Person

Ari Lyngdal Jóhannesson (1910-1986) Blönduósi

2.2.1910 - 20.11.1986

Ari Lyngdal Jóhannesson fv. yfirverkstjóri Fæddur 2. febrúar 1910 Dáinn 20. nóvember 1986 Ari L. Jóhannesson, fyrrverandi yfirverkstjóri, lést 20. þessa mánaðar á 77. aldursári. Með honum er genginn einn af frumherjum í flugsögu okkar Íslendinga, mikill persónuleiki og virtur vel af samstarfsmönnum sínum. Hann var um 36 ára skeið verkstjóri og síðan yfirverkstjóri hjá Flugfélagi Íslands hf. og síðar Flugleiðum hf., og má nærri geta að á frumbýlingsárum flugsins hafi oft þurft að taka snöggar ákvarðanir þegar veður gerast válynd og ekki var í nein hús að venda með þann flugvélakost sem notaður var. Sagði hann okkur margar sögur af því þegar farið var út í Köturnar á Akureyrarpolli eða þegar binda þurfti niður Douglas-ana á Melgerðismelum vegna veðurofsa sem oft geisuðu inni í Eyjafirði og þegar keyrt var í kapp við vélarnar inn á Melgerði. Allt þetta leysti hann vel af hendi og naut hann mikils trausts flugmanna sem nutu þjónustu hans og hans góðu konu, Ásgerðar Einarsdóttur, sem hefur alla tíð staðið við hlið manns síns í starfi hans og þegar hann veiktist fyrir um það bil 20 árum. Þá sýndi Ari hve mikið þrekmenni hann var - alltaf reis hann upp aftur og var ekki í rónni fyrr en hann var kominn til starfa á ný. Eftir að hann lét af störfum, fyrir aldurs sakir, fór hann að vinna við atvinnurekstur sona sinna í Keflavík og hafði yndi af því, því ekki var honum að skapi að setjast í helgan stein, enda alinn upp við að taka til hendinni einsog títt var um ungmenni á öndverðri öldinni. Voru þau látin vinna hin ýmsu verk sem til féllu.

Blönduós: Akureyri; Keflavík: Kópavogur:

Ari fékk ungur áhuga á flugi og gekk til liðs við nokkra unga áhugamenn á Akureyri og stofnuðu þeir Svifflugfélag Akureyrar og voru í þeim hópi menn eins og Jóhannes R. Snorrason, Aðalbjörn Kristbjarnarson og Viktor Aðalsteinsson, svo nokkrir séu nefndir. Allir voru þeir alla tíð miklir vinir Ara og mat hann þá mikils.

Foreldrar hans voru Oddný Guðmundsdóttir f. 25.7.1875 - 26.4.1959 Húsfreyja á Ísafirði 1930. Yfirsetukona, saumakona og húsmóðir og Jóhannes Guðmundsson 6.1.1873 - 13.10.1951 Bóndi í Skálmardal, Múlahr., A.-Barð. Síðar sjómaður í Hnífsdal.
Kona hans var Ásgerður Einarsdóttir f. 15.8.1911 - 14.11.1992.
dóttir Ara:
1) Arnfríður Hólm Aradóttir f. 21.6.1930. Móðir hennar Sigríður Kristín Hólm Pálsdóttir f. 21.5.1910 - 14.1.1982 Meiribakka, Hólssókn, N-Ís. 1930. Húsfreyja á Höfða, Grunnavíkurhr., N.-Ís. Síðast bús. í Bolungarvík.
Börn Ara Ásgerðar:
2) Einar Þór Arason f. 15.8.1935 - 10.9.2005. Lögregluþjónn og þjónustuverktaki, síðast bús. í Njarðvík 1994. Eiginkona Einars var Fríða Kristín Norðfjörð, f. 16.12.1933, d. 11.5.1973. Sambúðarkona 1985; Kolbrún Gunnlaugsdóttir, f. 20.9.1939,
3) Karl Ketill Arason f. 11.2.1939 - 26.4.2013, verktaki Njarðvík. Karl kvæntist Kristínu Herbertsdóttur og eignuðust þau tvö börn,
4) Jóhannes Arason 11.12.1944

IS HAH

Final

Full

GPJ 12.5.2017

• Icelandic

®GPJ ættfræði