Fyrirtæki/stofnun

Tjörn á Skaga

(1950)

Bærinn stendur við Vestanvert Tjarnarfjall, sunnarlega. Þar er skjóllegt, allgott til ræktunar, fjörubeit og til heiðar rúmgóð beitilönd. Áður var þar selveiði, en mun að mestu aflögð.
Íbúðarhús byggt 1956 steinsteypt 448 m3. Fjós yfir 16 gripi byggt 1971 ásamt kálfafjósi og haughúsi, 310 m3 og mjólkurhús 30 m3. Geymsla byggð 1962, 168 m3. járhús steypt 1967 yfir 300 fjá. 2 hlöður 728 m3. Fjárhús byggð 1948 úr torfi og grjóti yfir 260 fjár.. Tún 29,1 ha. Selveiði.

Vindhælishreppur; Skagabyggð; Tjarnarfjall; Hafnir á Skaga; Efri-Sneiðingur; Kerlingarbjarg; Hestur; Torfdalur; Torfdalsvæta; Austurnúpur; Löngubrekkubrún; Nesvatn; Syðra-Nesvatn; Löngubrekkuhorn; Rjúpnadalur; Stapi; Hafnavatn; Þrándarlækur; Heytjörn; Fuglaþúfa; Svínafellshorn norðara; Svínafell; Langalækjarhóll; Laxárvatnsós; Ran(hól)askáli; Ós; Brúnakolluþúfa; Staddur;

Ábúendur;

1923-1932; Sveinn Mikael Sveinsson 29. sept. 1890 - 6. apríl 1932. Bóndi á Tjörn, Hofssókn, A-Hún. Bóndi þar 1930. Kona hans; Guðbjörg Rannveig Kristmundsdóttir 2. okt. 1897 - 18. júní 1967. Húsfreyja á Tjörn, Hofssókn, A-Hún. Húsfreyja þar 1930.

1932-1950- Guðbjörg Rannveig Kristmundsdóttir 2. okt. 1897 - 18. júní 1967. Húsfreyja á Tjörn, Hofssókn, A-Hún. Húsfreyja þar 1930.

frá 1950- Sveinn Guðberg Sveinsson 10. ágúst 1932. Var á Tjörn, Skagahr., A-Hún. 1957. Kona hans; María Kristjánsdóttir 3. apríl 1937 - 27. júní 2017. Var á Steinnýjarstöðum, Skagahr., A-Hún. 1957. Húsfreyja á Tjörn í Skagahreppi.

frá 1950- Pétur Mikael Sveinsson 23. júní 1927 - 23. ágúst 2011. Var á Tjörn, Hofssókn, A-Hún. 1930. Var á Tjörn, Skagahr., A-Hún. 1957. Bóndi á Tjörn í Skagahreppi. Kona hans; Sigurlaug Kristjánsdóttir 13. sept. 1935. Var á Steinnýjarstöðum, Skagahr., A-Hún. 1957.

Landamerkjaskrá fyrir þjóðjörðinni Tjörn í Vindhælishreppi.

Að norðan frá Stapa í fjörunni upp undan Kerlingu, norðarlega undir Kerlingarbjargi, í Hest og þaðan í Rjúpnadal, þaðan í hól eða þúfu fyrir ofan Nesvatn syðra og svo í vestari ósinn á efsta Hafnavatni, þaðan í tjörn þá, er stendur á flánni fyrir sunnan Þrándarlæk og í tjörn þá, er Heytjörn heitir, þaðan beint í Fuglaþúfu, þá úr Fuglaþúfu í Svínafellshorn norðara, svo sem Svínafell ræður að vestan í Langalækjarhól, þaðan í stein, er stendur í eða við Laxá og nefndur er Staddur, svo sem Laxá heldur í Laxárvatnsós, svo beint í Brúnakolluþúfu, þaðan í þúfu á Brekkuhorninu svo beint í Ran (hól)a-skála við sjó, milli Tjarnar og Óss, að vestan girðir sjór landið. Reka allan á Tjörn fyrir landi sínu.

Hvammi, 4. ágúst 1886
B.G. Blöndal. umboðsmaður Þingeyrarkl.jarða.

Ofanritaðri merkjaskrá fyrir Tjörn erum við undirrituð samþykk’
Jóhanna Þ. Jónsdóttir ábúandi Hafna.
Jósep Magnússon eigandi Óss.

