Bærinn stendur hæst allra bæja í Vatnsdal. Jörðin er gamalt afbýli frá Guðrúnarstöðum og land óskipt, en talið ¼ úr jörðinn allri.
Bærinn stendur vestan Vaglakvíslar og á land beggja vegna hennar. Tún 11,9 ha.

Bærinn stendur á háum hól við fjallsrætur neðan undir samnefndri skál. Ræktunarskilyrði eru sæmileg. Íbúðarhús byggt 1930 327 m3. Fjós yfir6 kýr. Fjárhús yfir 140 fjár. Hlöður 375 m3. Votheysgeymsla 27 m3. Tún 15,6 ha. Mánaskál fór í eyði en nú er hún komin aftur í byggð.

„Í Reykjahlíð má sjá stórkostlegar og einkennilegar minjar eldsumbrota. Í Leirhnjúks eldgosinu 1729 rann hraun yfir bæinn í Reykjahlíð (7. ágúst), en engum manni varð það að skaða, þvi að alt fólk hafði flúið burt af bænum.

Þá bjó Jón prestur Sæmundsson í Reykjahlíð, og hefur hann ritað lýsingu á þessu eldgosi. 27. ágúst rann hraun nálega umhverfis kirkjuna, en eigi sakaði hana. Trúðu margir því, að annar kraptur máttugri en náttúruöflin hefði verndað kirkjuna. Kirkjan stendur enn á sama stað á litlum grasbletti hrauni luktum. Þá er ég kom þangað, fanst mjer sem þar hlyti að vera mikill griðastaðr, er hraun og eldur hefði eirt þar öllu, en herjað alt og eyðilagt umhverfis. Nú er steinkirkja í Reykjahlíð, er Pjetur bóndi Jónsson (1818-1906) hefur látið gera. Hann er einn hinna nafnkunnu Reykjahlíðarbræðra.“

Fyrsta og eina húsið, er byggt hefir verið af höggnum steini hjer í Þingeyjarsýslu; en jafnframt vil jeg leyfa mjer að vikja, lítið eitt á fleira, er kirkju þessa snertir, heldur enn bygginguna eina.
Kirkjan stendur, og hefir staðið frá ómunatíð á sljettum túnbala 80 faðma norðvestur frá bænum, sem nú er í Reykjahlíð; bali þessi, sem er 3 vallardagsláttur á stærð, er alveg umgirtur hrauni, af hraunflóði því hinu mikla, sem í eldgosunum 1725—1727 rann úr Langa-Leirhnjúk, en er annars optar kennt við Kröflu; hraun það lagði í eyði 4 bæi, þar á meðal bæinn að Reykjahlíð, stóð þar sem nú er hár hraunkambur rjett austan við kirkjuna, og hefir hraunalda lagzt þar á einum stað, fast aðkirkjugarðinum. Það hefir því jafnan þótt íhugunarvert, að sjá kirkjuna standa þarna eina eptir, þeirra húsa, er tilheyrt höfðu þessum 4 býlum, á því nær, þeim eina hólma er finnst eptir af ærið miklu grösugu og góðu landi, er hraunflóð þetta hefir að öðru leyti hulið í nærfellt 20 ár, áður en kirkja þessi var nú rifin, hafði verið í umtali að leggja hana alveg niður, eins og víða hefir átt sjer stað með kirkjur, á seinni árum.

Sjö skip Eimskipafélagsins hafa borið þetta nafn frá upphafi.
Lagarfoss var smíðaður í Noregi 1904. Það var í eigu Eimskipafélags Íslands frá 1917 til 1949 þegar það var rifið í Danmörku.

Svo er það síðasti "bróðirinn" Mercandia Importer byggt 1974 Eimskip kaupir 1977 og skírir Lagarfoss nr þrjú með því nafni Skipið selt úr landi 1982 og fær nafnið Rio Tejo. Það varð sprenging og eldsvoði í því út af Máritaníu 28-02-1987 og var það svo rifið upp úr því í Belgíu

Þorgrímsstaðadalur er dalur á Vatnsnesi. Hann heitir eftir innsta bæ í dalnum, Þorgrímsstöðum. Fimm bæir voru í dalnum en nú eru bara tveir í byggð. Vegurinn sem liggur um dalinn heitir Þorgrímsstaðadalsvegur og er 8 km langur.

Sagnir eru um að heil kirkjusókn hafi verið í dalnum og kirkjan hafi verið á Ásgarði. Nú er þetta farið í auðn fyrir löngu og bæjarnöfnin ekki vituð.

Aðalbjörn Benediktsson, fyrrverandi héraðsráðunautur og bóndi á Grundarási í Miðfirði í Vestur-Húnavatnssýslu, fæddist á Aðalbóli í Miðfirði hinn 23. júlí 1925. Hann lést á Landspítalanum 13. ágúst síðastliðinn. Foreldrar hans voru Ólöf Sigfúsdóttir húsfreyja á Aðalbóli, f. 22. febrúar 1894, d. 17. apríl 1983, og Benedikt Jónsson bóndi á Aðalbóli, f. 28. júní 1895, d. 30. janúar 1988. Bróðir Aðalbjarnar var Jón bóndi í Höfnum á Skaga, f. 23. maí 1921, d. 30. desember 2002.
Eiginkona Aðalbjarnar er Guðrún Benediktsdóttir fyrrverandi kennari og bóndi, f. 10. júlí 1928. Foreldrar hennar voru Ingibjörg Guðmundsdóttir húsfreyja og Benedikt H. Líndal bóndi og hreppstjóri. Þau bjuggu á Efra-Núpi í Miðfirði. Aðalbjörn og Guðrún eignuðust þrjár dætur. Þær eru: 1) Sigrún prófessor, f. 9. júlí 1949, maki Þórólfur Ólafsson. Þau eiga tvo syni, a) Aðalbjörn, sambýliskona Þorbjörg S. Stefánsdóttir og eiga þau þrjú börn, Sigrúnu Auði Tinnu, Benedikt Inga og Baldur Thor, og b) Þórólf Rúnar. 2) Inga Hjördís kennari, f. 22. ágúst 1951, maki Helgi Jón Jónsson. Þau eiga tvo syni, a) Aðalbjörn Hrannar, sambýliskona Signý Þórarinsdóttir, dóttir þeirra Matthildur Emelía, og b) Hrafnkel Helga, maki Guðfinna Ásta Birgisdóttir, sonur þeirra Benedikt Birgir. 3) Aldís kennari og leiðsögumaður, f. 30. október 1952, sambýlismaður Páll Sigurðsson. Dætur Aldísar og Jóns Tryggva Kristjánssonar, fyrrverandi sambýlismanns hennar, eru a) Guðrún Elfa, maki Baldvin Björn Haraldsson, þau eiga synina Sólon Baldvin, Dag Baldvin og Eið Baldvin, og b) Aldís Arna, sambýlismaður Sigurður Guðmundsson, sonur þeirra Örn Daði.
Aðalbjörn lauk búfræðiprófi frá Bændaskólanum á Hvanneyri vorið 1946, landsprófi frá Héraðsskólanum á Laugarvatni vorið 1947 og brautskráðist sem búfræðikandídat frá nýstofnaðri framhaldsdeild Bændaskólans á Hvanneyri vorið 1949. Næstu tvö árin starfaði Aðalbjörn hjá Nautgriparæktarsambandi Borgfirðinga. Árið 1951 flutti hann í Aðalból með fjölskyldu sína og gerðust þau hjónin bændur í sambýli við foreldra hans. Vorið 1953 réðst Aðalbjörn til Búnaðarsambands Vestur-Húnavatnssýslu til að annast rekstur Ræktunarsambands V-Hún. (RSVH) og gerðist jafnframt kennari við Reykjaskóla í Hrútafirði. Árið eftir var hann ráðinn í fullt starf sem héraðsráðunautur og framkvæmdastjóri RSVH. Hann gegndi því starfi til ársins 1988 eða í 35 ár. Þau hjónin bjuggu á Laugarbakka í Miðfirði í nokkur ár áður en þau byggðu nýbýlið Grundarás. Hin síðari ár hafa þau búið í Reykjavík.
Aðalbjörn tók mikinn þátt í félagsmálum og gegndi ýmsum trúnaðarstörfum. Hann sat meðal annars í hreppsnefnd Fremri-Torfustaðahrepps, var oddviti um árabil og sýslunefndamaður hreppsins um skeið. Þá sat hann í stjórn Kaupfélags Vestur–Húnvetninga frá 1968-1985 og var formaður þess í 10 ár frá 1975. Í störfum sínum stóð Aðalbjörn fyrir og tók þátt í að koma á ýmsum umbótum í sýslunni. Má þar nefna ræktunarmál, uppbyggingu húsakosts og flýtingu rafvæðingar. Sérstakt hugðarefni hans var að fá því framgengt að laxastigi yrði settur við Kambsfoss í Austurá í Miðfirði. Hann vann að því máli í áratugi áður en það markmið náðist og leit á það sem jarðabætur á landsvísu. Aðalbjörn lét sig ýmis þjóðmál varða og skrifaði greinar um þau í dagblöð og tímarit.
Útför Aðalbjarnar verður gerð frá Fossvogskirkju í dag 21. ágúst 2006 og hefst athöfnin klukkan 13.

