppur; Flateyrarhreppur; Mosvallahreppur; Mýrahreppur; Suðureyrarhreppur; Þingeyrarhreppur;

Elín Jónsdóttir (1933-2009) Ísafirði og Keflavík (9.11..1936 - 12.7.2009)

Þórhallur Gunnlaugsson (1886-1966) símstöðvarstjóri Vestmannaeyjum, Breiðabólsstað Vesturhópi (29.11.1886 - 5.4.1966)

Jón Auðun Jónsson (1878-1953) alþm (19.7.1878 - 6.6.1953)

Jósef Húnfjörð Sveinsson (1876-1959) Ísafirði (7.1.1876 - 27.11.1959)

Jón Laxdal Jónsson (1865-1928) tónskáld og verslunarmaður Blönduósi

Sigurbjörn Sveinsson (1878-1950) kennari og rithöfundur Vestmannaeyjum, frá Kóngsgarði (19.10.1878 - 2.2.1950)

Stefán Ólafsson (1857-1919) kennari og bóndi Brandagili Hrútafirði og Ísafirði (5.6.1857 - 7.1.1919)

Sigríður Jónsdóttir (1850-1936) Brandagili og Ísafirði (24.7.1850 - 16.6.1936)

Þórarinn Þorsteinsson (1861-1945) gullsmiður Borðeyri, Ísafirði og vesturheimi (9.8.1859 - 15.12.1945)

Rósa Jóhannesdóttir (1886-1971) Ísafirði frá Súluvöllum (27.10.1886 - 12.9.1971)

Ragnheiður Árnadóttir (1859) Fremrifitjum (19.8.1859 -)

Steinunn Jónína Jónsdóttir (1895-1982) Skinnastöðum (14.2.1895 - 6.4.1982)

Daníel Jónsson (1879-1953) Skósmiður á Ísafirði (22.8.1879 - 21.11.1953)

Þórunn Eyjólfsdóttir (1877-1961) Hólmavík ov (19.2.1877 - 1.10.1961)

Sigfús Bergmann Valdimarsson (1911-1997) Miðsvæði (5.12.1911 - 22.1.1997)

Helgi Sveinsson (1868-1955) fasteignasali (25.10.1868 - 26.3.1955)

Frederikke Caroline Riis (1830) Ísafirði (20.7.1830 -)

Guðrún Sveinsdóttir (1864-1898) kennari Ísafirði og Keflavík (29.12.1864 - 31.12.1898)

Michael Peter Riis (1826) verslunarstjóri Ísafirði, frá Rönne á Bornholm (19.11.1825 -)

Jón Snorri Árnason (1871-1938) Trésmiður á Ísafirði (20.2.1871 - 11.2.1938)

Ása Pálsdóttir (1920-2008) Ísafirði (28.4.1920 - 18.2.2008)

Elísabet Jónsdóttir (1861-1929) frá Eyvindarstaðagerði í Blöndudal (16.9.1861 - 15.10.1929)

Ingimundur Guðmundsson (1893-1973) vélsmiður Ísafirði (17.12.1893 - 16.10.1973)

Loftur Gunnarsson (1877-1953) kaupm Ísafirði og Bolungarvík (1.10.1877 - 25.1.1953)

Gylfi Guðjónsson (1955) Skagaströnd (30.5.1955 -)

Elín Sigurðardóttir (1944) Torfalæk (19.5.1944 -)

Hreggviður Þorsteinsson (1880-1931) kaupmaður á Ísafirði (5.10.1880 - 21.1.1931)

Jón Haukdal Þorgeirsson (1923-2017) vélstjóri Sænskahúsinu á Skagaströnd (14.8.1923 - 21.1.2017)

Ari Jóhannesson (1911-1999) frá Ísafirði (4.12.1911 - 4.2.1999)

Ingibjörg Þórunn Jóhannsdóttir (1891-1950) Ísafirði (6.12.1891 - 25.6.1950)

Hjalti Jóhannesson (1876-1947) Ísafirði 1930 (1.10.1876 - 4.10.1947)

Hrólfur Jakobsson (1878-1910) frá Illugastöðum (8.1.1878 - 20.12.1910.)

Hnífsdalur ((1950))

HAH00332

IS HAH Vestf

Final

Full

GPJ 25.2.2019

• Icelandic

https://www.westfjords.is/is/westfjords/town/isafjordur https://is.wikipedia.org/wiki/Ísafjörður_(þéttbýli)