Lesið upp á manntalsþingi að Viðvík, hinn 23.maí 1889, og innfært í landamerkjabók Húnavatnssýslu No. 87, fol. 45b.

---

Landamerki milli Hafna og Tjarnar.

Frá sjó úr stapa þeim sem stendur í fjöru og þinglýstur sem merki milli jarðanna Hafna og Tjarnar, þaðan beina stefnu í stein nærri bjargsbrún á svokölluðum Efri-Sneiðing, yzt á Kerlingarbjargi. Er eftir áðurnefndum Jón Benónísson höggvist í stein þann bókstafurinn L., sem og aðra einstaka merkjasteina, sem nú marka landamerkjalínu milli Hafna og Tjarnar. Næsti merkjasteinn er á hól þeim, sem Hestur heitir, er hann einnig merktur með stafnum L, þaðan bein lína yfir Torfdal og Torfdalsvætu í stóran stein á Austurnúp. Er steinn sá sunnanvert við stóra þúfu er grashól lítinn í mýrunum, sýnist þústa sú hæst gnæfa á Austnúpa, þegar litið er austur yfir dalinn. Steinn sá er sem hinir merkjasteinarnir með bókstafnum L., höggnum á suðurhlið steinsins. Þaðan bein lína í landsuður í litla grjótvörðu á Löngubrekkubrún, vestan ytra Nesvatns, en norðan Löngubrekkuhorns. Varða sú er hlaðin úr hellugrjóti, og fremur lítil, en þó upphlaðin síðan að mér var sagt, eftir að ég seldi oftnefnd land af þeim báðum bændum Hafna og Tjarnar, Sigurði Arnasyni og Sveini M. Sveinssyni. Úr vörðu þeirri beina sjónhendingu í vörðu, sem stóð á urðunum upp undan eystri enda Syðri-Nesvatns, breyttist landamerkjalínan ekkert lengra til austurs og er því varða sú austasta merki á áðurnefndu landstykki, seldu af mér, en keyptu af áðurnefndum Sigurði Arnasyni.

Dalvík, 30. júní 1944
Lárus Óskar Frímannsson

Vitundarvottar: Árni E. Jónsson Sveinbjörg Gísladóttir.

Lesið á manntalsþingi að Örlygsstöðum 10/8 1944.

Kristín Pétursdóttir (1900-1989) Karlsminni (8.1.1900 - 5.12.1989)

Jóninna Margrét Pétursdóttir (1894-1978) frá Tjörn á Skaga (30.5.1894 - 9.2.1978)

Anna Pétursdóttir (1890-1958) frá Tjörn í Nesjum á Skaga (31.7.1890 - 30.10.1958)

Hafnir á Skaga ((1950))

Ós á Skaga ((1900)-1973)

Skriður í Húnavatnssýslum (874 -)

Sigurlaug Pétursdóttir (1893-1986) Karlsminni (10.1.1893 - 7.9.1986)

Halldóra Pétursdóttir (1898-1987) Höfðakoti Skagaströnd (22.8.1898 - 23.12.1987)

Sveinn Jónatansson (1851-1936) Hrauni á Skaga frá Tjörn (4.2.1851 - 14.6.1936)

Pétur Pétursson (1906-1990) Karlsminni Skagaströnd (26.5.1906 - 18.6.1990)

Sigríður Jónsdóttir (1856-1930) prestsfrú Gaulverjabæ (9.11.1856- 19.6.1930)

Vindhælishreppur (1000-2002) (1000-2002)

Álfheiður Pétursdóttir (1888-1943) Tjörn á Skaga (28.4.1888 - 11.4.1943)

Sigurbjörg Guðmundsdóttir (1855-1951) Borgum Eskifirði (11.11.1855 - 25.10.1951)

Sveinn Sveinsson (1890-1932) Tjörn (29.9.1890 - 6.4.1932)

Pétur Björnsson (1857-1931) Tjörn á Skaga (14.12.1857 - 16.11.1931)

HAH00433

IS HAH-Bæ

Loka

Fullt

GPJ 16.4.2019

• íslenska

Landamerkjabók Húnavatnssýslu No. 87, fol. 45b.
Manntalsþingi að Örlygsstöðum 10/8 1944.
Húnaþing II bls 83.