Aðalheiður fæddist 19. september 1904 að Helgavatni í Vatnsdal. Foreldrar hennar voru Hólmfríður Hannesdóttir og Björn Þorsteinsson, sem bæði voru húnvetnskrar ættar. Nokkurra vikna gamalli var henni komið í fóstur til sæmdarhjónanna Ingibjargar Kristmundsdóttur og Jóns Baldvinssonar að Kötlustöðum í Vatnsdal. Hjá þeim hjónum átti Aðalheiður sín bernskuog unglingsár og reyndust þau henni sem bestu foreldrar. Uppeld issystur sínar, þær Halldóru, Rósu, Guðrúnu og Jenný, leit hún ávallt á sem raunverulegar systur og var mikill kærleikur með þeim og börnum þeirra. Alla ævi bar hún mikla tryggð til átthaganna og var í nánu sambandi við tvær uppeldissystra sinna sem þar bjuggu. Jenný bjó á Eyjólfsstöðum með manni sínum, Bjarna Jónassyni, og er ein á lífi af þeim systrum og Rósa bjó á Marðarnúpi en hennar maður var Guðjón Hallgrímsson. Báðir þessirmenn voru landsþekktir bænda höfðingjar og bjuggu stórbúi í Vatnsdalnum. Foreldrar Aðalheiðar hófu aldrei sambúð, en giftust síðar hvort í sínu lagi. Tvö hálfsystkini á hún á lífi, Margréti Björnsdóttur húsfreyju að Köldukinn og Björn Björnsson fv. bónda í Miðhópi. Látin eru Jósefína Pálsdóttir póstmeistarafrú á Akureyri og Halldór Pálsson verkfræðingur. Aðalheiður hélt sambandi viðþau og foreldra sína eins og kostur var, einkum Halldór, en hann var búsettur í Reykjavík og er látinn fyrir allmörgum árum. Á unglingsárum sínum vann Aðalheiður hefðbundin sveitastörf í heimasveit sinni, var í kaupavinnu og við heimilisstörf á ýmsum bæjum, en 17 ára gömul fór hún í Húsmæðraskólann á Blönduósi og var þar í eitt ár. Liðlega tvítug fluttist hún til Reykjavíkur og fljótlega eftir komuna þangað hóf hún störf hjá Ölgerðinni Agli Skallagrímssyni. Þar urðu þáttaskil í lífi Aðalheiðar þegar hún kynntist Kristni Lýðssyni, sem síðar átti eftir að verða eiginmaður hennar, en þau gengu í hjónaband 10. október 1931. Kristinn var sonur Sigríðar Sigurðardóttur og Lýðs Árnasonar bónda á Hjallanesi í Landsveit. Á hjónaband þeirra Aðalheiðar og Kristins féll aldrei skuggi, gagnkvæm virðing og kærleikur ríkti ávallt á milli þeirra og þau voru samtaka í hjálpsemi við aðra. Það kom meðal annars fram í því að þau tóku aldraða foreldra Kristins inn á heimili sitt þar sem þau nutu umhyggju og ástúðar síðustu æviár sín. Gestkvæmt var á heimili þeirra og oft margt um manninn enda vina- og ættingjahópurinn stór. Mest allan sinn búskap bjugguþau á Hringbraut 52 í Reykjavík, þar sem þau eignuðust eigin íbúð í nýbyggðum svokölluðum verkamannabústöðum árið 1937. Áður höfðu þau búið í leiguhúsnæði. Húsakynnin voru ekki stór miðaðvið það sem nú gerist, en þótti gott á þeim árum og alltaf var til rúm fyrir gest sem að garði bar. Aðalheiður og Kristinn eignuðust fjögur börn. Elst er Unnur, gift Valgeiri J. Emilssyni prentara, Jón Ingi matsveinn, d. 28. júní 1981, hann var kvæntur Ástu Eyþórsdóttur, Sigurður Lýður rafvirki, kvæntur Soffíu Thoroddsen, og yngst er Ásdís, en hennar maður er Magnús Kjærnested stýrimaður. Kristinn starfaði alla tíð í Ölgerðinni eða þar til hann varð að láta af störfum sökum heilsubrests sem hann átti við að stríða síðustu ár ævi sinnar. Í veikindum hans sýndi Aðalheiður það sem fyrr hve sterk og umhyggjusöm kona hún var. Kristinn lést þann 19. desember 1981, en aðeins hálfu ári áður höfðu þau misst eldri son sinn, Jón Inga.

Aðalheiður Jóhannesdóttir fæddist í Reykjavík 9. febrúar 1931. Hún lést í Sjúkrahúsi Reykjavíkur 15. júní 1997. . Aðalheiður lauk prófi frá Verslunarskóla Íslands 1949. Hún stundaði jafnframt tónlistarnám í píanóleik, síðast við Tónlistarskólann í Reykjavík, og kenndi síðar píanóleik um nokkurra ára skeið. Haukur og Aðalheiður bjuggu fyrstu hjúskaparárin í Svíþjóð þar sem Aðalheiður vann við skrifstofustörf. Þau fluttust heim árið 1957. Aðalheiður tók próf sem leiðsögumaður ferðamanna árið 1973. Auk húsmóðurstarfa vann hún við ferðaleiðsögn í 5 ár, en var síðan skrifstofumaður, lengst af sem fulltrúi á Orkustofnun. Aðalheiður var um árabil félagi í International Training in Communication og einn af stofnfélögum ITC-deildarinnar Kvists. Útför Aðalheiðar fer fram frá Hallgrímskirkju í dag 26. júní 1997 og hefst athöfnin klukkan 13.30.

Aðalheiður Jónasdóttir fæddist á Eiðsstöðum í Blöndudal í Austur-Húnavatnssýslu 30. desember 1922.
Hún lést í Reykjavík 16. febrúar 1995. Útför Aðalheiðar Jónasdóttur fór fram frá Langholtskirkju 24. febr. 1995 og hófst athöfnin kl. 15.

