Einstaklingur

Sigurjón Lárusson (1937-2001) Tindum

• Sigurjón Bjarklind Lárusson (1937-2001) Tindum

6.9.1937 - 30.11.2001

Sigurjón Lárusson fæddist á Hamri í Svínavatnshreppi 6. september 1937. Hann lést á Heilbrigðisstofnun Blönduóss 30. nóvember síðastliðinn. Sigurjón flutti með foreldrum sínum að Tindum í Svínavatnshreppi 1944, og ólst þar upp. Hann hóf búskap á Tindum, fyrst í samvinnu við foreldra sína 1959 og bjó þar til dánardags, síðustu árin, eftir að hann missti heilsu, í sambýli við Sigurð, mann Gunnhildar. Hann kom nokkuð við sögu félagsmála í sveit sinni og héraði, átti m.a. sæti í hreppsnefnd Svínavatnhrepps frá 1962-1994. Oddviti var hann 1978-1994, á þeim tíma var Blönduvirkjun byggð og kom hann töluvert við sögu vegna samninga þar um. Aðaláhugamál Sigurjóns í seinni tíð voru ættfræði og þjóðlegur fróðleikur, auk verndunar íslenskrar náttúru, aðallega fjall- og heiðlendis.
Útför Sigurjóns fer fram frá Blönduóskirkju í dag og hefst athöfnin klukkan 14.

Hamar í Svínavatnshreppi: Tindar 1944, bóndi þar 1959:

Sigurjón var búfræðingur frá Hólum í Hjaltadal.

Hann kom nokkuð við sögu félagsmála í sveit sinni og héraði, átti m.a. sæti í hreppsnefnd Svínavatnhrepps frá 1962-1994. Oddviti var hann 1978-1994, á þeim tíma var Blönduvirkjun byggð og kom hann töluvert við sögu vegna samninga þar um. Aðaláhugamál Sigurjóns í seinni tíð voru ættfræði og þjóðlegur fróðleikur, auk verndunar íslenskrar náttúru, aðallega
fjall- og heiðlendis.

Foreldrar hans voru hjónin Lárus Sigurðsson, f. á Vöglum í Vatnsdal 21. apríl 1906, d. 14. okt. 1983, og kona hans, Kristín Sigurjónsdóttir, f. á Tindum Svínavatnshreppi 22. apríl 1915, d. 16. feb. 1992.
Sigurjón var ókvæntur og barnlaus.
Systkini Sigurjóns voru Gunnar Ómar, f. 1. jan. 1942, d. 18. mars 1948, og Gunnhildur, f. 22. jan. 1951, gift Sigurði Ingþórssyni, búfræðingi, verslunarmanni og bónda á Tindum. Börn þeirra eru: a) Lárus Gunnar húsasmiður, f. 5. apríl 1972, b) Sigurjón Ingi, sölu- og þjónustustjóri, f. 9. maí 1973, sambýliskona Berglind Pálsdóttir, f. 4. maí 1974, dóttir þeirra er Margrét Ýr, f. 16. okt. 1997, c) Kristín Rós hjúkrunarfræðingur, f. 6. nóv. 1975, sambýlismaður Ingibjörn Eðvarð Sigurjónsson, f. 8. sept. 1965, dóttir þeirra er Ágústa Rós, f. 16. ágúst 1997.

Kristín Sumarrós Sigurjónsdóttir (1915-1992) (22.4.1915 - 19.2.1992)

Gafl á Svínadal ([1300])

Tindar í Svínavatnshreppi ([1200])

HAH01963

IS HAH

Loka

Fullt

GPJ 22.7.2017

• íslenska

®GPJ ættfræði 8.11.2022
Íslendingabók
mbl 8.12.2001. https://www.mbl.is/greinasafn/grein/641668/?item_num=0&searchid=bc4cfd7e56a22da8679017bbfe59a9ed5bef06f4