Person

Björn Leví Jónsson (1904-1979) Veðurfræðingur frá Torfalæk

• Björn Leví (1904-1979)
• Björn Jónsson (1904-1979)
• Björn Leví Jónsson Veðurfræðingur

4.2.1904 - 15.9.1979

Björn Leví Jónsson 4. febrúar 1904 - 15. september 1979. Veðurfræðingur á Ásvallagötu 29, Reykjavík 1930. Veðurfræðingur, síðar læknir í Reykjavík. Tvíburarnir Björn Leví og Jóhann Frímann fæddust sinn hvoru megin við miðnætti.
Á námsárunum í París vandist Björn á grænmetisfæði því það var tiltölulega ódýrt fyrir peningalítinn námsmann. Það varð kveikjan að áhuga hans á náttúrufæði og náttúrulækningum, og varð hann einn af forgöngumönnum Náttúrulækningafélags Íslands um árabil. Jafnframt tók hann að þýða ýmis rit um náttúrulegt mataræði og heilsufar almennings. Einnig flutti hann mörg erindi í útvarp á þessum tíma um sama efni. Vegna þessa áhuga á læknavísindum innritaðist hann í læknadeildina í Háskólanum og lauk þaðan prófi í febrúar 1958, 54 ára gamall. Eftir kandidatsárið var hann aðstoðarlæknir borgarlæknis um árabil en gerðist yfirlæknir á Heilsuhæli Náttúrulækningafélagsins í Hveragerði 1965 og gegndi því starfi til æviloka, en hann lést 15. september 1979. Björn átti mikinn þátt í að móta starf Heilsuhælisins í Hveragerði og efla það. Um árabil var hann ritstjóri Heilsuverndar og gaf sjálfur út bækur um heilsufæði og heilsuvernd.

Björn hélt ávallt tengslum við Frakkland og var aðdáandi franskrar menningar, unni tónlist, spilaði sjálfur dável á píanó og var mikill áhugamaður um íslenskt mál. Um árabil var hann í stjórn Alliance Francaise og prófdómari í frönsku við Menntaskólann í Reykjavík.

Torfalækur; Reykjavík;

Björn Leví varð stúdent árið 1925, stundaði síðan nám í náttúruvísindum við Parísarháskóla og lauk þaðan prófi árið 1930. Þegar heim kom hóf hann störf við Veðurstofuna þar sem hann vann í þrjá áratugi.

Veðurfræðingur:

Foreldrar hans; Ingibjörg Björnsdóttir 28. maí 1875 - 10. september 1940 Húsfreyja á Torfalæk og maður hennar 12.4.1901; Jón Guðmundsson 22. janúar 1878 - 7. september 1967 Bóndi á Torfalæk, Þingeyrasókn, A-Hún. 1930. Bóndi á Torfalæk á Ásum, A-Hún. Síðast bús. í Reykjavík.
Systkini Björns;
1) Guðmundur Jónsson 2. mars 1902 - 28. nóvember 2002 Kennari á Hvanneyri, Hvanneyrarsókn, Borg. 1930. Skólastjóri Bændaskólans á Hvanneyri. Kjördóttir: Sólveig Gyða f. 17.7.1946. Kona hans 21.5.1926; María Ragnhildur Ólafsdóttir 16. febrúar 1896 - 12. september 1980 Húsfreyja á Hvanneyri, Hvanneyrarsókn, Borg. 1930. Síðast bús. í Reykjavík.
2) Jóhann Frímann Jónsson 5. febrúar 1904 - 21. mars 1980 Bóndi á Torfalæk, Þingeyrasókn, A-Hún. 1930. Bóndi á Torfalæk 1940, síðar umsjónarmaður í Reykjavík. Tvíburarnir Björn Leví og Jóhann Frímann fæddust sinn hvoru megin við miðnætti.
3) Jónas Bergmann Jónsson 8. apríl 1908 - 1. apríl 2005 Kennari og fræðslustjóri í Reykjavík. Hann var formaður Barnaverndarráðs og framkvæmdastjóri Íþróttaráðs Reykjavíkur frá stofnun þess auk þess að vera í forystu skátahreyfingarinnar á Íslandi í áratugi og þar af Skátahöfðingi Íslands frá 1958 til 1971. Kennari í Sauðanesi, Þingeyrasókn, A-Hún. 1930. Kona hans; Guðrún Ögmundsdóttir Stephensen 30. október 1914 - 11. janúar 2011 Var í Hólabrekku, Reykjavík 1930. Lærði uppeldisfræði í Svíþjóð, starfaði við uppeldisstofnanir í New York, skrifstofustarfsmaður og síðar húsfreyja í Reykjavík. Sonur þeirra Ögmundur Jónasson fyrrum ráðherra.
4) Ingimundur Jónsson 18. júní 1912 - 20. maí 1969 Var á Torfalæk, Þingeyrasókn, A-Hún. 1930. Var á Torfalæk í Torfalækjahr., A-Hún. 1957. Síðast bús. í Torfalækjarhreppi. Ókvæntur.
5) Drengur Jónsson 18. júní 1912 - 18. júní 1912 Andvana fæddur.
5) Torfi Jónsson 28. júlí 1915 - 17. júlí 2009 Bóndi á Torfalæk, A-Hún. Var á Torfalæk, Þingeyrasókn, A-Hún. 1930. Var á Torfalæk í Torfalækjahr., A-Hún. 1957. Kona hans; Ástríður Jóhannesdóttir 23. maí 1921 - 13. mars 1988 Var á Gauksstöðum, Útskálasókn, Gull. 1930. Húsfreyja á Torfalæk í Torfalækjahr., A-Hún. Var þar 1957. Síðustu árin átti Torfi sambúðarkonu, Sigurlaug Arndal Stefánsdóttir 26. febrúar 1922 - 19. apríl 2017 Var á Siglunesi, Siglufirði 1930, og bjuggu þau í íbúðum aldraðra á Flúðabakka á Blönduósi
Uppeldissystur;
1) Björg Gísladóttir 5. nóvember 1907 - 9. júlí 1939 Vetrarstúlka í Skagastrandarkaupstað 1930. Heimili: Torfalækur. Húsfreyja í Reykjavík.
2) Ingibjörg Kristín Pétursdóttir 1. september 1921 - 29. desember 2013 Var á Torfalæk, Þingeyrasókn, A-Hún. 1930. Fósturfor: Jón Guðmundsson og Ingibjörg Björnsdóttir. Var í Pétursborg, Blönduóshr., A-Hún. 1957. Húsfreyja og sjúkrahússtarfsmaður á Blönduósi. Maður hennar 8.4.1944; Jósafat Sigvaldason 21. október 1912 - 6. apríl 1982 Var í Hrafnabjörgum, Auðkúlusókn, A-Hún. 1930. Lausamaður á Kringlu, síðar kennari og skrifstofumaður á Blönduósi. Var í Pétursborg, Blönduóshr., A-Hún. 1957.
3) Sigrún Einarsdóttir 1. apríl 1929 húsfreyja í Reykjavík
Kona Björns var; Halldóra Valdína Guðmundsdóttir 5. október 1906 - 14. október 1985 Verslunarmær á Hólatorgi 4, Reykjavík 1930. Húsfreyja í Reykjavík 1945. Síðast bús. í Reykjavík.
Börn þeirra;
1) Ingibjörg Reykjavík
2) Guðmundur Njarðvík

Metta Sigurðardóttir (1907-1984) Reykjavík (7.11.1907 - 7.10.1984)

Ingibjörg Björnsdóttir (1875-1940) Torfalæk (28.5.1875 - 10.9.1940)

Jón Guðmundsson (1878-1967) Torfalæk (22.1.1878 - 7.9.1967)

Torfi Jónsson (1915-2009) Torfalæk (28.7.1915 - 17.7.2009)

Jónas Bergmann Jónsson (1908-2005) fræðslustjóri, frá Torfalæk (8.4.1908 - 1.4.2005)

Guðmundur Jónsson (1902-2002) skólastjóri Bændaskólans á Hvanneyri (2.3.1902 - 28.11.2002)

Ingibjörg Pétursdóttir (1921-2013) Pétursborg (1.9.1921 - 29.12.2013)

HAH02865

IS HAH

Final

Full

GPJ 10.1.2018

• Icelandic

®GPJ ættfræði
Íslendingabók