Aðalheiður Margrét Guðmundsdóttir fæddist 11. maí 1942, hún lést á líkanardeild Landakostspítala 24. september 2011.
Aðalheiður var dóttir hjónanna Guðmundar Kristjáns Kristjánssonar vélstjóra, f. 19. júlí 1904, d. 27. janúar 1958, og Aðalheiðar Klemensdóttur, f. 21. október 1910, d. 26. október 1995. Systkini Aðalheiðar eru: 1) Klemens, f. 10. nóvember 1934, kvæntur Astri Flaglien, 2) Aðalheiður Margrét, f. 7. október 1937, d. 10. maí 1942, 3) Hrefna, f. 9. september 1944, gift Óla Má Guðmundssyni, f. 24. júní 1940, d. 21. mars 1997, 4) Kristján, f. 4. október 1945, kvæntur Elsu Baldursdóttir, 5) Margrét, f. 28. ágúst 1948, gift Geoffrey Brabin. Guðmundur, faðir Aðalheiðar, átti tvær dætur frá fyrra hjónabandi. Þær voru Ingibjörg, f. 9. ágúst 1927, d. 27. janúar 1985, og Kristín, f. 16. apríl 1929, d. 22. júlí 1961, og var alltaf mjög gott samband á milli þeirra systra.
Eiginmaður Aðalheiðar er Jón Helgason, f. 12 desember 1932 á Akureyri. Hann starfaði sem vélstjóri. Foreldrar hans voru Helgi Thorberg Kristjánsson, f. 20. september 1904, d. 9. september 1976, og Kristín Jónsdóttir, f. 13. ágúst 1909, d. 22. mars 2002. Aðalheiður og Jón giftust 11. maí 1963, þau eignuðust þrjú börn: 1) Guðmundur tónlistarmaður, f. 11. október 1962, hans sonur er Sigurjón Thorberg, f. 5. ágúst 2010, uppeldissonur Guðmundar er Daníel Takefusa Þórisson, f. 8. janúar 1990, 2) Kristín tanntæknir, f. 22. janúar 1964, gift Ragnari Smára Ingvarssyni vélstjóra, f. 3. september 1954, börn þeirra eru: a) Jón Ingi, f. 26. desember 1984, b) Aðalheiður, f. 12. mars 1991, c) Alexander, f. 29. júní 1992. 3) Ægir Thorberg verkfræðingur, f. 27. júní 1971, hans dóttir er Ragna Birna, f. 15. júní 1998.
Aðalheiður ólst upp á Holtsgötu 31, stundaði nám í Melaskólanum og síðan í Hagaskóla og lauk þaðan gagnfræðaprófi og var í fyrsta árgangi sem útskrifaðist úr gagnfræðadeild skólans. Hún hóf að vinna eftir nám hjá O. Johnson og Kaaber og síðar í versluninni Baldri á Holtsgötunni.
Aðalheiður og Jón hófu búskap á Brekkustíg og fluttust síðan á Holtsgötu 31 í risíbúð hjá móður hennar. Þau keyptu svo íbúð á Hraunteig og bjuggu þar þangað til 1969. Þá fluttu þau til Skagastrandar og bjuggu þar í 18 ár. Allan þann tíma einbeitti Aðalheiður sér aðallega við barnauppeldi og heimilisstörf, en jafnframt því starfaði hún einnig í hlutastarfi á Pósthúsi Skagastrandar og í fiskvinnslu.
Aðalheiður hafði yndi af söng og tónlist og fór hún snemma að syngja í kirkjukór Hólaneskirkju á Skagaströnd. Þau hjón fluttu síðan aftur til Reykjavíkur 1987 og um haustið sama ár hóf hún störf sem ritari á Landakotsspítala, jafnframt lauk hún námi á læknaritarabraut frá Fjölbraut við Ármúla í maí 2005. Aðalheiður lauk starfi á Landakotsspítala sumarið 2009 og hóf hún að sinna áhugamálum sínum, m.a. sumarbústað fjöldskyldunar í Ketlubyggð við Hellu sem var alltaf hennar sælureitur. Aðalheiður fór aftur að syngja og var virk í tveimur kórum.
Útför Aðalheiðar fer fram frá Neskirkju, í dag, 3. október, og hefst athöfnin kl. 13.

Aðalheiður bjó með eiginmanni sínum að Heiðvangi við Sogaveg í 30 ár og vann þar við heimilisstörf og búskap. Síðar vann hún hjá efnagerð Rekord og Múlalundi. Síðasta árið sem hún lifði bjó hún á Droplaugarstöðum.

Útför Aðalheiðar fer fram frá Fossvogskirkju í dag 26. febr. 1999 og hefst athöfnin klukkan 13.30.

Aðalsteinn Sigurðsson var fæddur á Leifsstöðum í Svartárdal 22.2. 1929. Hann lést á heimili sínu á Leifsstöðum 21. ágúst síðastliðinn. Útför Aðalsteins verður gerð frá Bergsstaðakirkju í dag og hefst athöfnin klukkan 14.

Látinn er Agnar (skírður Bjarnar) Tryggvason, fyrrv. framkvæmdastjóri Búvörudeildar SÍS, á 94. aldursári. Hann lést á Dvalar- og hjúkrunarheimilinu Grund hinn 11. apríl sl.
Agnar fæddist í Laufási, Reykjavík 10. feb. 1919, sonur hjónanna Önnu Klemensdóttur (1890-1987) húsfreyju og Tryggva Þórhallssonar (1889-1935) prests, ritstjóra, ráðherra og bankastj. Systkini Agnars: Klemens, hagstofustjóri, Valgerður, skrifstofustjóri, Þórhallur, bankastjóri, Þorbjörg, framkvæmdastjóri, Björn aðst.seðlabankastjóri og Anna Guðrún kennari, en hún ein lifir systkini sín.
Eiginkona Agnars var Hildur Sólveig Þorbjarnardóttir húsfreyja. Hún fæddist á Heiði í Gönguskörðum 31. ágúst 1924. Hún lést 2006. Foreldrar hennar voru Sigríður Árnadóttir (1893-1967) frá Geitaskarði í Langadal og Þorbjörn Björnsson (1886-1970) frá Veðramóti í Gönguskörðum. Systkini hennar voru: Árni Ásgrímur lögfræðingur, Sigurður Örn, óðalsbóndi á Geitaskarði, Brynjólfur vélsmiður, Stefán Heiðar og Þorbjörg, húsfreyja í Stóru-Gröf, ein eftirlifandi systkina.
Börn Agnars eru: 1) Guðrún Helga, f. 1948, kennslustjóri við HÍ, móðir Anna Kristinsdóttir (d. 1984), maki Jón Kristjánsson, kaupmaður. Börn þeirra: Ingunn, f. 1976, maki Árni Stefán Leifsson. Dætur þeirra: Guðrún Helga, f. 2007, og Ingibjörg, f. 2009. Anna Helga, f. 1979. Börn Agnars og Hildar Sólveigar: 2) Anna, f. 1949, kennari, maki Konráð Sigurðsson læknir (d. 2003). Börn þeirra: Hildur Rósa, f. 1974, maki Arnar Guðjónsson. Börn þeirra: Konráð, f. 2004, og Svava, f. 2009. Anna, f. 1977 (d. 1979). Anna Guðrún, f. 1980. Dóttir hennar er Anna Hildur Björnsdóttir, f. 2000. Maki er Ingi Freyr Ágústsson. Stjúpbörn Önnu eru: Sigurður, Áslaug, Atli, Sif, Huld, Ari og Andri Konráðsbörn. 3) Björn, f. 1951, tæknifræðingur og trésmiður. 4) Sigríður, f. 1952, hjúkrunarfræðingur. Börn hennar eru: Sólveig Ösp, f. 1977, dóttir Haraldar Ásgeirssonar prentara (d. 1986). Börn hennar eru: Kamilla Rós Guðnadóttir (f. 1997) og Tristan Karel Helgason (f. 2000). Börn Sigríðar og Páls Tómassonar arkitekts: Sigrún, f. 1979, dóttir Sóley Rán Kristjánsdóttir, f. 2001. Maki Lars Hyllested. Anna Sigríður, f. 1988, maki Matei Manolescu. Agnar Páll, f. 1988. 5) Tryggvi, f. 1954, lögmaður. Maki Steingerður Þorgilsdóttir iðnrekstrarfr. Börn Tryggva og Helgu Lilju Björnsdóttur garðyrkjufr. eru: Guðrún Lilja, f. 1983, maki Sigþór Jónsson, barn þeirra Lilja María (f. 2011). Dóttir Sigþórs er Malín Erna (f. 2004). Agnar Björn, f. 1986. Hildur Jakobína, f. 1988, unnusti Darri Egilsson. Uppeldissonur Tryggva er Ólafur Stefánsson, f. 1973, sonur Helgu Lilju. Barn Tryggva og Kristínar Bjargar Knútsdóttur kennara er Tryggvi Klemens, f. 2002.
Agnar vann mestallan starfsaldur sinn fyrir samvinnuhreyfinguna, aðallega við verslun og viðskipti með afurðir landbúnaðarins.
Útför Agnars verður gerð frá Dómkirkjunni föstudaginn 20. apríl 2012 og hefst athöfnin klukkan 13.

