Einstaklingur

Margrét Tryggvadóttir (1911-2004) Stóru-Borg

• Margrét Tryggvadóttir (1911-2004) frá Stóru-Borg

24.9.1911 - 26.7.2004

Margrét Tryggvadóttir fæddist á Stóru-Borg í Víðidal í Vestur-Húnavatnssýslu 24. september 1911. Heimili hennar stóð þar lengst af og þar lést hún 26. júlí síðastliðinn. Margrét var húsfreyja á Stóru-Borg og um tíma sá hún á vetrum um söng- og danskennslu í farskóla Þverárhrepps en þar á heimilinu og á ýmsum fleiri bæjum var farskólinn hluta vetrar þar til hann lagðist af með tilkomu nýs skólahúsnæðis á Þorfinnsstöðum í Vesturhópi.
Útför Margrétar fer fram frá Breiðabólsstað í Vesturhópi í Vestur-Húnavatnssýslu í dag og hefst athöfnin klukkan 14.

Stóra-Borg í Víðidal:

Margrét sinnti margvíslegum félagsmálum í heimahéraði, stofnaði m.a. kvenfélagið Ársól í Vesturhópi og var fyrsti formaður þess. Hún var einnig um um árabil í forystusveit Kvennabandsins í Vestur-Húnavatnssýslu en það beitti sér m.a. fyrir og aflaði fjár til byggingar sjúkrahúss á Hvammstanga. Þá starfaði hún einnig um tíma í sóknarnefnd Breiðabólstaðarsóknar, var um skeið sem sóknarnefndarformaður þar.

Foreldrar Margrétar voru Björn Tryggvi Guðmundsson, búfræðingur frá Ólafsdalsskóla og bóndi í Klömbrum í Vesturhópi en síðar á Stóru-Borg, f. að Syðri-Völlum í V.-Hún. 12. júlí 1878, d. 1. maí 1918, og kona hans, Guðrún Magnúsdóttir húsfreyja þar, f. að Hafnarnesi í Nesjasveit í A.-Skaft. 1. desember 1884, d. 2. nóv. 1968. Síðari maður Guðrúnar var Jóhann Líndal Helgason kennari, f. á Sauðadalsá á Vatnsnesi 23. maí 1895, d. 10. október 1931.
Eftirlifandi bræður Margrétar eru Guðmundur Tryggvason, fyrrum framkvæmdastjóri Tímans og lengst af kenndur við Kollafjörð, f. 1. sept. 1908, og Björn Tryggvi Jóhannsson, bóndi á Stóru-Borg, f. 29. sept. 1921. Önnur systkini dóu í barnæsku.
Margrét giftist 17. júní 1932 Karli H. Björnssyni, bónda og ættfræðingi, f. á Gauksmýri í Línakradal, 20. maí 1907, d. 16. júlí 2001, og reistu þau bú sitt á Stóru-Borg. Karl var sonur Ólafar Sigurðardóttur, f. á Þorkelshóli í Víðidal 16. janúar 1865, d. 2. júlí 1925, og seinni manns hennar, Björns Jósafats Jósafatssonar, f. að Enniskoti í Víðidal 15. ágúst 1868, d. 8. júní 1957, bænda á Gauksmýri.
Börn Margrétar og Karls eru:
1) Björn Tryggvi kennari, f. 28. mars 1932, kona hans Hrefna Pétursdóttir, fyrrum ráðskona á Sjúkrahúsi Hvammstanga, d. 1984; sonur þeirra er Guðmundur viðskiptafræðingur, f. 9. janúar 1966; dóttir Hrefnu og fyrri manns hennar er Edda Margrét Jónsdóttir kennari, búsett í Noregi ásamt fjölskyldu sinni.
2) Ólöf Hulda kennari, f. 22. maí 1938; dóttir hennar og fyrrum sambýlismanns hennar, Halldórs Hjartarsonar flugvirkja, er Unnur Margrét, f. 4. október 1970, en dætur hennar eru Ólöf Hulda Steinþórsdóttir, f. 23. mars 1993, og Kolbrún Atladóttir, f. 30. mars 1996.
3) Guðrún, íslensku- og upplýsingafræðingur, f. 14. febrúar 1942, maður hennar er Leo(nardus) J.W. Ingason héraðsskjalavörður; börn þeirra eru Karlotta María, þýðandi og nú búsett erlendis, f. 17. janúar 1977, maki Hugues Pons verslunarmaður; og Gunnar Leó tónlistarkennari, f. 5. júlí 1978.

Árni Hraundal (1916-1988) Grafarkoti (15.9.1916 - 28.10.1988)

Tryggvi Guðmundsson (1878-1918) Klömbrum og Stóruborg, (12.7.1878 - 1.5.1918)

Guðrún Magnúsdóttir (1884-1968) Stóru-Borg (1.12.1884 - 1.11.1968)

Guðmundur Tryggvason (1908-2005) Kollafirði (1.9.1908 - 3.2.2005)

Anna Pétursdóttir (1842-1925) Móbergi (16.2.1842 - 7.1.1925)

Aðalheiður Sigurðardóttir (1835-1912) Finnstungu (6.10.1935 - 1912)

Stóra-Borg í Víðidal ((900))

HAH01757

IS HAH

Loka

Fullt

GPJ 5.7.2017

• íslenska

®GPJ ættfræði
Íslendingabók
mbl 3.8.2004. https://www.mbl.is/greinasafn/grein/811603/?item_num=3&searchid=2ccb34fbbf5124efba56187f7a665da51cb52ba5