Einstaklingur

Magnea Halldórsdóttir (1931-2013)

22.8.1931 - 23.3.2013

Magnea Halldórsdóttir fæddist 22. ágúst 1931 á Vindheimum í Ölfusi. Hún lést á dvalar- og hjúkrunarheimilinu Grund 23. mars 2013. Hún kynntist Grími sem kaupakona í Grímstungu. Árið 1964 fluttust þau alflutt til Reykjavíkur á Bragagötu 29. Magnea var húsmóðir fram í fingurgóma og sá til þess að fjölskyldan gæti framfleytt sér á verkamannalaunum. Það var enginn munaður á Bragagötunni en ríkt vinarþel og gestristni. Það var mikill gestagangur á Bragagötunni. Magnea var einlægur náttúruunnandi, las lífið og landið með næmni og hafði ómælda ánægju af gönguferðum, náttúruskoðun og garðrækt. Þegar árin færðust yfir lagðist hún í heimshornaflakk með Jóni Böðvarssyni og fylgdi í fótspor víkinga, landnema og konunga. Magnea bjó ein allt fram að miðjum desember síðastliðnum. Þrátt fyrir Alzheimer-sjúkdóminn tókst henni með reglusemi og líkamsrækt að standa á eigin fótum á eigin heimili. Seinustu vikurnar dvaldi Magna á hjúkrunarheimilinu Grund.
Útför hennar verður gerð frá Hallgrímskirkju í dag, 27. mars 2013, og hefst athöfnin kl. 15.

Vindheimar í Ölfusi: Grímstunga í Vatnsdal: Reykjavík:

Magnea stundaði nám í Héraðsskólanum á Laugarvatni og Húsmæðraskólanum í Reykjavík. Magnea var trúrækin og hollvinur Hallgrímskirkju og sótti sér félagsskap í kirkjuna og félagsstarf eldri borga á Vesturgötunni og Vitatorgi.

Þau hjón voru virk í Kvæðamannafélaginu Iðunni um margra áratuga skeið. Magnea var kvæðamaður góður og samdi ófáar vísurnar. Hún var í stjórn Iðunnar um árbil, var formaður rímnalaganefndar og var gerð að heiðursfélaga Iðunnar fyrir störf í þágu félagsins.

Foreldrar hennar voru hjónin Sesselja Einarsdóttir og Halldór Magnússon.
Systkini Magneu eru Guðrún, sem búsett er í Bandaríkjunum, Jónína, sem nú er látin, Laufey, sem lést ung að árum, og Hafsteinn.
Magnea giftist Grími Heiðland Lárussyni frá Grímstungu í Vatnsdal árið 1953, f. 3. júní 1926. Foreldrar hans voru hjónin Lárus Björnsson og Péturína Björg Jóhannsdóttir. Grímur lést 23. október 1995.
Magnea og Grímur eignuðust fimm börn:
1) Reynir, f. 17.7. 1953. Reynir er giftur Kari Grimsby (f. 17.6. 1955). Saman eiga þau Björn (f. 27.1. 1992), Gunnar (f. 2.8. 1993) og Einar (f. 22.7. 1997). Af fyrra hjónabandi með Liv Mikalsen á Reynir Hönnu Sesselju (f. 8.2. 1986) og Inguelsu (f. 18.5. 1987).
2) Lárus Halldór, f. 13.12. 1954. Með Eddu Jónsdóttur á hann Áslaugu (f. 23.1. 2000) og Steinunni (f. 31.7. 2001). Úr fyrri sambúð með Helgu Bjarnadóttur á hann Grím (f. 9.7. 1992) og Egil (f. 19.4. 1995).
3) Bára, f. 24.4. 1960. Bára er gift Chris Foster (f. 25.4. 1948). Af fyrra hjónabandi með Eyvindi Steinarssyni á hún þrjá syni, Andra (f. 2.4. 1986), Eystein (f. 7.9. 1993) og Júlíus (f. 8.8. 1997).
4) Helgi, f. 3.11. 1962. Helgi er giftur Sigrúnu Sigurðardóttur (f. 22.4. 1960). Saman eiga þau Hafdísi (f. 14.2. 1987), Daða (f. 22.10. 1988) og Sigríði (f. 1.8. 1993).
5) Guðrún Sesselja, f. 31.1. 1964. Guðrún Sesselja er gift Hermanni Sæmundssyni (f. 19.6. 1965). Saman eiga þau Sæmund Árna (f. 11.7. 1991) og Helga Grím (f. 26.2. 1995).

Grímur Lárusson (1926-1995) (3.6.1926 - 23.10.1995)

Grímstunga í Vatnsdal ((950))

HAH01726

IS HAH

Loka

Fullt

GPJ 4.7.2017

• íslenska

http://www.mbl.is/greinasafn/minningaleit/