Agnar Bragi Guðmundsson, Blönduósi. Fæddur 17. ágúst 1919 dáinn 5. nóvember 1989. Agnar bjó allt sitt líf á Blönduósi. Þar sleit hann barnsskóm sínum og þaðan fór hann í sína hinstu för.
Kona hans, Lilja Þorgeirsdóttir, ættuð frá Hólmavík, bjó honum og börnum þeirra hlýlegt og fallegt heimili. Það var að vísu þröngt í byrjun, en þeim tókst að stækka húsakost sinn og bæta þannig að þangað var gott að koma, og aldrei var þröngt þó margir væru á ferð. Það ríkti gleði og sannkölluð íslensk gestrisni, hvernig sem á stóð.

Albert Guðmannsson var fæddur að Snæringsstöðum í Svínadal í A-Hún. 17. júní 1907. Hann lést 4. apríl síðastliðinn. Útför Alberts fer fram frá Fossvogskirkju í dag og hefst athöfnin klukkan 13.30.

Alda I. Jóhannsdóttir fæddist á Blönduósi 6. ágúst 1921. Hún lést á heimili sínu í Reykjavík 1. desember síðastliðinn. Útförin hefur farið fram í kyrrþey að ósk hinnar látnu.

Alma Ellertsson, fædd Steihaug, fæddist í Alvdal í Østerdal í Noregi hinn 21. ágúst 1919. Hún lést á öldrunardeild Landspítalans á Landakoti föstudaginn 6. október síðastliðinn. Eftir að Alma fluttist til Íslands bjó hún um hríð í Reykjavík en flutti 1954 til Blönduóss þar sem maður hennar var mjólkurbússtjóri og bjó þar allt til 1987 að hún flutti til Reykjavíkur og skömmu síðar til Kópavogs þar sem hún bjó til dauðadags.
Útför Ölmu fer fram frá Kópavogskirkju í dag og hefst athöfnin klukkan 15.

Alma Hermína Eggertsdóttir fæddist í Keflavík 15. mars 1905. Hún lést á E-deild sjúkrahússins á Akranesi 30. júlí. Foreldrar hennar voru Eggert Þorbjörn Böðvarsson trésmiður og Guðfinna Jónsdóttir, bæði ættuð úr Húnavatnssýslu. Þau bjuggu síðar í Hafnarfirði.
Hinn 18. júní 1927 giftist Alma Jóhannesi Arngrímssyni klæðskera, f. 20. október 1906, d. 4. júní 1972, og áttu þau fjögur börn. Þau eru: 1) Guðfinna (Gulla), f. 26. ágúst 1927, maki Guðmundur Jónsson, f. 2. júlí 1927, d. 7. júlí 1983, búsett í Hafnarfirði og eiga þau þrjú börn. 2) Hörður, f. 30. desember 1929, maki Sesselja Jóna Helgadóttir, f. 3. apríl 1931, búsett á Akranesi og eiga þau fimm börn. 3) Böðvar, f. 29 ágúst 1941, maki Elsa Ingvarsdóttir, f. 10. ágúst 1944, búsett á Akranesi og eiga þau þrjú börn. 4) Sigríður, f. 2. mars 1943, maki Ólafur Sigfússon, f. 6. janúar 1944, búsett á Akureyri og eiga þau þrjú börn. Afkomendur Ölmu eru orðnir 67. Alma og Jóhannes fluttust á Akranes árið 1942 og bjuggu lengst af á Skólabrautinni. Alma flutti á Dvalarheimilið Höfða á Akranesi árið 1988 og þaðan á Sjúkrahúsið á Akranesi, E-deild, í mars 1998 þar sem hún bjó til dauðadags.
Útför Ölmu fer fram frá Hafnarfjarðarkirkju í dag og hefst athöfnin klukkan 13.30.

Bóndi á Neðri-Harrastöðum, Hofssókn, A-Hún. 1930. Bóndi og kennari á Harastöðum, síðar kaupmaður í Höfðakaupstað. Var í Andrésarhúsi, Höfðahr., A-Hún. 1957.

Anna Guðbjörg Jónsdóttir fæddist á Blönduósi hinn 19. mars 1926. Hún lést á Heilbrigðisstofnuninni á Blönduósi 23. september síðastliðinn. Anna eða Stella eins og hún var oftast kölluð bjó öll sín ár á Blönduósi. Lengst af bjó hún á Brekkubyggð 4, en hin síðari ár á Flúðabakka 3. Starfaði Stella um tíma á símstöðinni á Blönduósi, einnig vann hún til fjölda ára í mötuneyti fyrir sláturfélagið á Blönduósi. Seinni árin sem hún vann starfaði hún sem landpóstur ásamt manni sínum Trausta. Eftir lát hans tók sonur þeirra Guðmundur við starfi hans. Stella lét af störfum á árinu 1993 . Einnig var hún í kvenfélaginu á Blönduósi og sinnti þar ýmsum störfum.
Útför Stellu fer fram frá Blönduóskirkju á morgun, mánudaginn 30. september 2002, og hefst athöfnin klukkan 14.

Vann ýmis störf eins og á sjúkrahúsi, í rækjuvinnslu og við þrif. Var á Þorfinnsstöðum, Breiðabólsstaðarsókn, V-Hún. 1930. Var að Laugabóli, Ytri-Torfustaðahr., V-Hún. 1957.
Maður hennar 25.12.1947; Ingólfur Albert Guðnason 27. febrúar 1926 - 14. mars 2007 Var í Fremri-Vatnadal, Staðarsókn, V-Ís. 1930. Var að Laugabóli, Ytri-Torfustaðahr., V-Hún. 1957. Hreppstjóri, sparisjóðsstjóri og Alþingismaður á Hvammstanga.

Anna G. Andrésdóttir fæddist í Jórvík í Breiðdal í S-Múl. 7. júní 1927. Hún andaðist 4. september 1998 á Héraðshælinu á Blönduósi. Útför Önnu verður gerð frá Blönduóskirkju í dag 12. sept 1998 og hefst athöfnin klukkan 16.

Anna Ingunn Björnsdóttir fæddist á Malarlandi í Kálfshamarsvík 2. júlí 1913. Hún lést á Landspítalanum við Hringbraut 28. desember 2003. Anna og Ari bjuggu allan sinn búskap í Reykjavík.
Anna ólst upp í Húnavatns- og Skagafjarðarsýslum fram um fermingaraldur er hún flutti með móður sinni til Reykjavíkur.
Anna stundaði lengst af verslunarstörf. Hún byrjaði í Kúnstverslun í Kirkjustræti um 1930 og vann síðan í ýmsum verslunum uns hún hóf störf í Markaðnum þar sem hún starfaði í 26 ár.
Útför Önnu Ingunnar fer fram frá Langholtskirkju, hófst athöfnin klukkan 13.30.

Anna Karlsdóttir fæddist á Þóroddstungu í Vatnsdal 23. febrúar 1908 og lést á Héraðshælinu á Blönduósi 23. júní 2009. Foreldrar hennar voru Karl Jónsson bóndi, f. 1884, d. 1950, og kona hans Guðrún Sigurðardóttir, f. 1882, d 1979.
Anna var ein tíu barna þeirra hjóna.
Eiginmaður Önnu var Ellert Bergsson, f. 1903, d. 1950. Anna lifði sem ekkja í tæp 60 ár og sá fyrir tveimur börnum þeirra: Sigtryggi f. 1931, maki hans er Brynhildur Friðriksdóttir, f. 1940 og eiga þau tvö börn, Margréti Ágústu og Ellert Unnar. Herdís, f. 1934, maki hennar er Jón Kr. Jónsson, f. 1931, en hún átti einn son fyrir hjónaband, Ellert Björn Svavarsson, f. 1962.
Anna var jarðsungin frá Blönduóskirkju 4. júlí 2009.

Minning: Anna Margrét Jóhannesdóttir Fædd 22. júli 1910 Dáin 27. september 1987. Mánudaginn 5. október kl. 13.30, verður til moldar borin hin ágætasta kona, skilningsríka móðir og indæla amma og langamma. Hún fæddist í Kirkjuhvammi, ólst þar upp hjá foreldrum sínum.
Vinnukona á Bárugötu 35, Reykjavík 1930. Var á Melum, Hvammstangahr., V-Hún. 1957. Síðast bús. í Ölfushreppi.

Húsfreyja á Blöndudalshólum, Holtastaðasókn, A-Hún. 1930. Húsfreyja í Blöndudalshólum. Var í Blöndudalshólum, Bólstaðarhlíðarhr., A-Hún. 1957. Anna Margrét Sigurjónsdóttir, Blöndudalshólum Fædd 4. október 1900 Dáin 5. febrúar 1993. Anna var fædd í Hvammi í Laxárdal í Austur-Húnavatnssýslu en fluttist þaðan ung með foreldrum sínum og átti bernsku sína og æsku í Finnstungu í Blöndudal og Eiríksstöðum í Svartárdal. 14. júlí 1923 giftist hún Bjarna Jónassyni f. 24. febrúar 1891, d. 26. janúar 1984 og saman reistu þau bú í Blöndudalshólum, sem þau stóðu fyrir til 1960, er Jónas sonur þeirra tók við jörðinni. Þau bjuggu þá enn um skeið í Hólum, en fluttust svo að Hnitbjörgum við Héraðshælið á Blönduósi og á þeim stað eyddu þau ævikvöldinu.

Anna Margrét Tryggvadóttir fæddist í Finnstungu í Blöndudal 3. desember 1919. Hún lést á Heilbrigðisstofnun Blönduóss 31. ágúst síðastliðinn. Foreldrar hennar voru Tryggvi Jónasson bóndi í Finnstungu í Blöndudal, f. 1892, d. 1952, og kona hans Guðrún Jóhanna Jónsdóttir, f. 1880, d. 1967. Börn þeirra Tunguhjóna voru Jónas, f. 1916, d. 1983, Jón, f. 1917, d. 2007, Guðmundur, f. 1918, og Anna Margrét.
Hinn 7. ágúst 1948 giftist Anna Kristjáni Snorrasyni bifreiðastjóra, f. 26.1. 1918, d. 15.11. 1990. Dætur þeirra eru: 1) Þóra, f. 31.12. 1948, var gift Jóhanni Ingibjörnssyni, f. 24.7. 1947. Börn þeirra eru: a) Kristján Gunnar, f. 19.12. 1968, í sambúð með Sunnevu Guðgeirsdóttur, f. 3.4. 1973. Börn þeirra eru Arnar Logi, f. 24.8. 1998, og Aldís Anna, f. 26.10. 2004. Kristján var áður í sambúð með Ernu Arnardóttur og eiga þau saman Hörð Inga, f. 1.4. 1990. b) Ólöf Björk, f. 16.3. 1972, í sambúð með Valdimar Valdimarssyni, f. 14.12. 1972. Börn þeirra eru: Lovísa Þóra, f. 7.12. 1997, Jóhann Karl, f. 23.6. 2001, og drengur, f. 2.9. 2007. c) Grétar Örn, f. 7.6. 1981, í sambúð með Katrínu Klöru Þorleifsdóttur, f. 26.3. 1981. Dóttir þeirra er Elín Embla, f. 21.9. 2006. 2) Kolbrún, f. 5.5. 1950, gift Árna Ingibjörnssyni, f. 14.1. 1950. Börn þeirra eru: a) Svanur Hlífar, f. 9.1. 1969, d. 3.8. 1991. b) Guðrún Brynhildur, f. 22.1. 1971, gift Guðmundi Arnari Elíassyni, f. 31.12. 1968. Sonur þeirra er Jóel Dagur, f. 2.1. 2007. Guðrún var áður gift Gunnari Laxfoss Þorsteinssyni og eiga þau saman börnin Hannes Hlífar, f. 19.12. 1992, og Kolbrúnu, f. 4.9. 1996. Sambýlismaður Önnu Margrétar er Ragnar Þórarinsson, f. 1.10. 1924.
Anna Margrét var í Kvennaskólanum á Blönduósi 1937-1939. Vann við verslunarstörf, lengst af hjá Kaupfélagi Húnvetninga.
Anna Margrét verður jarðsungin frá Blönduóskirkju í dag og hefst athöfnin klukkan 14.

Anna Sigríður Sigurðardóttir frá Guðlaugsvík var fædd á Akureyri 3. júlí 1907. Árið 1914, eftir lát móður sinnar, flyst Anna að Guðlaugsvík þar sem hún ólst upp hjá Ragúel Ólafssyni afa sínum.
Anna andaðist á hjúkrunarheimilinu Eir 18. ágúst 1995. Útför Önnu verður gerð frá Prestbakkakirkju í Hrútafirði í dag 25. ágúst 1995, og hefst athöfnin kl. 14.

Anna Sigríður Steingrímsdóttir - Minning Fædd 18. apríl 1919 Dáin 23. maí 1993 Hún var fædd 18. apríl 1919, en dó 23. maí síðastliðinn.
Var á Blönduósi 1930. Húsfreyja í Reykjavík 1945. Síðast bús. í Mosfellsbæ.

Ari Agnarsson, Skipholti 26, Reykjavík, fæddist 12. nóvember 1916 á Fremsta Gili í Langadal, Austur-Húnavatnssýslu. Hann lést 27. febrúar síðastliðinn. Útför Ara fer fram frá Fossvogskirkju í dag 6. mars 1996 og hefst athöfnin kl. 13.30.

Ari Guðbrandur Ísberg fæddist 16. september 1925 í Möðrufelli í Hrafnagilshreppi, Eyjafirði. Hann lést á Sjúkrahúsi Reykjavíkur 27. júní síðastliðinn. Útför Ara Ísberg fer fram frá Fossvogskirkju á morgun, mánudaginn 5. júlí, og hefst athöfnin klukkan 10.30. Jarðsett verður í Gufuneskirkjugarði.

Ari Guðjón Jóhannesson fæddist á Ísafirði 4. desember 1911. Hann lést 4. febrúar 1999. 1917 missti hann móður sína sex ára gamall. Sjómaður á Ránargötu 8 a, Reykjavík 1930. Síðast bús. í Reykjavík.
Útför Ara fór fram frá Áskirkju 16. febr. 1999 og hófst athöfnin klukkan 13.30.

Ari Lyngdal Jóhannesson fv. yfirverkstjóri Fæddur 2. febrúar 1910 Dáinn 20. nóvember 1986 Ari L. Jóhannesson, fyrrverandi yfirverkstjóri, lést 20. þessa mánaðar á 77. aldursári. Með honum er genginn einn af frumherjum í flugsögu okkar Íslendinga, mikill persónuleiki og virtur vel af samstarfsmönnum sínum. Hann var um 36 ára skeið verkstjóri og síðan yfirverkstjóri hjá Flugfélagi Íslands hf. og síðar Flugleiðum hf., og má nærri geta að á frumbýlingsárum flugsins hafi oft þurft að taka snöggar ákvarðanir þegar veður gerast válynd og ekki var í nein hús að venda með þann flugvélakost sem notaður var. Sagði hann okkur margar sögur af því þegar farið var út í Köturnar á Akureyrarpolli eða þegar binda þurfti niður Douglas-ana á Melgerðismelum vegna veðurofsa sem oft geisuðu inni í Eyjafirði og þegar keyrt var í kapp við vélarnar inn á Melgerði. Allt þetta leysti hann vel af hendi og naut hann mikils trausts flugmanna sem nutu þjónustu hans og hans góðu konu, Ásgerðar Einarsdóttur, sem hefur alla tíð staðið við hlið manns síns í starfi hans og þegar hann veiktist fyrir um það bil 20 árum. Þá sýndi Ari hve mikið þrekmenni hann var - alltaf reis hann upp aftur og var ekki í rónni fyrr en hann var kominn til starfa á ný. Eftir að hann lét af störfum, fyrir aldurs sakir, fór hann að vinna við atvinnurekstur sona sinna í Keflavík og hafði yndi af því, því ekki var honum að skapi að setjast í helgan stein, enda alinn upp við að taka til hendinni einsog títt var um ungmenni á öndverðri öldinni. Voru þau látin vinna hin ýmsu verk sem til féllu.

Arína Margrét Sigurðardóttir, húsfreyja og verslunarmaður, fæddist í Enni í Refsborgarsveit í Engihlíðarhreppi í A-Húnavatnssýslu hinn 10. september 1919. Hún lést á heimili sínu í Reykjavík 16. apríl síðastliðinn. A. Margrét ólst upp í Enni og bjó þar til 19 ára aldurs þegar hún fluttist til Reykjavíkur þar sem hún bjó síðan alla tíð til dauðadags.
Útför A. Margrétar fór fram í kyrrþey 23. apríl, að ósk hennar sjálfrar.

Arnar Einarsson fæddist 14. júní 1945 í Baldurshaga í Vestmannaeyjum. Hann lést í Vestmannaeyjum hinn 21. júlí sl.

Arndís Á. Baldurs Blönduósi - Minning Fædd 30. október 1899 Dáin 31. mars 1990 Arndís Ágústsdóttir Baldurs fæddist á Saurbæ í Vatnsdal en þar bjuggu þá foreldrar hennar , þau fluttust síðar að Hlaðhamri í Hrútafirði og bjuggu þar í nokkur ár.
Arndís eða Dúfa eins og hún var kölluð ólst svo upp að nokkru leyti á Borðeyri hjá ömmu sinni og afa, Arndísi Guðmundsdóttur og Theódór Ólafssyni, en foreldrar hennar fluttu til Seyðisfjarðar. Fór Dúfa til þeirra og var hjá þeim í þrjú ár eða fram yfir fermingu, þá fór hún aftur til Borðeyrar og var þar hjá móðurfólki sínu fram undir tvítugt en fluttist þá til Blönduóss með Arndísi ömmu sinni sem fór til dvalar hjá börnum sínum þar.
Á Blönduósi kynntist hún manni sínum Jóni S. Baldurs, síðar kaupfélagsstjóra, og gengu þau í hjónaband 30. maí 1922. Allan sinn bú skap bjuggu þau á Blönduósi, að undanskildu einu ári er þau bjuggu í Reykjavík. Búskap sinn hófu þau í litlum torfbæ er hét Enniskot og stóð á sjávarkambi yst í þorpinu. Þar eignuðust þau tvö börn

Arnfríður Jónasdóttir fæddist í Grundarkoti, Akrahreppi, 12. nóv. 1905, hún lést á Sjúkrahúsi Sauðárkróks 9. febrúar 2002.
Útför Arnfríðar fer fram frá Flugumýrarkirkju í dag 16 . febr. 2002 og hefst athöfnin klukkan 16.

Arnþrúður Sigurðardóttir fæddist á Laxamýri í Suður-Þingeyjarsýslu 17. janúar 1920. Hún lést á dvalarheimilinu Eir 9. febrúar 2005.
Útför Arnþrúðar fór fram í Fossvogskapellu 18. febrúar í kyrrþey.

Auðbjörg Ámundadóttir fæddist í Dalkoti í Kirkjuhvammshreppi í V-Húnavatnssýslu 25. nóvember 1928. Hún lést á heimili sínu á Brávöllum 1, Egilsstöðum, aðfaranótt 5. janúar síðastliðins. Auðbjörg og Sigfús fluttu til Blönduóss 1954 frá Reykjavík. Þar starfaði hún sem húsfreyja og Sigfús var búnaðarráðunautur hjá Búnaðarsambandi A-Hún. Árið 1966 fluttist fjölskyldan til Egilsstaða og árið 1972 keyptu þau jörðina Fossgerði í N-Múl. og gerðust bændur. Þau stunduðu búskap til ársins 1996 er þau fluttu aftur til Egilsstaða.
Útför Auðbjargar fór fram frá Egilsstaðakirkju í dag og hefst athöfnin klukkan 13.

Var á Ásbjarnarstöðum, Kirkjuhvammssókn, V-Hún. 1930. Var á Grænahvammi, Hvammstangahr., V-Hún. 1957. Síðast bús. í Hvammstangahreppi.

Auðbjörg Sigríður Albertsdóttir fæddist á Neðstabæ í Norðurárdal í A-Hún. 27. september 1908. Hún andaðist á Héraðssjúkrahúsinu á Blönduósi 13. september síðastliðinn. Útför Auðbjargar fer fram í Blönduóskirkju í dag.

Auðunn Þorsteinsson var fæddur á Blönduósi 1. nóvember 1917.
Hann lést á heimili sínu 31. mars 1997. Útför hans fór fram frá Fossvogskirkju í dag 9. apríl 1997 og hófst athöfnin klukkan 13.30.

Auður H. Ísfeld fæddist 2. maí 1917 á Tungu í Fáskrúðsfirði. Hún andaðist á Hrafnistu í Hafnarfirði 21. janúar sl.
Sr. Jón vígðist að Hrafnseyri við Arnarfjörð og bjuggu þau hjón þar til 1943, síðan á Bíldudal til 1960, þá að Bólstað í Austur-Húnavatnssýslu til 1970 og í Búðardal til 1975. Þá fluttu þau til Reykjavíkur er sr. Jón hætti föstu embætti.

Auður Lundfríður Sigurðardóttir fæddist í Króki, Skagabyggð, þann 11. júní 1918. Hún lést á Heilbrigðisstofnuninni á Blönduósi þann 6. apríl 2009.

Ágúst var fæddur á Gilsstöðum í Vatnsdal 9.6.1892, en dó þann 28.9.1987 að Héraðshælinu á Blönduósi.
Ágúst Böðvar var einkabarn foreldra sinna, sem hófu búskap á hluta Gilsstaða vorið 1891, en fluttu þaðan vorið 1896 að Hofi í Vatnsdal. Þau Jón og Valgerður bjuggu á hluta Hofs fyrstu árin, en vorið 1901 fengu þau alla jörðina til ábúðar, en eignuðust hana alla síðar og bjuggu þar æ síðan meðan kraftar entust. Bæði voru þau Jón og Valgerður sterkir persónuleikar, mótuð af harðri lífsbaráttu fólks á síðustu áratugum 19. aldarinnar. Fóru þau vel með efni og búnaðist eftir því. Varð Hofsheimilið fljótt eitt af máttarstólpum vatnsdælsks samfélags á þessum árum. Skipaði Jón á Hofi sér fljótlega í forustusveit Vatnsdælinga, sat í hreppsnefnd, þar sem hann þótti nokkuð íhaldssamur, en mest lét hann til sín taka fjallskilamál upprekstrarfélagsins, þar sem hann hélt mjög um stjórnvölinn um meira en hálfrar aldar skeið. Hannhafði mjög ákveðnar skoðanir í pólitík, var mikill spilamaður og veitti gestum sínum brennivín á góðri stund. Hafði hann mjög í heiðri siði góðbænda um veitingar, en hafði þó hóf á, svo að til gleðiauka var. Varð Hofsheimilið á árum þeirra Jóns og Valgerðar mjög samkomustaður Vatnsdælinga þar sem fólk, bæði eldra og yngra, naut lífsins og gerði sér dagamun.
Í þessu umhverfi ólst Ágúst upp. Sem ungur maður var hann mjög hlutgengur og mótandi í félags- og skemmtanalífi sveitar sinnar og sýslu.

Ágústa Gunnlaugsdóttir fæddist 1. ágúst 1895 á Stóru-Borg í Vestur-Hópi í Vestur-Húnavatnssýslu. Hún lést á Akureyri 13. nóvember 1995. Útför Ágústu fer fram frá Akureyrarkirkju í dag 24. nóv. 1995 og hefst athöfnin kl. 13.30.

Ágústa Kristófersdóttir fæddist í Reykjavík 17. nóvember 1908. Hún lést á hjúkrunardeild Landakotsspítala mánudaginn 6. júlí síðastliðinn.
Ágústa átti heima alla sína ævi í Reykjavík.
Útför og sálumessa fyrir Ágústu verður í Kristskirkju í dag klukkan 15.

Foreldrar hennar voru Jón Jónsson (1875-1915) og Teitný Jóhannesdóttir (1880-1953) Ósi Blönduósi.
í Manntali 1910 er hún með foreldrum sínum í Húsi Jóns Jónssonar á Blönduósi (Ós).

Álfheiður Óladóttir fæddist á Ísafirði 11. apríl 1919. Hún lést í Holtsbúð í Garðabæ 23. október síðastliðinn. Í Reykjavík kynnist hún verðandi eiginmanni sínum Kolbeini Kristóferssyni lækni. Hún tók að sér heimili þeirra feðga, Kristófers og sona hans Egils og Kolbeins en kona Kristófers og móðir bræðranna var fallin frá. Eftir að Kolbeinn lauk námi fylgdi hún honum fyrst til Akraness þar sem hann var við læknisstörf og síðan til Þingeyrar við Dýrafjörð. Þar sat Kolbeinn í embætti héraðslæknis frá árinu 1946 til seinniparts árs 1949. Þar fæddist þeim dóttirin Þórdís 1947. Á Þingeyri eignuðust þau vini til æviloka og skipaði Þingeyri alltaf sérstakan sess huga Álfheiðar. Haustið 1949 var aftur haldið til Reykjavíkur þar sem Kolbeinn hafði fengið stöðu læknis við Landspítalann. Þau bjuggu á Vesturgötu 52 á æskuslóðum Kolbeins með smá hléi til ársins 1968 er þau fluttu í Garðabæ þar sem bjuggu til dauðadags.
Útför Álfheiðar verður gerð frá Vídalínskirkju í Garðabæ í dag og hefst athöfnin klukkan 13.

Ármann Eydal Albertsson fæddist á Selá á Skaga 8. júní 1929. Hann lést hinn 20. nóvember síðastliðinn. Ármann ólst upp í sveitinni, fyrst á Selá og síðan á Reykjum á Reykjaströnd. Sumarið 1933 fluttu þau að Keldulandi vegna þess að þrír bræður Sigurlínu féllu frá með skömmu millibili og eftir var forsjárlaust heimili þar.
Útför Ármanns verður gerð frá Útskálakirkju í dag og hefst athöfnin klukkan 13.30.

Ármann Kristjánsson var fæddur á Litla-Vatnsskarði í Austur-Húnavatnssýslu 1. janúar 1927. Hann lést á hjúkrunarheimilinu Mörk í Reykjavík 24. janúar 2011.
Útför Ármanns fór fram frá Kotstrandarkirkju 3. febrúar 2011.

Bóndi í Vatnsskarði, Víðimýrarsókn, Skag. 1930. Bóndi á Stóra-Vatnsskarði á Skörðum, Skag. Síðast bús. í Seyluhreppi. Hann fæddist í Borgarey í Hólmi 5. september 1888 sonur hjónanna Árna Jónssonar snikkara ættuðum úr Vopnafirði og Guðrúnar Þorvaldsdóttur frá Framnesi i Blönduhlíð. Árni átti ekki því láni að fagna, að alast upp með föður slnum, því hann var látinn áður en sonurinn fæddist. Árni ólst því upp með móður sinni og seinni manni hennar, Pétri Gunnarssyni frá Syðra-Vallholti.
Árni fluttist með Pétri og Guðrúnu að Stóra Vatnsskarði árið 1899 og átti þar heima alla ævi eftir það. Nokkru eftir að þau fluttust að Stóra-Vatnsskarði tóku þau Guðrún og Pétur í fóstur litla stúlku tveggja sólarhringa gamla, Guðrúnu Ingibjörgu Nikódemusdóttur, en hún andaðist á þrettánda aldursári árið 1923 og varð mikil eftirsjá fósturforeldrum og fóstursystrunum, sem öll unnu henni mjög, og þegar Árni eignaðist síðar dóttur lét hann hana heita í höfuðið á henni, annað kom ekki til greina. Eftir lát þeirra Péturs og Guðrúnar, en þau létust, hann árið 1923, hún árið 1924, tók við búinu elzti bróðirinn, Þorvaldur, en hann andaðist einnig á árinu 1924 og tóku þá við búi á jörðinni bræðurnir Árni og Benedikt og bjuggu þar í tvíbýli til ársins 1964 að Benedikt andaðist. Árni var þá búinn að missa heilsuna að mestu og lét einnig af búskap.

Árni Ásgrímur Þorbjörnsson fæddist á Geitaskarði í Langadal í A-Hún. 10. júní 1915. Hann andaðist á Sjúkrahúsinu á Sauðárkróki 29. júní 2005.
Útför Árna fór fram frá Sauðárkrókskirkju 9. júlí 2005, í kyrrþey.

Árni Guðmundur Pétursson fæddist 4. júní 1924 á Oddsstöðum á Melrakkasléttu. Hann lést á hjúkrunarheimilinu á Vífilsstöðum 1. júní 2010.
Jarðarför Árna fór fram í kyrrþey, að ósk hans.

Bóndi og búfræðingur í Vík, Staðarhreppi, Skag. Bóndi þar 1930. Nefndur Árni J. Hafstað skv. Skagf.

Árni Björnsson fæddur 13. desember 1908 dáinn 31. maí 1991, leigubifreiðarstjóri og útgerðarmaður frá Ytra-Tungukoti í Blöndudal, alinn upp á Skeggstöðum í Svartárdal. Bjuggu þau allan sinn búskap í Reykjavík, síðast til heimilis að Háaleitisbraut 52. Hann lést í Landspítalanum eftir stutta sjúkrahúsdvöl. Vetrarmaður á Sunnuhvoli, Reykjavík 1930.
Að hans ósk hefur jarðarförin farið fram í kyrrþey.

Árný Guðlaug Sigurðardóttir frá Kúskerpi fæddist í Hvammi í Laxárdal í Austur-Húnavatnssýslu 15. október 1907. Hún lést á Heilbrigðisstofnun Blönduóss 17. janúar síðastliðinn. Guðlaug hóf búskap með manni sínum á Illugastöðum en árið 1939 fluttu þau hjón að Kúskerpi í Engihlíðarhreppi og bjuggu þar í fimmtíu ár. Árið 1989 fluttust þau hjón til Blönduóss og hélt Guðlaug þar ein áfram heimili eftir lát manns síns.
Útför Árnýjar Guðlaugar fer fram frá Blönduóskirkju í dag og hefst athöfnin klukkan 14. Jarðsett verður að Höskuldsstöðum.

Árný var fædd á Neðri-Fitjum í Víðidal 22. mars 1939.

Ása Berndsen Norberg fæddist á Hólanesi á Skagaströnd hinn 10. apríl 1908. Hún lést á hjúkrunarheimilinu Skjóli 26. janúar síðastliðinn.
Ása ólst upp í foreldrarhúsum á Skagaströnd en fór ung að heiman til menntunar og starfa. Lengst af bjó hún með fjölskyldu sinni á Ásvallagötu 56 hér í Reykjavík.
Útför Ásu fór fram í kyrrþey frá Fossvogskapellu fimmtudaginn 4. febrúar.

Ása Pálsdóttir fæddist á Ísafirði 28. apríl 1920. Hún andaðist á Hjúkrunarheimilinu Skjóli 18. febrúar 2008. Fjölskyldan fluttist frá Ísafirði til Reykjavíkur árið 1939.
Útför Ásu fer fram frá Lágafellskirkju í dag 25. febrúar 2008 og hefst athöfnin klukkan 13.

Húsfreyja og saumakona í Hafnarfirði. Ása Sigríður Stefánsdóttir fæddist á Húki í Miðfirði 5. maí 1913. Hún lést á Sólvangi í Hafnarfirði 29. janúar 2000.
Ása ólst upp á Húki en fluttist suður ásamt manni sínum árið 1940. Útför Ásu fór fram frá Víðistaðakirkju í Hafnarfirði 8. febrúar 2000.

Þorgerður Evaldsdóttir Sæmundsen, Blönduósi Fædd 22. ágúst 1918-Dáin 12. mars 2005 Þorgerður var fædd á Blönduósi.

Var á Blönduósi 1930. Húsfreyja í Reykjavík 1945.

Ásbjörn Þór Jóhannesson bóndi, Auðkúlu fæddur 24. júní 1942. Dáinn 30. júní 1991 Í dag er til moldar borinn frá Auðkúlukirkju,
Ásbjörn ólst upp á Fitjum hjá foreldrum sínum Jóhannesar Árnasonar frá Fitjum og Kristínar Ásmundsdóttur, sem ættuð var sunnan úr Mosfellssveit, ásamt þremur alsystkinum og fóstursystur. Hann gekk til starfa sem aðrir, vandist mikilli vinnu og átti dugnað til lífs og starfa. Hann lagði stund á fleira en búskapinn heima, var í Reykjavík 1958-59. Þaðan lá leiðin að Hvanneyri og lauk hann búfræðiprófi þaðan vorið 1960. Þá kom hann að nýju norður og var þrjá vetur ráðsmaður hjá Birni á Löngumýri. Á sumrum vann hann hjá Halldóri bróður sínum í Víðigerði.
Ásbjörn var ekki bölsýnis eða úrtölumaður. Hann hafði ánægju af mannamótum en fannst þó oftast bezt að vera heima og njóta samvista við sína nánustu eða sinna einhverjum verkefnum í stað þess að blanda sér í nefnda- og fundastörf.

Ásbjörn var tæpari til heilsu en hann vildi kannast við. Styrk, glaðværð og hressilegu fasi hélt hann allt til endadægurs.

Hann var að flytja frá Auðkúlu, stóð til brautar búinn. En ferðin sem hann fór, var ferð sem gjarnan mátti bíða nokkurt árabil. Hann varð bráðkvaddur þegar lífíð í náttúrunni skartaði sínu fegursta.

Ásdís Kristinsdóttir fædd 22.7.1912 -7.8.1991. Lést á heimili sínu að Hamraborg 26, Kóp. miðvikudagsmorguninn 7. ágúst sl. Foreldrar Ásdísar bjuggu á ýmsum stöðum í Húnavatnssýslu, svo sem Gafli í Víðidal, Þingeyjarseli og Bakkakoti. Móðir hennar missti heilsuna, fékk heilablóðfall er Aðalheiður fæddist og við það tvístraðist fjölskyldan og Aðalheiður var upp frá því í fóstri að Melrakkadal.
Árið 1923 flyst fjölskyldan með 4 börn til Vestmannaeyja en eftir 1 ár flytjast þau norður aftur. Þá fer Gunnar bróðir hennar að Ási en Ásdís og Bjarni að Hofi. Foreldrar þeirra flytjast aftur til Vestmannaeyja með tvö yngstu börnin og Kristinn fer að vinna við bifreiðaakstur.

Ásdís Margrét Guðjónsdóttir fæddist í Saurbæ á Vatnsnesi í Vestur-Húnavatnssýslu 11. apríl 1922. Hún lést á hjúkrunarheimilinu Eir 5. janúar síðastliðinn. Ásdís ólst upp hjá foreldrum sínum í Saurbæ. Hún var ógift og barnlaus.
Útför Ásdísar verður gerð frá Háteigskirkju í dag og hefst athöfnin klukkan 13.30.

Ásdís Sveinsdóttir var fædd á Egilsstöðum á Völlum 15. apríl 1922. Margur kom þar gestur og gangandi, því á Egilsstöðum var rekið gistihús allt árið. - Þar kynntust börnin fjölda manna er komu þar. Egilsstaðir voru með stærstu búum í sveit.

Ásgeir Axelsson frá Litla-Felli á Skagaströnd var fæddur 7. maí 1942. Hann lést miðvikudaginn 8. júní 2011.
Ásgeir fæddist í Höfðahólum á Skagaströnd og ólst þar upp til 1955 er hann flutti að Litla-Felli með foreldrum sínum. Ásgeir var mikið náttúrubarn og unni dýrum.
Ásgeir var jarðsunginn frá Hólaneskirkju, laugardaginn 18. júní 2011, og hófst athöfnin kl. 14.

Ásgeir Hólm Jónsson fæddist á Molastöðum í Austur-Fljótum 4. mars 1933. Hann andaðist á Fjórðungssjúkrahúsinu á Akureyri fimmtudaginn 14. apríl 2011.
Útförin fer fram frá Akureyrarkirkju í dag, 20. apríl 2011, kl. 10.30.

Áslaug Sigurðardóttir fæddist á Hvítárbakka í Borgarfirði 27. janúar 1919. Hún lést á Fjórðungssjúkrahúsinu á Akureyri 20. ágúst 2005. Á stríðsárunum varð hún fyrir því að kafbátur réðist á Goðafoss og sökkti því 10.11.1944.
Áslaug var annar tveggja farþega sem komust af, en 24 íslenskir farþegar og áhafnameðlimir fórust
Áslaug var forstöðukona Barnaheimilisins Suðurborgar við Eiríksgötu á árunum 1946-1949.
Áslaug og Haukur bjuggu í Vík til ársins 1972. Eftir að hún lauk störfum árið 1986 fluttu þau Haukur norður aftur, í hús sem þau reistu í landi Víkur og nefndu Hávík. Þar bjuggu þau uns þau fluttust á Heilbrigðisstofnunina á Sauðárkróki í lok síðasta árs.
Útför Áslaugar verður gerð frá Sauðárkrókskirkju í dag og hefst athöfnin klukkan 14. Jarðsett verður í Reynistaðarkirkjugarði.

Ásmundur Eysteinsson fæddist á Höfða í Þverárhlíð 28. október 1919. Hann andaðist á Dvalarheimili aldraðra í Borgarnesi 14. október 2006. Ásmundur bjó með bróður sínum Daníel á Högnastöðum í Þverárhlíð þar til hann fluttist á Dvalarheimilið í Borgarnesi.
Ásmundur verður jarðsunginn frá Borgarneskirkju í dag 27. sept 2006 og hefst athöfnin klukkan 11.

Var í Reykjavík 1910. Prestur á Helgafelli í Helgafellssveit 1916-1919. Skólastjóri Alþýðuskólans á Eiðum um tíma. Háskólakennari á Laufásvegi 75, Reykjavík 1930. Prófessor og biskup yfir Íslandi. Síðast bús. á Akranesi.

Ásmundur Hálfdán Magnússon, fyrrverandi verksmiðjustjóri, fæddist 4. ágúst 1918 í Hnífsdal. Hann lést í Reykjavík 2. febrúar 1996.
Útför Ásmundar fer fram frá Reyðarfjarðarkirkju í dag 10, febr. 1996 og hefst athöfnin klukkan 14.

Ásta Hannesdóttir fæddist á Undirfelli í Vatnsdal 11. júlí 1926. Hún lést á líknardeild Landspítalans 26. september 2000. Ásta verður jarðsungin frá Kópavogskirkju mánudaginn 2. október og hefst athöfnin klukkan 10.30.

Ásta Jónasardóttir var fædd að Sólheimum í Svínavatnshreppi í Austur-Húnavatnsýslu 10. júlí 1904. Hún lést 12. janúar 2000. Tveggja ára gömul fluttist hún að Litladal í sömu sveit.
Útför Ástu fer fram frá Neskirkju í dag 19. janúar 2000 og hefst athöfnin klukkan 15.

Ásta Sighvatsdóttir fæddist í Reykjavík 1. maí 1897. Hún lést á öldrunardeild Sjúkrahúss Reykjavíkur við Túngötu hinn 25. maí 1998.
Útför Ástu Sighvatsdóttur verður gerð frá Dómkirkjunni í Reykjavík þriðjudaginn 2. júní og hefst athöfnin klukkan 13.30.

Ásthildur Guðrún Gísladóttir Königseder fæddist í Reykjavík 23. júlí 1943. Hún lést á heimili sínu úr hjartaáfalli 13. september 2008.
Eldamennska var líf og yndi Ásthildar, og var hún þekkt fyrir hana. Sú náðargjöf sem hún fékk í tengslum við hana var einstök og skipti þá litlu máli hvort um væri að ræða kökur, salöt eða aðra rétti. Það er ekki ofsögum sagt að hún hafi verið frumkvöðull hér á landi í tengslum við pastarétti, enda fylgdist hún vel með erlendum straumum í matreiðslu. Hún átti heilan bókaskáp af kokkabókum víðsvegar að úr heiminum. Hún var örlát og mikil selskapsmanneskja.
Ásthildur verður jarðsungin frá Dómkirkjunni í Reykjavík í dag 29. sept. 2008 og hefst athöfnin klukkan 15.

Ásthildur Teitsdóttir fæddist í Reykjavík 9. apríl 1921. Hún andaðist á Hjúkrunarheimilinu Skjóli 4. ágúst 2006. Ásthildur og Gunnar ráku búskap á Hjarðarfelli frá 1942 til 1989, hin síðari ár í samstarfi við syni sína Guðbjart og Högna og eiginkonur þeirra. Þau áttu annað heimili frá árinu 1977 á Kaplaskjólsvegi 39 í Reykjavík en voru heima á Hjarðarfelli hvenær sem tækifæri gafst. Ásthildur dvaldi á hjúkrunarheimilinu Skjóli frá haustinu 2003.
Ásthildur verður jarðsungin frá Fáskrúðarbakkakirkju í dag 12. ágúst 2006 og hefst athöfnin klukkan 14.